კორონავირუსი მსოფლიოში

სამეფო კარიდან წყაროები იტყობინებიან, რომ 71 წლის პრინცი ჩარლზი თავს კარგად გრძნობს და “კარგ ხასიათზეა”. ის თვითიზოლაციაში შოტლანდიაშია, მისი მეუღლე, კორნუოლის ჰერცოგინია, ცალკეა იზოლაციაში

ესპანეთში, კორონავირუსით გარდაცვალების 3 434 შემთხვევაა დარეგისტრირებული. ეს წინა დღესთან შედარებით 27 პროცენტით მეტია.

ჩინეთში, სადაც კორონავირუსის აფეთქება დაიწყო, 3 281 ადამიანი გარდაიცვალა.

ესპანეთში, 47 610 ინფიცირებულია.

მსოფლიოში, კორონავირუსით გარდაცვალების ყველაზე მაღალი მაჩვენებელი იტალიაშია – 6 820 ადამიანი.

ესპანეთში ელიან, რომ უახლოესი დღეების განმავლობაში, Covid-19-ის შემთხვევების რიცხვი გაიზრდება.

მსოფლიოში, კორონავირუსით ინფიცირებულია 422 911 ადამიანი.

გარდაიცვალა – 18 905

გამოჯანმრთელდა – 109 143

პანდემიის ტემპი ძალიან დაჩქარდა. Covid-19-ის შესახებ პირველი ინფორმაციის გავრცელებიდან 67 დღე გახდა საჭირო, რათა ინფიცირებულთა რიცხვი 100 ათასამდე ასულიყო, 11 დღე დასჭირდა შემდეგ 100 ათასს, სულ რაღაც 4 დღე მესამე 100 ათასეულს და სამი – კიდევ 100 ათასს.

დედამიწის მოსახლეობის თითქმის მესამედი, 2,5 მილიარდი ადამიანი, პანდემიის გამო დაწესებული გადაადგილების შეზღუდვის პირობებში იმყოფება.

ცხრილში მოცემულია კორონავირუსის გავრცელების სტატისტიკა, ქვეყნების პირველი ათეული.

ჩინეთი პირველ ადგილზეა ინფიცირების შემთხვევათა რაოდენობით, მაგრამ იქ უკვე კვირაზე მეტია, რაც დღეში, მაქსიმუმ, ორი-სამი შემთხვევა ფიქსირდება. ჩინეთის ხელისუფლება ამტკიცებს, რომ ეს შემთხვევები დაკავშირებულია სხვა ქვეყნებიდან ჩამოსულებთან.

იტალიაში, გასული 24 საათის განმავლობაში 743 ადამიანი გარდაიცვალა. საერთო ჯამში, ამ ქვეყანაში კორონავირუსით 6 820 ადამიანი დაიღუპა.

ინფიცირებულია – 69 176.

მაგრამ იტალიაში, ინფიცირებისა და სიკვდილის ახალი შემთხვევების ტემპი, შესაძლოა, შემცირდეს, რადგან ორი კვირა გადის ქვეყნის ჩაკეტვიდან. ექსპერტების თქმით, რადგან მიიჩნევა, რომ Covid-19-ს ერთიდან ორ კვირამდე საინკუბაციო პერიოდი აქვს, სრული ორი კვირაა საჭირო, რათა დავინახოთ ნებისმიერი მიღებული ზომის უპირატესობა, რომელიც ხალხს ურჩევს ან მოუწოდებს სახლში დარჩენისკენ.

იტალია სრულად 13 მარტს ჩაიკეტა.

აშშ-ში ვირუსით გარდაცვლილთა საერთო რიცხვმა 764-ს მიაღწია.

ინფიცირებულია – 54 914.

ნიუ-იორკში დარეგისტრირებულია კორონავირუსით ინფიცირების 25 ათასი და გარდაცვალების 200-ზე მეტი შემთხვევა. ამასთან, შემთხვევათა რაოდენობა ყოველ მესამე დღეს ორმაგდება.

ჯანდაცვის მსოფლიო ორგანიზაციამ გაფრთხილება გაავრცელა, რომ აშშ, შესაძლოა, კორონავირუსის შემდეგი ეპიცენტრი გახდეს.

514 გარდაცვლილი დღე-ღამეში – ესპანეთში ეპიდემიის დაწყებიდან ეს ყველაზე მაღალი მაჩვენებელია. საერთო ჯამში, ქვეყანაში უკვე 2 991 ადამიანი გარდაიცვალა. ინფიცირებულია 42 058 ადამიანი.

სპეციალისტების თქმით, სიტუაცია მკვეთრად გაამწვავა 8 მარტს, ქალთა საერთაშორისო დღისადმი მიძღვნილმა მარშმა. მასში ათობით ათასი ადამიანი მონაწილეობდა, რომელთაც ყურად არ იღეს გაფრთხილება იმის შესახებ, რომ ასეთმა დიდმა შეკრებამ, შესაძლოა, კორონავირუსის აფეთქება გამოიწვიოს.

ოთხი დღის შემდეგ, მარშში მონაწილე ორ მინისტრს კორონავირუსის დიაგნოზი დაუსვეს. ასევე, დაინფიცირდა პრემიერ-მინისტრის, პედრო სანჩესის ცოლი, რომელიც დემონსტრაციაში მონაწილეობდა.

ინფიცირებულთა რაოდენობა, სულ რამდენიმე დღეში, თითქმის გასამმაგდა – 3 000 ადამიანამდე.

საერთო ჯამში, საფრანგეთში 1 100 ადამიანი გარდაიცვალა.

24 საათის განმავლობაში, დაავადების 2 444 დადასტურებული შემთხვევაა, რის შემდეგაც, ინფიცირებულთა საერთო რიცხვი 22 304 გახდა.

საფრანგეთი 17 მარტიდან ჩაიკეტა, ადამიანებისგან შენობებში დარჩენას მოითხოვენ.

მასში ორი პალატა განთავსდება და 4 000 პაციენტი დაეტევა.