"ამაში ყველაზე საშიში ის არის, რომ კრემლი ნამდვილად ასე ფიქრობს" - კომენტარი
მედვედევი საქართველოსა და ყაზახეთის დაპყრობის რუსეთის სურვილზე
ვიაჩესლავ პოლოვინკო, სპეციალურად Novaya Gazeta-სთვის, ევროპა.
რუსეთის ყოფილი პრემიერმინისტრის, ახლა კი უშიშროების საბჭოს თავმჯდომარის მოადგილის, დმიტრი მედვედევის სოციალურ ქსელ VKontakte-ში საქართველოსა და ყაზახეთის დაპყრობის სურვილის შესახებ პოსტმა დიდი სკანდალი გამოიწვია. და არა მარტო მისი შინაარსის გამო.
ამ ტექსტში ყველაზე საშიში ის არის, რომ კრემლი მართლა ასე ფიქრობს.
ბევრი წინა მოვლენა და განცხადება ამაზე მეტყველებს. თუმცა თავად პოსტი 10 წუთის შემდეგ წაიშალა, რის შემდეგაც მედვედევის თანაშემწემ განაცხადა, რომ მისი გვერდი ჰაკერებმა გატეხეს, რომლებმაც “რატომღაც დაწერეს” ეს უზარმაზარი პოსტი, შეურაცხმყოფელი მეზობელი ქვეყნებისთვის.
რა ეწერა
პოსტში ნათქვამია, რომ „ნაციონალისტების ბანდებისგან” კიევისა და უკრაინის, როგორც პატარა რუსეთის მთელი ტერიტორიის გათავისუფლების შემდეგ, რუსეთი კვლავ ერთიანი გახდება:
„ჩვენ დავიწყებთ შემდეგ კამპანიას, რათა აღვადგინოთ ჩვენი სამშობლოს საზღვრები, რომლებიც, მოგეხსენებათ, არსად არ მთავრდება.”
პოსტში ნათქვამია, რომ 1801 წლამდე ისეთი ქვეყანა, როგორიც საქართველოა, საერთოდ არ არსებობდა და ის მხოლოდ რუსეთის იმპერიის საზღვრებში გაჩნდა.
„ჩრდილოეთ და სამხრეთ ოსეთი, ასევე აფხაზეთი და საქართველოს დანარჩენი ტერიტორიები შეიძლება გაერთიანდეს მხოლოდ რუსეთთან ერთი სახელმწიფოს შემადგენლობაში“, – ნათქვამია პოსტში.
- რის მიღება სურს რუსეთს აფხაზეთისგან – ტერიტორიებისა და ობიექტების შესახებ. კომენტარი
- “HIMARS -ი მთავარი ფაქტორია” – რატომ აგებს რუსეთი დონბასისთვის ბრძოლას? იულია ლატინინას კომენტარი
ტექსტი ასევე ესება ყაზახეთს: “ეს არის “ხელოვნური სახელმწიფო” და არის “ყოფილი რუსეთის ტერიტორია”. ქვეყნის ხელისუფლება ქვეყნიდან ასახლებს სხვადასხვა ეთნიკურ ჯგუფებს, მათი ეს მოქმედება შეიძლება კლასიფიცირებული იყოს როგორც რუსების გენოციდი. ჩვენ არ ვაპირებთ ამაზე თვალის დახუჭვას. სანამ რუსები იქ არ მივლენ, წესრიგი არ იქნება“, – წერს მედვედევი.
რატომ განარისხა ბევრი ადამიანი ამ პოსტმა? საქმე ის არის, რომ ის ძალიან ჰგავს რეალურ სამოქმედო გეგმას
● რუსეთის თავდაცვის მინისტრმა სერგეი შოიგუმ ივლისის შუა რიცხვებში ისაუბრა სსრკ-სადმი ნოსტალგიაზე.
● რუსეთის პრეზიდენტმა პუტინმა სსრკ-ს დაშლას „მე-20 საუკუნის უდიდესი გეოპოლიტიკური კატასტროფა“ უწოდა.
