აფხაზეთის პრეზიდენტი და საკალმახე: ოპოზიციის აზრით, ხელისუფლებამ ლეგიტიმაცია დაკარგა
აფხაზეთი: ოპოზიციის აზრით პრეზედენტმა ლეგიტიმაცია დაკარგა
აფხაზეთის ოპოზიციის ლიდერის, ადგურ არძინბას თქმით, პრეზიდენტმა ასლან ბჟანიამ ლეგიტიმაცია დაკარგა. მათ შორის, იმის გამოც, რომ ხალხისგან ფარულად სახელმწიფო აგარაკი ბიჭვინთაში და 184 ჰა მიწის ნაკვეთი რუსეთს გადასცა.
ტელეგრამის არხ “რესპუბლიკასთან”ინტერვიუში არძინბამ თქვა, რომ პრეზიდენტისადმი ნდობა საგრძნობლად შემცირდა. პრობლემა, მისი აზრით, ისიცაა, რომ „დაპირებული რეფორმების განხორციელების ნაცვლად, ხელისუფლება საკუთარი, კომერციული ინტერესების მოგვარებაზეა კონცენტრირებული“.
ვინ ჩაიბარა ყველაზე დიდი საკალმახე მეურნეობა?
ოპოზიციონერი ამბობს, რომ აფხაზეთში, შავ მდინარეზე, ყველაზე დიდი საკალმახე მეურნეობის დენაციონალიზაციისა და კერძო პირებისთვის გადაცემის იდეა პრეზიდენტის ოჯახის წევრების უშუალო ინტერესია.
„ეს დანამდვილებით ვიცით და აფხაზეთშიც ბევრმა იცის ამის შესახებ. ეს ზრდის პრეზიდენტისადმი სანდოობას? ” – კითხულობს არძინბა.
- იჩაგრება თუ არა რუსული ენა აფხაზეთში? მოსაზრება
- მოსკოვი აფხაზეთს „სარკინიგზო“ კრედიტი: არც ლიანდაგები, და არც ფული
- რითი განსხვავდება აფხაზეთი შვეიცარიისგან?
“მათ “შეჭამეს” 850 მლნ დოლარის დახმარება რუსეთისგან”
ოპოზიციის ლიდერის თქმით, 2010-2014 წლებში აფხაზეთმა რუსეთისგან 850 მილიონი დოლარის დახმარება მიიღო.
„ეს ადამიანები, რომლებიც ახლა ხელისუფლებაში არიან, მაშინაც ხელმძღვანელობდნენ აფხაზეთს. ამ ხალხმა უბრალოდ ხელიდან გაუშვა წინსვლის ისტორიული შანსი. მათ შეჭამეს ეს შანსი. ვალებშიც ჩაგვყარეს, რომელთა გადახდასაც 21-ე საუკუნის შუა ხანებამდე ვერ შევძლებთ“, – ამბობს ადგურ არძინბა.
“აფხაზეთისთვის უსაფრთხოება არ არის მხოლოდ რუსეთი, ეს არის ჩვენი მზადყოფნაც”
პრეზიდენტი ბჟანია გააკრიტიკეს იმის გამოც, რომ მისი თქმით “აფხაზეთის წინაშე არსებული მრავალი პრობლემა სოციალურ-ეკონომიკურ სფეროში და უსაფრთხოების საკითხებში, რუსეთის დახმარების გარეშე ვერ გადაიჭრება”.
„როდესაც პრეზიდენტი ამბობს ჩვენ არაფერი შეგვიძლიაო, ის ნამდვილად არ ცრუობს. ასლან ბჟანიას და მის გუნდს ნამდვილად არაფერი შეუძლიათ. მაგრამ ეს არ ნიშნავს, რომ აფხაზ ხალხს არ შეუძლია. ეს ორი განსხვავებული რამ არის. თუ არ გჯერათ საკუთარი ძალების და ხალხის, მაშინ არ უნდა მართავდეთ ქვეყანას.
აფხაზი ხალხი საკმაოდ ძლიერია, მიუხედავად მათი სიმცირისა. ჩვენ ყოველთვის ისტორიულად ვასრულებდით დიდ ამოცანებს“, – განაცხადა აფხაზური ოპოზიციის ლიდერმა.
აფხაზეთი: ოპოზიციის აზრით პრეზედენტმა ლეგიტიმაცია დაკარგა
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად.ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
