Foreign Affairs: რუსეთი საქართველოში იმარჯვებს

Foreign Affairs საქართველოზე

ავტორიტეტული ამერიკული გამოცემა Foreign Affairs საქართველოს შესახებ სტატიას აქვეყნებს, რომელშიც ნათქვამია, რომ საქართველოს მთავრობა აშენებს რუსეთის მსგავს ავტორიტარულ სახელმწიფოს და ქვეყანაში საქართველოში იმარჯვებს.

რა წერია სტატიაში:

● რამდენადაც შეერთებული შტატები და მისი მოკავშირეები NATO-ში უკრაინაში რუსეთის პრეზიდენტის ვლადიმერ პუტინის ომზე არიან ორიენტირებულები, რუსეთის მცდელობები, სხვა ქვეყანა თავის ორბიტაზე გადაყვანის, ძირითადად შეუმჩნეველი დარჩა.

● შეერთებულმა შტატებმა და მისმა ევროპელმა მოკავშირეებმა უნდა აღკვეთონ საქართველოს რუსეთის ბანაკში გაწევრიანება. სანამ ივანიშვილი და მისი პარტია მართავენ საქართველოს, ევროკავშირში გაწევრიანება წარმოუდგენელია.

● საქართველოს ჰყავს მოსახლეობა, რომელიც ძირითადად ევროკავშირისა და NATO-ს მომხრეა. ეს მიდგომა გაძლიერდა 2008 წელს მოსკოვის ქვეყანაში შეჭრის შემდეგ, როდესაც რუსეთმა საქართველოს ტერიტორიის 20%-ის ოკუპაცია მოახდინა. მიუხედავად ამისა, საქართველოს ამჟამინდელმა ლიდერებმა არამარტო ვერ დაუჭირეს მხარი უკრაინას რუსეთის აგრესიის წინააღმდეგ ბრძოლაში, მათ ასევე გააძლიერეს ანტიდასავლური პროპაგანდა, დაიმსახურეს მოსკოვის ქება იმის გამო, რომ არ შეუერთდნენ დასავლეთის სანქციებს და რუსეთისთვის სავაჭრო შეზღუდვებს, მიბაძეს რუსული სტილს საქართველოს ძლიერი სამოქალაქო საზოგადოების დარბევაში.

● PACE საქართველოზე: რეფორმების პროცესი ჩერდება
● “რატომ არ გესმით ხალხის მოთხოვნა? მათ უნდათ ევროპა და არა რუსეთი” – საქართველოს პრეზიდენტის გამოსვლა პარლამენტში
● ევროკავშირის საგარეო მინისტრები საქართველო-მოლდოვაში პრორუსი ოლიგარქების სანქცირებას ითხოვენ – POLITICO

● მარტში, მათ სცადეს კანონის მიღება, რომელიც პროდასავლურ და პროდემოკრატიულ სამოქალაქო საზოგადოების ორგანიზაციებს “უცხოური გავლენის აგენტებად” წარმოადგენდა. მოსკოვის მხარდაჭერითა და წახალისებით, საქართველოს მთავრობა აშენებს რუსეთის მსგავს ავტორიტარულ სახელმწიფოს. 

● თბილისის ავტორიტარიზმში სვლა მით უფრო შემაშფოთებელია იმით, რომ ეს ძირითადად ერთი კაცის მიერ არის გამოწვეული: თვალსმოფარებული მილიარდერის, პარტიის ბოსის ბიძინა ივანიშვილი მიერ.

● როგორც “ქართული ოცნების” დამფუძნებელი და ყოფილი თავმჯდომარე, მზარდი პრორუსული, პოპულისტური პარტიისა, რომელმაც მოიპოვა საყოველთაო კონტროლი საქართველოს სახელმწიფო ინსტიტუტებზე, ის ბოლო ათწლეულის განმავლობაში ქვეყანას მარიონეტების მეშვეობით მართავს.

