Edison Research-ის ბოლო კვლევა თვითმმართველობის არჩევნებამდე. მთავარი მიგნებები

ავტორიტეტულმა საერთაშორისო კვლევითმა კომპანიამ Edison Research-მა არჩევნებამდე 5 დღით ადრე ტელეკომპანია “ფორმულას” დაკვეთით საზოგადოებრივი აზრის გამოკითხვა ჩაატარა, რომლის მიხედვით, ხვალ რომ არჩევნები იყოს, მოსახლეობის 36% ხმას მმართველ პარტია “ქართულ ოცნებას” მისცემდა, ხოლო 27% “ერთიან ნაციონალურ მოძრაობას.”

კვლევის საველე სამუშაოები 12 სექტემბრიდან – 25 სექტემბრის პერიოდში ჩატარდა. გამოიკითხა 1500 ადამიანი პირისპირ ინტერვიუს მეთოდით. კვლევის ცდომილების ფარგლები +/-3%-ია 95%-იანი სანდოობის დონისთვის. 

Edison Research-ის გამოკითხვის შედეგებით, ალოკაციით, პარტიული რეიტინგები შემდეგია:

• ქართული ოცნება – 36%
• ერთიანი ნაციონალური მოძრაობა – 27%
• გიორგი გახარია  – საქართველოსთვის – 11%
• ლეიბორისტული პარტია – 4%
• ლელო – 4%
• ზურაბ ჯაფარიძე – გირჩი მეტი თავისუფლება – 4%
• ევროპული საქართველო – 2%
• გირჩი – 2%
• მესამე ძალა – სტრატეგია აღმაშენებელი – 2%
• პატრიოტთა ალიანსი – 2%
• ელენე ხოშტარია – დროა – 1%
• ანა დოლიძე – ხალხისთვის – 1%
• მოქალაქეები – 1%
• სხვა – 3%

კითხვაზე, რამდენად დარწმუნებულნი არიან საკუთარ არჩევანში, პასუხები შემდეგნაირად გადანაწილდა:

ქართული ოცნების მხარდამჭერთა 84% ამბობს, რომ დარწმუნებულია საკუთარ არჩევანში და აუცილებლად ამ პარტიას მისცემს ხმას; გამოკითხულთა 16% ამბობს, რომ არ არის დარწმუნებული;

ერთიანი ნაციონალური მოძრაობის მხარდამჭერთა 89% დარწმუნებულია საკუთარ არჩევანში, 11% ამბობს, რომ არაა დარწმუნებული;

პარტია საქართველოსთვის მხარდამჭერთა 76%-ია საკუთარ არჩევანში დარწმუნებული, 24% – არა.

Edison Research-ის კვლევის მიხედვით, კითხვაზე – “თბილისის მერის არჩევნები დღეს რომ ტარდებოდეს, ვის მისცემდით ხმას?” –  კანდიდატების მიმართ მხარდაჭერა ასე განაწილდა:

• კახა კალაძე – 43%
• ნიკა მელია – 30%
• გიორგი გახარია – 12%
• ანა დოლიძე – 6%
• ანა ბიბილაშვილი – 3%
• სხვა – 6%

● IPSOS-ის კვლევა: ქართული ოცნება – 35%, ნაციონალური მოძრაობა – 30%
● ქართული ოცნება – 33%; ნაციონალური მოძრაობა – 25%. Edison Research-ის კვლევა
● NDI-ს ახალი კვლევა: მთავარი მიგნებები და ტენდენციები

Edison Research-ის გამოკითხვის შედეგებით, მოსახლეობის 92% ადგილობრივი თვითმმართველობის არჩევნებში მონაწილეობას „ნამდვილად“, ან „სავარაუდოდ“ მიიღებს:

• 76% არჩევნებში მონაწილეობას “აუცილებლად მიიღებს”
• 16% არჩევნებში მონაწილეობას “სავარაუდოდ მიიღებს”
• 3% არჩევნებში მონაწილეობას “ნამდვილად არ მიიღებს”
• 3% “სავარაუდოდ არ მიიღებს”

კვლევითმა ორგანიზაციამ გაარკვია პოლიტიკოსების მოწონების რეიტინგიც, სადაც პირველ ორ ადგილს თბილისის მოქმედი მერი კახა კალაძე და ყოფილი პრემიერმინისტრი გიორგი გახარია იკავებენ:

