კორონავირუსი კავკასიაში. 50 გარდაცვლილი დაღესტანში, ხელისუფლება ფალსიფიცირებული სტატისტიკის გამოსწორებას ცდილობს

ეს მოულოდნელად დიდი რიცხვია, ამ დრომდე ხომ იმას ამბობდნენ, რომ პანდემიის განმავლობაში, რესპუბლიკაში 151 ადამიანი გარდაიცვალა. ამავდროულად, ოპერატიული შტაბი ვერ ასახელებს კონკრეტულ საავადმყოფოებს, სადაც ეს ადამიანები დაიღუპნენ.

ხელისუფლება ხელოვნურად, რამდენჯერმე ამცირებდა ინფიცირებისა და გარდაცვალების სტატისტიკას და ახლა, ალბათ, რიცხვის სწრაფად გამოსწორებას ცდილობს – რადგან სიტუაციით, რუსეთის პრეზიდენტი პუტინი დაინტერესდა, ამის შესახებ სოციალურ ქსელ Telegram-ში წერენ.

29 მაისს, რუსეთის პრეზიდენტ ვლადიმირ პუტინის სპეციალური დავალებით, მოსკოვიდან მახაჩკალაში, სპეცრეისით ჩაფრინდა თითქმის 20 ექიმითა და მედდით დაკომპლექტებული ბრიგადა.

ოფიციალურ სტატისტიკას დაღესტანში მწვავედ აკრიტიკებენ. ახლა ის განსაკუთრებით აბსურდულად გამოიყურება. რესპუბლიკაში გადავსებულია საავადმყოფოები და მთელი სოფლები წერენ იმის შესახებ, რომ მათთან ადამიანები იღუპებიან. ოფიციალური სტატისტიკით კი, 28 მაისს, დაღესტანში, კორონავირუსით ინფიცირებული მხოლოდ 26 ადამიანი იყო, რადგან სულ დაინფიცირდა 4 579 ადამიანი, გამოჯანმრთელდა – 4 402 და გარდაიცვალა – 151.

სომხეთში, გასული დღე-ღამის განმავლობაში, კორონავირუსით კიდევ შვიდი ადამიანი გარდაიცვალა.

საერთო ჯამში, პანდემიის დაწყებიდან დაინფიცირდა 8 676 ადამიანი, მათგან 3 297 გამოჯანმრთელდა.

316 პაციენტი მძიმე მდგომარეობაშია, 53 – უკიდურესად მძიმეში.

უახლოეს პერიოდში, სომხეთში, რეანიმაციისთვის 100 დამატებითი ადგილი შეიქმნება.

„ჩვენი ამოცანაა – არ დავუბრუნდეთ კარანტინს, მაგრამ ეს გამორიცხული არ არის. ამ გადაწყვეტილებას ინტენსიური თერაპიის განყოფილებებში საწოლების რაოდენობიდან გამომდინარე მივიღებთ. სიტუაცია ყოველდღიურად უარესდება, უკიდურესად რთულ მდგომარეობაში მყოფი პაციენტების რიცხვი იზრდება“, – განაცხადა პრემიერ-მინისტრმა, ნიკოლ ფაშინიანმა.

კორონავირუსთან ბრძოლოს ზომები სომხეთში

სომხეთში, საგანგებო მდგომარეობა 13 ივნისამდე მოქმედებს.

მაგრამ უკვე გაუქმდა შეზღუდვები გადაადგილებაზე და გაიხსნა თითქმის ყველა ბიზნესი: საწარმოები, მაღაზიები, საპარიკმახეროები, მუზეუმები.

18 მაისიდან მუშაობა დაიწყო საზოგადოებრივმა ტრანსპორტმა. მას საგულდაგულო დეზინფექცია უტარდება. ყველა მგზავრი ვალდებულია ტრანსპორტში პირბადე ეკეთოს.

• ინფიცირებულთა რაოდენობა იზრდება და ეს პიკი არ არის. რა ხდება სომხეთში?

ავტობუსებში, მიკროავტობუსებსა და თბილისის მეტროში სავალდებულოა ნიღბის გამოყენება.

ავტობუსებში უქმდება მძღოლთან არსებული წინა კარი.

8 ივნისიდან მუშაობას განაახლებს საქალაქთაშორისო სატრანსპორტიც.

15 ივნისიდან საქართველო შიდა ტურიზმის განახლებას გეგმავს, 1 ივლისიდან კი საზღვრების გახსნას და უცხოელი ტურისტების მიღებას.

• როგორ უძლებენ მოხუცები იზოლაციას

სომხეთში, პანდემიის დაწყებიდან, სულ 113 ადამიანი გარდაიცვალა.

დაინფიცირდა 8 216 ადამიანი, გამოჯანმრთელდა და საავადმყოფოდან გაეწერა 3 287 პაციენტი.

კორონავირუსთან ბრძოლის ზომები სომხეთში

სომხეთში, საგანგებო მდგომარეობა 13 ივნისამდე გაგრძელდება.

მაგრამ უკვე მოიხსნა შეზღუდვები გადაადგილებაზე და გაიხსნა თითქმის ყველა ბიზნესი: საწარმოები, მაღაზიები, საპარიკმახეროები, მუზეუმები.

18 მაისიდან ამუშავდა საზოგადოებრივი ტრანსპორტი. მაგრამ მას დეზინფექცია უტარდება და ყველა მგზავრმა ნიღაბი უნდა ატაროს.

• ინფიცირებულთა რაოდენობა იზრდება და ეს პიკი არ არის. რა ხდება სომხეთში?

ოფიციალური ინფორმაციით, ინგუშეთში, კორონავირუსით დაინფიცირდა 1 906 ადამიანი და 44 მათგანი გარდაიცვალა.

თუმცა, ინგუში აქტივისტი, მუსა აბადიევი დარწმუნებულია, რომ მართალია ის ბევრი ექიმი და ექსპერტი, რომლებიც აცხადებენ, რომ ინფიცირებულთა და გარდაცვლილთა რიცხვი გაცილებით მეტია.

აბადიევმა გასული წლების სიკვდილიანობის საშუალო მაჩვენებელი 2020 წლის მონაცემებს შეადარა.

„ჩვეულებრივ პერიოდში, თვეში, საშუალოდ 130 ადამიანი იღუპებოდა. ახლა – საშუალოდ 235 ადამიანი.

შეგვიძლია თავისუფლად ვივარაუდოთ, რომ სხვაობა ამ წელს გარდაცვალების საშუალო თვიურ მაჩვენებელსა და გასულ წელს შორის, სწორედ კორონავირუსის მსხვერპლები არიან. ანუ 170 ადამიანი, რაც ოთხჯერ მეტია ოფიციალურ მაჩვენებელზე და ეს რიცხვი კიდევ ზუსტდება“.

საკუთარი სიტყვების დასამტკიცებლად, აბადიევმა გამოაქვეყნა 409 გარდაცვლილის სახელი და მათი საცხოვრებელი ადგილი. ბევრ მათგანს სიკვდილის მიზეზად „ავტოსაგზაო შემთხვევა“ აქვს მითითებული და როგორც აქტივისტი ამბობს, შეუძლია დაამტკიცოს, რომ ეს ასე არ არის.

წყარო: Кавказский узел

• კადიროვი, რომელიც სავარაუდოდ კორონავირუსით არის ინფიცირებული, ტელეეთერში გამოჩნდა

• კავკასიაში, კორონავირუსის პანდემიასთან დაკავშირებული წინა მოვლენების ქრონიკა