● ივანიშვილი, რომელმაც თავისი თავდაპირველი ქონება რუსეთში დააგროვა, შიშობს, რომ საქართველოს ევროკავშირში ინტეგრაციისთვის საჭირო დემოკრატიული კრიტერიუმების დაკმაყოფილების მცდელობამ შეიძლება საფრთხე შეუქმნას მის მიერ საქართველოს ინსტიტუტებისა და მთავრობის მის მარწუხებში ყოფნას და ამიტომ სასტიკად ეწინააღმდეგება ევროპასთან მჭიდრო კავშირს მოსკოვთან შეთანხმების სასარგებლოდ.

● როგორც უნგრეთსა და რუსეთში მმართველი პარტიების შემთხვევაში, “ქართულმა ოცნებამ” გამოიყენა ინსტიტუტები თანმიმდევრული არჩევნების გზით თავისი ძალაუფლების შესანარჩუნებლად და გასაფართოებლად. მან ასევე გამოიყენა ეს კონტროლი მოსკოვთან კავშირების გასაძლიერებლად.

● რუსეთის მიერ საქართველოზე კონტროლის შესამსუბუქებლად, შეერთებულმა შტატებმა და მისმა მოკავშირეებმა მხარი უნდა დაუჭირონ საქართველოს დემოკრატიულ ოპოზიციას და მიიღონ ზომები ივანიშვილისა და ნებისმიერი ქართული კომპანიის წინააღმდეგ, რომლებიც ეხმარებიან რუსეთს სანქციების თავიდან აცილებაში. დროა შეერთებულმა შტატებმა და მისმა მოკავშირეებმა სანქციები დააწესონ საქართველოს მთავრობის წევრებზე.

● ორი ათეული წლის წინ საქართველო იყო მოდელი იმისა, თუ როგორ შეეძლოთ ყოფილ საბჭოთა რესპუბლიკებს დემოკრატიულ წყობაზე გადასვლა. 2003 წლის ვარდების რევოლუციის შემდეგ – როცა სადავო საპარლამენტო არჩევნების გამო დემონსტრაციების სერია დაიწყო, რამაც გამოიწვია საქართველოს კლეპტოკრატიული მთავრობის დამხობა – საქართველოს მესამე პრეზიდენტმა, მიხეილ სააკაშვილმა, გაატარა მნიშვნელოვანი რეფორმები. პირველად მთავრობამ დაიწყო თავისი ხალხისთვის დროული სერვისების მიწოდება, რადგან ახალმა მთავრობამ გახსნა ეკონომიკა და მკვეთრად შეამცირა კორუფცია. თუმცა, რამდენიმე წლის შემდეგ სააკაშვილმა დემოკრატიული ნორმების გადალახვა დაიწყო.

● სერგეი ლავროვი: ქართული მხარე ჯერ კიდევ ფიქრობს 3+3 ფორმატში გაწევრიანებაზე, თბილისისთვის კარი ღიაა
● საპროტესტო ბანერები – აგენტების წინააღმდეგ მიმდინარე დემონსტრაციებიდან

● “ქართული ოცნების” აღზევება მჭიდროდ დაემთხვა მოსკოვის მცდელობებს, დააბრუნოს საქართველო და უკრაინა თავისი გავლენის ქვეშ. ამ მცდელობები პირველად 2008 წელს დაიწყო, როდესაც საქართველოც და უკრაინაც უერთდებოდნენ დასავლეთს, ჰქონდათ მცდელობა ევროკავშირსა და NATO-ში გაწევრიანების. მოსკოვისთვის ეს ნაბიჯები პირდაპირ საფრთხეს წარმოადგენდა და ის მიზნად ისახავდა ამ ნაბიჯების ნებისმიერ ფასად დაბლოკვას. 2008 წელს საქართველოში და 2014 წელს აღმოსავლეთ უკრაინაში შეჭრასთან ერთად, რუსეთის მთავრობამ პარტია “ქართული ოცნება” თბილისში თავისი კატის თათად აქცია.

● უკრაინის ომის ფონზე, ფინეთი შეუერთდა NATO-ს, შვედეთი გეგმავს მიბაძოს ფინეთს, უკრაინამ და მოლდოვამ კი ევროკავშირს დაჩქარებული წევრობის თხოვნით მიმართეს. თუმცა, “ქართული ოცნების” მზარდი პრორუსული ორიენტაციის გამო, თბილისი ამ ტენდენციაში გამონაკლისი გახდა.

● მაშინ, როცა რუსეთის პერიფერიაზე მყოფ სხვა ქვეყნებს სასოწარკვეთილი სურვილი ჰქონდათ დასავლურ ინსტიტუტებთან შეერთების, საქართველო – ეს არ ჰქონდა. ევროპელი ლიდერები კი შეშფოთებულნი არიან “ქართული ოცნების” მზარდი ანტიდასავლური რიტორიკითა და პოლიტიკით. 

● 2022 წელს, როდესაც ევროკავშირი წყვეტდა, მიენიჭებინა თუ არა საქართველოსთვის კანდიდატის სტატუსი, ქვეყნის ხელისუფლებამ დააპატიმრა ნიკა გვარამია, დამოუკიდებელი ქართული მედიის გენერალური დირექტორი, პოპულარულ სატელევიზიო არხის ქონების გაფლანგვისა და თანამდებობის ბოროტად გამოყენებისთვის. ეს არღვევს ევროკავშირის წესებს, მედიის თავისუფლების სტანდარტებს. ორგანიზაციები, მათ შორის Amnesty International, ბრალდებებს პოლიტიკურად მოტივირებულს უწოდებენ. ამ ნაბიჯმა ფაქტობრივად დაასრულა ქვეყნისთვის კანდიდატის სტატუსის მინიჭების განხილვა, ყოველ შემთხვევაში მოკლევადიან პერიოდში. 

● “ქართული ოცნების” მთავრობამ 2021 წელს მიხეილ სააკაშვილი საქართველოში დაბრუნების შემდეგ დააპატიმრა და დაადანაშაულა უფლებამოსილების ბოროტად გამოყენებაში. “რუსმა აგენტებმა” ის ციხეში მოწამლეს და 2023 წლის თებერვალში ევროკავშირის წევრმა ქვეყნებმა გამოთქვეს შეშფოთება სააკაშვილის ჯანმრთელობის გაუარესების გამო.

● საქართველოს ყოფილი პრეზიდენტის მიმართ მოპყრობა არის “ქართული ოცნების” კიდევ ერთი მცდელობა, შეარყიოს კანონის უზენაესობა და ამით დააზიანოს საქართველოს დასავლეთთან ინტეგრაციის შანსები.

● 2022 წლის თებერვალში, საქართველომ უარი თქვა დასავლეთის სანქციების მხარდაჭერაზე მოსკოვის წინააღმდეგ და ფაქტობრივად დაიკვეხნა, რომ რუსეთში ექსპორტის გაზრდის ახალ შესაძლებლობებს ხედავდა. ასევე არის მტკიცებულება იმისა, რომ “ქართული ოცნების” მთავრობა ეხმარება რუსეთს დასავლური სანქციების თავიდან აცილებაში.

● უკრაინის სადაზვერვო სამსახურებმა საჯაროდ დაადანაშაულეს საქართველოს მთავრობა მოსკოვთან მოლაპარაკებებში რუსეთში დასავლური სამოქალაქო და სამხედრო საქონლის კონტრაბანდის შესახებ. საქართველოს იმპორტი ევროკავშირიდან მკვეთრად გაიზარდა რუსეთის უკრაინაში შეჭრის შემდეგ, რაც აძლიერებს ეჭვებს, რომ რუსეთმა საქართველო გამოიყენება სანქციების თავიდან აცილების მიზნით. 

● სალომე ზურაბიშვილმა საზოგადოებას პირველი გამარჯვება მიულოცა
● “ქართული ოცნება” ამბობს, რომ გაიწვევს რუსულ კანონს. თუმცა, ექსპერტები გვაფრთხილებენ, რომ განცხადება არ კმარა

● 2023 წლის იანვარში, რუსეთის საგარეო საქმეთა მინისტრმა სერგეი ლავროვმა საჯაროდ შეაქო საქართველოს მთავრობა იმაში, რომ ქვეყანა არ შეუერთდა რუსეთის წინააღმდეგ სანქციებს და ასევე “დასავლეთის ზეწოლისთვის წინააღმდეგობის გაწევისთვის.” 2022 წლის მარტში, გრეგორი კარასინმა, კრემლის მომლაპარაკებელმა თბილისთან არაფორმალური დიალოგის საკითხებში, განაცხადა, რომ საქართველოს “დაბალანსებული” პოზიცია სანქციებთან დაკავშირებით მოსკოვში “შეუმჩნეველი არ დარჩება.”

