ოსი სამხედროების ნაწილმა უკრაინაში ბრძოლაზე უარი თქვა და ცხინვალში დაბრუნდა

ოსებმა უკრაინაში ბრძოლაზე უარი განაცხადეს

სამხრეთ ოსეთის რუსული სამხედრო ბაზიდან უკრაინის ომში გაგზავნილი ჯარისკაცების ნაწილი, წასვლიდან რამდენიმე დღეში უკან, ცხინვალში დაბრუნდა. სამხედრო მოსამსახურეებმა ეს გადაწყვეტილება თავად მიიღეს. ადგილობრივი ხელისუფლება მომხდარზე არაფერს ამბობს. წყაროები ირწმუნებიან, რომ ჯარისკაცებმა ბრძოლაზე უარი სათანადო მომზადებისა და აღჭურვილობის არქონის გამო თქვეს.

ჯარისკაცების მოულოდნელად დაბრუნებას ტელეგრამ არხის ВЧК-ОГПУ წყარო განმარტავს (ეს არის საიტის – რუსული კრიმინალი არხი ტელეგრამზე)

„პირველ რიგში, ჯარისკაცები არ გამოქცეულან, ისინი სამხრეთ ოსეთის ყოფილმა პრეზიდენტმა (ედუარდ კოკოითმა) და მისმა კაცმა, მეტსახელად “ბალამ” დააბრუნეს სახლში.

მეორეც, წაიყვანეს იმის გამო, რომ ეს ჯარისკაცები, უკრაინაში გაგზავნისას, ჩაწერილი იყვნენ როგორც მოხალისეები და არა როგორც 58-ე არმიის სამხედრო მოსამსახურეები. თუმცა, სინამდვილეში ისინი ჯარში კონტრაქტით მსახურობენ.

ცხინვალი "მშობლიურ" რუსეთთან შეერთებას გეგმავს. რას ამბობს თბილისი?

როგორ უნდა უპასუხოს საქართველოს მთავრობამ ბიბილოვის განცხადებას

გარდა ამისა, ეს სამხედროები უკრაინაში ძალიან “მსუბუქად აღჭურვილი” გაგზავნეს: ტყვიაგაუმტარი ჟილეტების, საჭირო რაოდენობის იარაღისა და აღჭურვილობის გარეშე. ეს იმიტომ, რომ სამხრეთ ოსეთში 58-ე არმიის სარდლობა სამხედრო პერსონალის უზრუნველსაყოფად განკუთვნილ თანხას ხელისუფლებასთან ერთად “ჭამს”.

ფაქტობრივად, ეს ახალგაზრდები იქ საზარბაზნე ხორცად გაგზავნეს, სასიკვდილოდ, ოღონდ ადგილობრივ გენერლებს და პირადად სამხრეთ ოსეთის პრეზიდენტს, კუთვნილი მედლები მიეღოთ.

ამ გარემოებების გამო, ჯარისკაცები ფრონტის ხაზიდან წამოიყვანეს. ისინი არ გამოქცეულან.

ჯარისკაცები არ არიან დამნაშავეები, რომ მათი ხელმძღვანელობა კორუმპირებულია“.

რატომ შეიჭრა რუსეთი უკრაინაში, რა სურს პუტინს და როგორ შეიძლება დასრულდეს ომი?

რა გზა არსებობს ამ ომის დასასრულებლად? როგორი შეიძლება იყოს “ნეიტრალური კიევი”?

სამხრეთ ოსეთის ყოფილმა პრეზიდენტმა ედუარდ კოკოითმა დაადასტურა, რომ უკრაინაში გაგზავნილი ჯარისკაცების ნაწილი სამშობლოში დაბრუნდა.

