სად დაიკარგა რუსეთის თავდაცვის მინისტრი?
რუსეთის თავდაცვის მინისტრი დაკარგულია
11 მარტიდან, ანუ უკრაინის ომის მე-16 დღიდან, რუსეთის თავდაცვის მინისტრი სერგეი შოიგუ საჯაროდ აღარ ჩანს. იმ დღემდე იგი უკავშირდებოდა თავის კოლეგებს სხვა ქვეყნებში, გადასცემდა ჯილდოებს – ანუ არსებობდა მტკიცებულებები, რომ სამხედრო დეპარტამენტის უფროსთან ყველაფერი რიგზე იყო. მას შემდეგ კი რუსეთის თავდაცვის მინისტრი დაკარგულია.
მთავარი სამხედრო ლიდერის 13-დღიანი გაქრობა, თანამედროვე რუსეთის ისტორიაში ყველაზე სერიოზული ომის დროს, ცხადია, საიდუმლოდ დიდხანს ვერ დარჩებოდა. ამიტომ ჟურნალისტებს გაუჩნდათ კითხვა – სად არის შოიგუ?
24 მარტს ხელისუფლებამ გადაწყვიტა კითხვაზე პასუხი გაეცა, ეთქვა, რომ: “ყველაფერი რიგზეა, თავდაცვის სამინისტროს უფროსი ადგილზეა”. ამიტომ, სახელმწიფო მედიამ უშიშროების საბჭოს სხდომიდან მოკლე ვიდეო აჩვენა.
“მედიაზონას” რუსულმა გამოცემამ ეს ვიდეო კარგად შეისწავლა. გამოცემა ფიქრობს, რომ სავარაუდოდ, შოიგუ ამ შეხვედრას არ ესწრებოდა.
არხზე “Россиа 1” უშიშროების საბჭოს მთელი სხდომიდან, რატომღაც, “მხოლოდ ის კადრები გავიდა, სადაც შოიგუს კამერასთან დაკავშირებული პრობლემები ჩანს – მინისტრი ჩნდება და ქრება ეკრანიდან.
ნებისმიერმა ადამიანმა, რომელიც მონტაჟითა და “პოსტპროდაქშენით” არის დაკავებული, იცის, რომ ტელევიზორის ეკრანზე რაღაცის ჩასმა, მით უმეტეს, თუ კადრი სტატიკურია (არამოძრავი), ელემენტარული ამოცანაა. “კამერასთან დაკავშირებული პრობლემის” ეფექტი კი სპეციალურად უნდა დაამატო, რომ მაყურებლის ყურადღება მიიქციოს – ყველამ შეამჩნიოს, რომ შეხვედრას შოიგუ ესწრებოდა.
მაგრამ, ასეა ეს? არგუმენტები რომ, სავარაუდოდ, შოიგუ იქ არ იყო:
1.
რუსეთის ფედერაციის უშიშროების საბჭოს წინა სხდომების კადრებში, რომლებიც 3 და 11 მარტს გაიმართა, ჩანს, რომ შოიგუ ნამდვილად იყო ორივე შეხვედრაზე: ისმის ხმა და ის ჩანს ახლოდან.
ამავდროულად, 11 მარტის შეხვედრაზე შოიგუს ფონი და ჩაცმულობა სრულიად იდენტურია რუსეთის უშიშროების საბჭოს ახალ სხდომაზე მინისტრის ფონისა და სამოსისა. ნაჩვენებ ვიდეოში ხმა არ ისმის. დიდი ალბათობით შეგვიძლია ვივარაუდოთ, რომ შოიგუს კადრები უბრალოდ ერთ-ერთი წინა შეხვედრიდან იყო აღებული და მიმდინარეში ჩასმული.
2.
ზოგადად, ვიდეოს მთლიან მონტაჟს შეიძლება ეწოდოს უცნაური: ვიდეო ორნახევარი კადრისგან შედგება.
პირველი კადრი – არის საერთო ხედი ტელევიზორთან. მეორე – პრეზიდენტ პუტინის ახლო კადრი. შემდეგ კი მესამე – იგივე ზოგადი კადრი, რომელზეც შოიგუს ნაცვლად შავი ეკრანია (თითქოს, კამერასთან დაკავშირებული პრობლემა).
მაგრამ, პირველი კადრი საერთოდ არ ჯდება მეორესთან: პუტინის სხეულის სულ სხვა პოზიცია აქვს, ის სხვა მიმართულებით იყურება. მესამე კადრი კი პირველი კადრის დასაწყისია. ეს აშკარა გახდება, თუ მას ბოლოდან ამოვჭრით და დასაწყისში გადავიტანთ.
დიდი ალბათობით, უშიშროების საბჭოს სხდომა მართლაც შედგა, თუმცა, თავდაცვის მინისტრის გარეშე. მისი კადრი უბრალოდ ჩაამონტაჟეს წინა სხდომის კადრების გამოყენებით. დამატებით, ყურადღების მისაქცევად, კადრის პრობლემაც გამოკვეთეს, მასზე ფოკუსის გადატანით, რომ მაყურებელს ის აუცილებლად შეემჩნია.
- „დედა, გვიღალატეს“ – რუსი ჯარისკაცების ისტორიები უკრაინაში მიმდინარე ომიდან
- რატომ არის პუტინის ომი დასავლეთის ყველაზე დიდი გამოცდა მეორე მსოფლიო ომის შემდეგ
შოიგუს ვიდეოსთან დაკავშირებით, მსგავს დასკვნამდე მივიდა გამოცემა The Moscow Times-იც.
„24 მარტის შეხვედრის ვიდეო შეადარეთ 11 მარტის შეხვედრას:
- მინისტრის უკანა ფონი იგივეა.
- ზუსტად იგივეა მისი ჩაცმულობაც.
- შოიგუს წითელი ჰალსტუხიც ზუსტად იგივე მიმართულებით და მილიმეტრებით მოძრაობს”, – წერს გამოცემა