● მიუხედავად იმისა, რომ ქართული ოცნების” პოლიტიკური ოპოზიცია იყო გაყოფილი და სუსტი – წლების უკანონო თვალთვალის, შანტაჟის და ხელისუფლების მიერ მედიის კონტროლის გამო – ბევრი ქართველი მკაცრად გამოეხმაურა შემოთავაზებულ ე.წ. აგენტების კანონს კანონს და დაიწყო მასობრივი დემონსტრაციები მთელი ქვეყნის მასშტაბით, რომელმაც მოახერხა დასავლური მედიის ყურადღების მიპყრობა.

●  “ქართული ოცნების” ლიდერები ვარაუდობენ, რომ სანამ პარტია ხელისუფლებაში რჩება, ქვეყანა უსაფრთხოდ იქნება. ეს გზავნილი ეხმიანება ზოგიერთ ქართველს, რომლებიც სულაც არ არიან პრორუსები, მაგრამ წუხან თავიანთი უსაფრთხოებისთვის და შიშობენ, რომ უკრაინის ომი მათ ქვეყანაშიც გაგრძელდება.  

● მთლიანი ქვეყნის დასჯის ნაცვლად, უკეთესი სტრატეგია იქნება ივანიშვილის და მისი სიმდიდრის დასავლური სანქციების სიაში დამატება. 2023 წლის 5 აპრილს სახელმწიფო დეპარტამენტმა ოთხ ქართველ მოსამართლეს დაუწესა სანქცია კორუფციისთვის – ნაბიჯი, რომელიც იშვიათია აშშ-საქართველოს ურთიერთობებში და, სავარაუდოდ, გაფრთხილებას ემსახურება ივანიშვილსა და “ქართული ოცნების” სხვა ოფიციალურ პირების, რომ ისინი შეიძლება იყვნენ შემდეგი. 

● შეერთებულმა შტატებმა და მისმა მოკავშირეებმა ასევე უნდა გამოიყენონ მეორადი სანქციები ქართული კომპანიებისა და სუბიექტების მიმართ, რომლებიც ეხმარებიან რუსეთს სანქციებისგან თავის არიდებაში.

● უცხოური აგენტების კანონის წინააღმდეგ უზარმაზარი პროტესტის წინაშე მყოფმა “ქართულმა ოცნებამ” კანონმდებლობა გააუქმა, მაგრამ ის ნებისმიერ დროს შეიძლება ხელახლა დაინერგოს და მთავრობამ, სავარაუდოდ, გათვალა, რომ მას შეუძლია ნელ-ნელა დააცხროს ოპოზიცია და შემდეგ შეასრულოს თავისი გეგმა.

● საქართველოს სამოქალაქო საზოგადოება კვლავ მტკიცედ არის ერთგული ევროატლანტიკური მომავლისადმი და დასავლეთის ადეკვატური მხარდაჭერით, მას შეუძლია ხელი შეუშალოს მოსკოვის მიერ ქვეყნის საზღვრების კვეთასა და ჩარევას.

● ბოლოს და ბოლოს, ქართველები იყვნენ რუსეთის პოსტსაბჭოთა იმპერიალიზმის თავდაპირველი მსხვერპლნი – კანარის ჩიტები ქვანახშირის მაღაროში, რომელთა გაფრთხილებები ჯერ კიდევ 2008 წელს უყურადღებოდ დარჩა. ამჯერად, მათი გაფრთხილება უნდა მოისმინონ, თუ დასავლეთი არ არის მზად, რომ ნება მისცეს რუსეთს სრულად დაიპყროს ეს ღრმად საფრთხის ქვეშ მყოფი დემოკრატია.