საქართველოს მთავრობა ბაღებში სამხედრო სწავლების შეტანას აპირებს

მთავრობა ბაღებში სამხედრო სწავლების შეტანას აპირებს

საქართველოს პრემიერმინისტრმა ირაკლი ღარიბაშვილმა ჯარის ბანაკის გახსნაზე განაცხადა, რომ სამხედრო სწავლება ბაღებშიც უნდა შეიტანონ.

“ჯარის მნიშვნელობა და ზოგადად, ჩვენი საამაყო ჯარის როლი ჩვენი საზოგადოების განვითარების საქმეში ძალიან დიდია. მიმაჩნია, რომ აუცილებელია ჩვენი ახალგაზრდების ჩართულობა, თავიდანვე, სკოლებიდან, ის კი არა, ბაღებშიც უნდა შევიტანოთ სწავლება, მეტი ინფორმაცია უნდა შევიტანოთ, რომ გაიზარდოს ინფორმირებულობა და ცნობიერება ამაღლდეს ახალგაზრდებში – გაიგონ თავად, თუ როგორ იმართება ჯარი.” – ამბობს პრემიერი.

მისივე განმარტებით, ჯარის ბანაკი ხელს შეუწყობს ახალგაზრდებში ჯანსაღი, სწორი ღირებულებების პოპულარიზაციას. როგორც ღარიბაშვილი აღნიშნავს, დღევანდელ მსოფლიოში და დღეს, საქართველო ამ გლობალიზაციის ნაწილია:

“ძალიან ბევრი საცდურია ჩვენი ახალგაზრდებისთვის, ამიტომ ახალგაზრდას თავიდანვე სჭირდება სწორი ორიენტირების განსაზღვრა. რა თქმა უნდა, ამ პროცესში ჩვენი, სახელმწიფოს როლი არის ძალიან მნიშვნელოვანი. რა თქმა უნდა, თავდაპირველად ოჯახი და შემდეგ სახელმწიფო.”

● პრეზიდენტის მიმართვა დამოუკიდებლობის დღეზე: საზოგადოება არ დათმობს ევროპულ არჩევანს. კიდევ რა თქვა ზურაბიშვილმა
● “შიდა მტრების დესტრუქციული ქმედებები საფრთხეა ქვეყნისთვის” – რა თქვა პრემიერმა პარლამენტში
● “მათი ქმედებები და პოზიციები ჩვენი ღირებულებებისგან შორსაა” – ევროპელმა სოციალისტების პარტიამ ოცნება გარიცხა