● უკრაინის ომი და ბელორუსის დე ფაქტო გარე ადმინისტრაციაც, როგორც ჩანს, იმპერიის აღდგენის გეგმის ნაწილია.
● Russia Today-ის რედაქტორის, მარგარიტა სიმონიანის ქმარმა, კომიკოსმა ტიგრან კეოსაიანმა, ყაზახებს “ჭკვიანები” უწოდა და თქვა, რომ დროა გადაწყვიტონ ვისთან ერთად უნდათ ყოფნა (კეოსაიანს მაშინ ქვეყანაში შესვლა აუკრძალეს).
● იყო დეპუტატ ზატულინის განცხადებაც, რომ ყაზახეთი შეიძლება გახდეს მეორე უკრაინა.
დსთ-ს ქვეყნების ინსტიტუტი, იგივე ზატულინის ხელმძღვანელობით, ატარებს გამოკითხვას პოსტსაბჭოთა ქვეყნებში იმის შესახებ, თუ როგორ არღვევენ იქ რუსების უფლებებს.
რუსეთისგან აგრესიის გარდა არაფერია მოსალოდნელი. ისინი ამისთვის ყველაფერს გააკეთებენ.
ცოტა ხნის წინ, ყაზახეთის პრეზიდენტმა, კასიმ-ჟომარტ ტოკაევმა, უპასუხა Russia Today-ის ხელმძღვანელის, მარგარიტა სიმონიანის კითხვებს ღია ტექსით: „ჩვენ არ ვაღიარებთ კვაზისახელმწიფოებრივ ტერიტორიებს, როგორიცაა დონეცკი და ლუგანსკი“.
ყაზახეთმა დაიწყო ვაჭრობის პოლიტიკაში გამოსავლის ძებნა, მკვეთრად გაზარდა თავდაცვის ხარჯები და მოძებნა ახალი სტრატეგიული პარტნიორები – პირველ რიგში, თურქეთი, რომელიც ყაზახეთის ტერიტორიაზე ააშენებს თავის საბრძოლო თვითმფრინავების ქარხანას. ტოკაევი ასევე ეძებს პარტნიორებს საუდის არაბეთში, ევროპის ქვეყნებში და შეერთებულ შტატებში.
სტრატეგიული თვალსაზრისით, რუსეთის ჰიპოთეტური შეჭრა ყაზახეთში მათ უფრო მეტ ზიანს აყენებს, ვიდრე სიკეთეს, მაგრამ 24 თებერვლის შემდეგ, რუსეთის შესახებ რაიმე რაციონალური ჰიპოთეზა აღარ მუშაობს.
რუსეთში ყველა ეთნიკური ჯგუფი ახლა რუსია
ომამდეც ქსენოფობია, ან სულ მცირე, რუსების მხრიდან სხვა ხალხების მიმართ დამთმობი დამოკიდებულება სერიოზული პრობლემა იყო ეთნიკურ კომუნიკაციაში.
ქვემოთ მოცემულ ვიდეოში ადამიანები ჯერ ასახელებენ თავიანთ ეროვნებას, შემდეგ კი ამბობენ, რომ ისინი, მიუხედავად ყველაფრისა, რუსები არიან. ბოლოს ისინი ერთხმად იფიცებენ პრეზიდენტ პუტინის სახელს.
In #Yekaterinburg, #Russia, Sima-Land online retailer continues filming cringe videos clearly modelled on the Nazi Germany originals. Thousands of workers are filmed pledging their allegiance to Putin, their dear Führer:
— Alex Kokcharov (@AlexKokcharov) July 29, 2022
ეს უკიდურესად სახიფათო ტენდენციაა: რუსი პოლიტიკოსებისა და პროპაგანდისტების ნებისმიერმა შემდეგმა განცხადებამ, იქნება ეს რეალური თუ ყალბი, შეიძლება გამოიწვიოს არაპროგნოზირებადი პოლიტიკური შედეგები.
დროა რუსეთმა საბოლოოდ გააცნობიეროს, რომ მისი ნებისმიერი პროვოკაციული განცხადება მეზობელ ქვეყნებთან მიმართებაში მხოლოდ ზრდის მის მიმართ ზიზღს.