„ჩვენ ყველა შეშფოთებული ვართ ჩვენი ჯარისკაცების გამო, რომლებიც ომიდან ოსეთში დაბრუნდნენ. არავის აქვს უფლება განიკითხოს ეს ბიჭები ან სიმხდალეში დაადანაშაულოს. ჯერ უნდა გავიგოთ მომხდარის მიზეზები და გავარკვიოთ, როგორ დაორგანიზდა მათი მონაწილეობა…

უნდა გვახსოვდეს, რომ ასობით ჩვენი მებრძოლი ახლა საბრძოლო მოქმედებების ზონაშია და გმირულად იბრძვის. არავითარმა გარემოებამ არ უნდა დაუშვას მათი შემართება დაეცეს.

ეჭვი არ მეპარება, რომ ის ბიჭები, რომლებიც სახლში დაბრუნდნენ, თუ საჭიროდ ჩათვლიან ,სათანადო მომზადების და უზრუნველყოფის შემდეგ, დაბრუნდებიან სამხედრო სპეცოპერაციის ზონაში და დაეხმარებიან დონბასის გათავისუფლებას. მაგრამ ხაზს ვუსვამ, რომ მათი ჩართულობა მაქიმალურად პასუხისმგებლიანად უნდა იყოს მომზადებული. ჩვენ ვალდებული ვართ დავიცვათ ყველა სიცოცხლე“, – განაცხადა კოკოითმა.

"კონფლიქტის მშვიდობიანი გადაწყვეტა აფხაზებთან და ოსებთან", – ქართული სამოქალაქო საზოგადოების წევრების მიმართვა

ქართული სამოქალაქო საზოგადოების წარმომადგენელთა ჯგუფი ხელისუფლებას სთავაზობს, კიდევ ერთხელ დაადასტურონ აფხაზებთან და ოსებთან კონფლიქტების მშვიდობიანი მოგვარების მიმართ მათი ვალდებულება.

ჟურნალისტი მურატ გუკემუხოვი გამოცემა “ეხო კავკაზში “ადგილობრივ ექსპერტებზე” დაყრდნობით წერს, რომ პირადად სამხრეთ ოსეთის პრეზიდენტის ანატოლი ბიბილოვის სურვილი იყო, სამხრეთ ოსეთიდან უკრაინაში მაქსიმალურად ბევრი სამხედრო მოსამსახურე გაეგზავნათ.

„მე-4 ბაზის სარდლობას ესმის სიტუაციის დელიკატურობა (ომს გადარჩენილი პატარა ერი და ა.შ.) და არ სურდა ამდენი ჯარისკაცის გაგზავნა. მაგრამ ბიბილოვის მხრიდან ეს იყო კრემლისადმი ერთგულების დემონსტრირება, რაც ახლა განსაკუთრებით ღირებულია.

როგორც ახლა ირკვევა, ბიჭები მოწევის, თბილი ტანსაცმლისა და ტყვიაგაუმტარი ჟილეტების გარეშე გააგზავნეს.

ბევრს ახსოვს როგორ დაიფიცა ბიბილოვმა სამხრეთ ოსეთის ჯარის ლიკვიდაციისა და ჯარისკაცების მე-4 რუსულ ბაზაზე საკონტრაქტო სამსახურში გადაყვანის დროს, რომ არცერთი მათგანი რესპუბლიკის გარეთ არ გაიგზავნებოდა.

“ჩვენი ბიჭები სამხედრო მოვალეობის შესრულებას ამაყად აღმართული ბანერით აპირებენ”, – წერს პრეზიდენტი ბიბილოვი ტელეგრამის არხზე, – ”თუ ფაშიზმს შორეულ საზღვრებში არ დავამარცხებთ, ხვალ ის ისევ გამოჩნდება აქ, ჩვენს სამშობლოსთან მიმართებაში”.

თუმცა, ამ ბიჭებს შორის არ არის მისი შვილი, ის პრესტიჟულ რუსულ უნივერსიტეტში სწავლობს”.

ოსებმა უკრაინაში ბრძოლაზე უარი განაცხადეს

სტატია მომზადებულია ცხინვალის რედაქციის მიერ და პროექტის პირობების თანახმად, დაბეჭდილია უცვლელად.ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო