"12 საათი მიმუშავია სიცხიანს, ვკანკალებდი" - “ევოლუშენ ჯორჯიას” გაფიცული თანამშრომელი ჰყვება თავის ამბავს. VIDEO
გაფიცვა “ევოლუშენ ჯორჯიაში”
კვირაზე მეტია საქართველოში კომპანია „ევოლუშენ ჯორჯიას“ თანამშრომლები გაიფიცნენ. კომპანიის დასაქმებულების მიერ შექმნილ პროფკავშირში ამბობენ, რომ გაფიცულია 5 ათასამდე ადამიანი. კომპანიაში ამ ინფორმაციას უარყოფენ და მხოლოდ 800 გაფიცულზე საუბრობენ.
ნებისმიერ შემთხვევაში, ეს კერძო კომპანიის თანამშრომელთა ერთ-ერთი ყველაზე მასშტაბური გაფიცვაა ქვეყანაში.
„ევოლუშენ ჯორჯია“ ონლაინ-კაზინოების სერვისების პროვაიდერი კომპანიაა, სადაც 8 ათასზე მეტი ადამიანია დასაქმებული. აქ უმეტესად სტუდენტები მუშაობენ. გაფიცვის მიზეზი მძიმე, ჯანმრთელობისთვის დამაზიანებელ შრომის პირობებია.
ნანუკა ნადირაძე “ევოლუშენ ჯორჯიას” გაფიცულ თანამშრომელთაგან ერთ-ერთია. ის მარტოხელა დედაა. იმისთვის, რომ შვილი ფინანსურად უზრუნველყოს თვეში 22 ღამის განმავლობაში “ევოლუშენ ჯორჯიაში” კარტის მჩეხავად მუშაობს”. JAMnews-ს ის თავის ამბავს უყვება.
nproject
