ხეების გადატანის ახალი ტალღა

ყოფილი პრემიერს ბიძინა ივანიშვილის დენდროლოგიურ პარკში ასწლოვანი ხეების გადატანა გრძელდება.

220 ტონისა და 37 მეტრის სიგრძის მაგნოლიას გიგანტური ხე ზღვის სანაპიროზე უკვე ჩატანილია. მას შეკვეთილში საზღვაო მარშრუტით გადაიტანენ, თუმცა როდის დაიწყება მისი ტრანსპორტირება ყოფილი პრემიერის დენდროლოგიურ პარკში, ამინდის შესაბამისად გადაწყდება.

გიგანტური მაგნოლაის ხის გარდა გუშინ დილიდან სოფელ ქვემო ნატანებში, ყოფილი ჩაის ფაბრიკის ტერიტორიიდან,  10-მდე ასწლოვანი ხის, მათ შორის ცაცხვის ხეების, გადატანის სამუშაოების სამზადისი დაიწყო.

ადგილზე მობილიზებულია ტექნიკა, ამწეები, თვითმცლელი მანქანები, ტერიტორიზე მიწის სამშაოები მიმდინარეობს.

აღნიშნული ხეებიც შეკვეთილში, ყოფილი პრემიერ-მინისტრის ბიძინა ივანიშვილის კუთვნილ დენდროლოგიურ პარკში გადააქვთ.

მაგნოლიას ხის ყოფილი პრემიერის პარკში გადატანის პროცესში:

• ბათუმი-ქობულეთის ცენტრალურ მაგისტრალზე ასწლოვან ხეებს ტოტებს მთელი დღის განმავლობაში აჭრიდნენ. იმისათვის, რომ 220 ტონისა და 37 მეტრის სიგრძის გიგანტური ხის ტრანსპორტირება უსაფრთხოდ მომხდარიყო, გაკაფეს ჯანსაღი ევკალიფტებიც .
• მაგნოლიის გადატანამ ბათუმი-ქობულეთის გზაზე ერთ კილომეტრამდე საცობი შექმნა
• ხის გადატანის პროცესის გამო სარკინიგზო მაგისტრალის ელექტროგადამცემი ხაზები 2 საათით გაითიშა

მაგნოლიას ასწოლვანი ხის გარდა ყოფილმა პრემიერმა გაზაფხულზე საკუთარ დენდროლოგიურ პარკში აჭარიდან 650 ტონიანი ტიტას ხე გადაიტანა.