ევროკავშირი სუს-ის მიერ დიპლომატების მოსმენის გამო შესაბამის ნაბიჯებს გადადგამს
ევროკავშირი სუს-ის მიერ დიპლომატების მოსმენის გამო შესაბამის ნაბიჯებს გადადგამს. ამის შესახებ ევროკავშირის საგარეო პოლიტიკის ხელმძღვანელის თანაშემწემ, პიტერ სტანომ რადიო თავისუფლებასთან განაცხადა.
მისი თქმით, დიპლომატების, მათ შორის, საქართველოში ევროკავშირის ელჩის საუბრების ფარული მიყურადება დიპლომატიური ურთიერთობების შესახებ ვენის კონვენციის დარღვევაა
“ჩვენ ამ კონტექსტში შესაბამის ნაბიჯებს ვდგამთ, როგორც ამას ვაკეთებ მსგავს სიტუაციაში, მაგრამ სავარაუდო ინციდენტის ხასიათიდან გამომდინარე, ამ წუთას მეტს ვერ ვიტყვით”, – თქვა პიტერ სტანომ.
EU on reports in #Georgia that phone conversations between @CarlHartzellEU & his staff have been recorded & made public:”This is a very serious matter since it has implications in the framework of the Vienna convention on Diplomatic Relations. We’re taking appropriate steps 1/2
— Rikard Jozwiak (@RikardJozwiak) September 17, 2021
მოსმენებზე კომენტარი გააკეთა საქართველოში გერმანიის ელჩმა ჰუბერტ ქნირშმაც. მისი განმარტებით, დიპლომატიური წარმომადგენლობების ფარული მოსმენა, იმ შემთხვევაშიც კი, როდესაც ეს მათზე არ არის მიმართული, წარმოადგენს დიპლომატიური ურთიერთობების შესახებ ვენის კონვენციის დარღვევას:
“ჩვენ ვაფასებთ თანამშრომლობას საქართველოს სახელმწიფო უსაფრთხოების სამსახურთან. გამჭვირვალობისა და კონტროლის საკითხები განიხილებოდა NATO-სთან საქართველოს ყოველწლიურ შეხვედრებზე. ვფიქრობ, ეს მომავალშიც გაგრძელდება.”
● სუს-ის ფაილები: რას ამბობენ სასულიერო პირები
● “ვაგროვებთ კომპრომატებს” – გავრცელდა საიდუმლო ფაილები, სადაც სუს-ი მღვდელმთავრებს უსმენს
● საპატრიარქოს კაპიტალი. რა ქონებას ფლობს ყველაზე გავლენიანი ინსტიტუტი საქართველოში?
სუს-ის საიდუმლო ფაილები
13 სექტემბერს საქართველოში სუს-ის საიდუმლო ფაილები გავრცელდა. დოკუმენტებიდან ირკვევა, რომ სახელმწიფო უსაფრთხოების სამსახური უსმენს და უთვალთვალებს სინოდის წევრებს, პატრიარქის მოსაყდრეს, მღვდელმთავრებს, პატრიარქის თანაშემწეებს, ეპისკოპოსებს, მონაზვნებს და მათთან დაკავშირებულ პირებს.
ფაილებში ასევე ვკითხულობთ, რომ “ოპერატიული მუშაობის პროცესში გამოვლინდა – 36 არატრადიციული სექსუალური ორიენტაციის მღვდელმსახური, მანდილოსნებთან სექსუალურ ურთიერთობაში შემჩნეული 23 სასულიერო პირი (მათ შორის, მონაზვნები), 21 სასულიერო პირი, რომლებიც მოიხმარენ ნარკოტიკულ საშუალებებს.
მოგვიანებით ცნობილი გახდა, რომ რომ სახელმწიფო უსაფრთხოების სამსახური უსმენს როგორც საელჩოების თანამშრომლებს, ისე უშუალოდ ელჩებს. საუბარია ევროკავშირის ელჩ კარლ ჰარცელსა და ისრაელის ელჩ რან გიდორზე, ასევე, აშშ-ის საელჩოს თანამშრომლებსა და რიგით ჩინოვნიკებზე.
სავარაუდოდ, ეს საუბრები იმიტომ მოხვდა სუს-ის ფაილში, რომ საუბარი ეკლესიას ეხება. ფაილებში არის სუს-ის თანამშრომლების 2020 წლის თებერვლის მიმოწერაც, სადაც “ამერიკელების კონტაქტების” კონტროლზე აყვანას ითხოვენ.
ევროკავშირი სუს-ის ფაილებს პირველად დღეს გამოეხმაურა. ევროპარლამენტარი მარია კალიურანდი ამბობს, რომ ჯაშუშობის ადგილი დემოკრატიულ ქვეყანაში არ არის. ქართველი ექსპერტების და პოლიტიკოსების აზრით, ევროკავშირი საქართველოს წინააღმდეგ კონკრეტულ სანქციებს დააწესებს.
მასალების ავთენტიკურობა ამ ეტაპზე დადასტურებული არ არის.
