პოლიტიკოსები, მოსამართლეები, პროპაგანდისტები და ბიზნესმენები - ვის შეეხება MEGOBARI აქტის სანქციები
MEGOBARI აქტის სანქციები
რესპუბლიკელმა კონგრესმენმა ჯო უილსონმა სოციალურ პლატფორმა X-ზე იმ ადამიანების სია გამოაქვეყნა, ვისაც შეერთებული შტატები MEGOBARI Act-ის მიღების შემდეგ პირველ რიგში დაასანქცირებს.
აშშ-ის კონგრესის წარმომადგენელთა პალატამ MEGOBARI Act 6 მაისს მიიღო. აქტი ამერიკის პრეზიდენტს რეჟიმის წევრების, მათი ხელშემწყობებისა და ოჯახის წევრებისთვის სანქციების დაწესებას ავალდებულებს.
ახლა კანონპროექტი აშშ-ის სენატმა უნდა დაამტკიცოს. ბოლო ეტაპი კი პრეზიდენტ დონალდ ტრამპის ხელმოწერაა.
სიაში ხელისუფლების მაღალჩინოსნები, მოსამართლეები, ბიზნესმენები და ოცნების პროპაგანდისტები მოხვდნენ.
დოკუმენტში მითითებულია, რომ “ჩამოთვლილი პირები ეხმარებიან ბიძინა ივანიშვილს, საქართველოში ჩრდილოვან მმართველს, ქართული სახელმწიფოს ხელში ჩაგდებასა და ქვეყნის ჩინეთის, ირანისა და რუსეთის გავლენის ქვეშ მოქცევაში”.
კონგრესმენის მიერ გამოქვეყენბული სია ასე გამოიყურება:
აღმასრულებელი და სამართალდამცავი:
- ირაკლი კობახიძე – საქართველოს პრემიერმინისტრი;
- კახა კალაძე – თბილისის მერი, “ქართული ოცნების” მდივანი;
- ირაკლი ღარიბაშვილი – ყოფილი პრემიერმინისტრი;
- ვახტანგ გომელაური შსს-ს მინისტრი;
- ანრი ოხანაშვილი – უსაფრთხოების სამსახურის უფროსი;
- პაატა სალია – იუსტიციის მინისტრი;
- მაკა ბოჭორიშვილი – საგარეო საქმეთა მინისტრი;
- სულხან თამაზაშვილი – აჭარის მთავრობის თავმჯდომარე.
საკანონმდებლო:
- შალვა პაპუაშვილი – პარლამენტის თავმჯდომარე;
- ნინო წილოსანი – პარლამენტის ვიცე-სპიკერი;
- მამუკა მდინარაძე – “ქართული ოცნების” აღმასრულებელი მდივანი
- ვიქტორ ჯაფარიძე – დეპუტატი, პროპაგანდისტული “პოსტივის” მეწილე;
- დიმიტრი სამხარაძე – დეპუტატი;
- თეა წულუკიანი – დეპუტატი.
სასამართლო:
- მიხეილ ჩინჩალაძე;
- ლევან მურუსიძე;
- დიმიტრი გვრიტიშვილი;
- გიორგი მიქაუტაძე;
- ლევან თევზაძე;
- ირაკლი შენგელია;
- რევაზ ნადარაია;
საკვანძო სახელმწიფო სტრუქტურები:
- გიორგი გაბიტაშვილი – გენპროკურორი;
- კარლო კაციტაძე – სპეციალური საგამოძიებო სამსახური;
- გიორგი კალანდარიშვილი – ცესკოს თავმჯდომარე;
- გიორგი ჯავახიშვილი – ცესკოს მდივანი;
- რაჟდენ კუპრაშვილი – ანტიკორუფციული ბიუროს ხელმძღვანელი;
- ნათია თურნავა – ეროვნული ბანკის პრეზიდენტი.
ბიზნესი:
- უჩა მამაცაშვილი;
- ივანე ჩხარტიშვილი;
- ალექსანდრე ივანიშვილი;
- ოთარ რომანოვ-ფარცხალაძე;
- ნოშრევან ნამორაძე.
პროპაგანდისტები:
- ირაკლი რუხაძე – ტელეკომპანია “იმედის” მფლობელი;
- ლაშა ნაცვლიშვილი – “პოსტივის” დამფუძნებელი;
- ვასილ მაღლაფერიძე – საზოგადოებრივი მაუწყებლის სამეურვეო საბჭოს თავმჯდომარე;
- თინათინ ბერძენიშვილი – საზოგადოებრივი მაუწყებლის დირექტორი;
- კახა ბექაური – მარეგულირებელი კომისიის თავჯდომარე.