• კახა კალაძე – 55% (“ნეგატიურად“ – 45%)
• გიორგი გახარია – 49% (“ნეგატიურად” – 51%)
• დავით ბაქრაძე – 48% (“ნეგატიურად” – 52%)
• ანა დოლიძე – 47% (“ნეგატიურად” – 53%)
• ნიკა მელია – 45% (“ნეგატიურად” – 55%)
• ირაკლი ღარიბაშვილი – 44% („ნეგატიურად“ 56%)
• შალვა ნათელაშვილი – 41% („ნეგატიურად“ 59%)
• ბიძინა ივანიშვილი – 40% („ნეგატიურად“ 60%)
• ელენე ხოშტარია – 40% („ნეგატიურად“ 60%)
• ხატია დეკანოიძე – 40% („ნეგატიურად“ 60%)
• მიხეილ სააკაშვილი 38% („ნეგატიურად“ 62%)
• გიორგი ვაშაძე 38% („ნეგატიურად“ 62%)
• სალომე ზურაბიშვილი 37% („ნეგატიურად“ 63%)
• ირაკლი კობახიძე 36% („ნეგატიურად“ 64%)
• არჩილ თალაკვაძე 36% („ნეგატიურად“ 64%)
• დავით უსუფაშვილი 36% (ნეგატიურად“ 64%)
• ალექსანდრე ელისაშვილი 36% (ნეგატიურად“ 64%)
• ზურაბ ჯაფარიძე 34% (ნეგატიურად 66%)
• კახა კუჭავა 34% (ნეგატიურად 66%)
• ანა ნაცვლიშვილი 34% (ნეგატიურად 66%)
• გიგი წერეთელი 31% (ნეგატიურად 69%)
• სალომე სამადაშვილი 30% (ნეგატიურად 70%)
• ბადრი ჯაფარიძე 29% (ნეგატიურად 71%)
• მამუკა ხაზარაძე 29% (ნეგატიურად 71%)
• ირმა ინაშვილი 27% (ნეგატიურად 73%)
• ნინო ბურჯანაძე 26% (ნეგატიურად 74%)
• საბა ბუაძე 25% (ნეგატიურად 75%)
• გიგა ბოკერია 24% (ნეგატიურად 76%)

კითხვაზე – “დღეს რომ არჩევნები ტარდებოდეს, ვის მისცემდით ხმას?” მონაცემები ასაკობრივი კატეგორიების მიხედვით (18-24 წლამდე და 65+ წლის ამომრჩეველი) ასე გადანაწილდა:

“ქართული ოცნებას” მხარს 18-24 წლამდე მოსახლეობის 27% უჭერს, ხოლო ოპოზიციას 73%;

65 ზემოთ მოსახლეობაში 48% მხარს ქართულ ოცნებას უჭერს, 52% კი ოპოზიციას.

საინტერესოა კიდევ ერთი მიგნება, რომელსაც Edison Research-ის კვლევაში ვკითხულობთ. ირკვევა, რომ მათი 12%, ვინც ამბობს, რომ 2020 წლის საპარლამენტო არჩევნებში ხმა ქართულ ოცნებას მისცა, 2021 წლის თვითმმართველობის არჩევნებში მხარს გახარიას პარტიას უჭერს.

გასული წლის არჩევნებზე ქართული ოცნების მხარდამჭერთა 4% წლევანდელ თვითმმართველობის არჩევნებზე ნაციონალურ მოძრაობას, 2% ლეიბორისტებს, ასევე, 2% კი ლელოს მისცემდა ხმას.

2020 წლის არჩევნებზე ქართული ოცნების მხარდამჭერთა 74% კვლავ მმართველ გუნდს უჭერს მხარს.

რაც შეეხება პარტიულ რეიტინგებს თბილისში, ის შემდეგნაირად გამოიყურება:

• ქართული ოცნება – 32%
• ნაციონალური მოძრაობა – 23%
• გიორგი გახარია – საქართველოსთვის – 12%
• ზურაბ ჯაფარიძე – გირჩი – მეტი თავისუფლება – 9%
• ლელო – 4%
• გირჩი – იაგო ხვიჩია – 4%
• დროა – 3%
• ანა დოლიძე – ხალხისთვის – 3%
• ლეიბორისტული პარტია – 3%
• პატრიოტთა ალიანსი – 2%
• მესამე ძალა – სტრატეგია აღმაშენებელი – 1%
• მოქალაქეები – 1%
• სხვა – 3%

Edison Research-ის კვლევის მიხედვით, კითხვაზე – შენს ქალაქში ადგილობრივი თვითმმართველობის არჩევნები დღეს რომ ტარდებოდეს, ვის მისცემდით ხმას?” – მოსახლეობის პასუხები ასე გადანაწილდა:

• ქართული ოცნების კანდიდატი – 43%
• ოპოზიციის საერო კანდიდატი – 39%
• გახარიას პარტია საქართველოსთვის კანდიდატი – 18%

Edison research-ის კვლევის მიხედვით, მოსახლეობის 68% ფიქრობს, რომ ქვეყანა არასწორი მიმართულებით ვითარდება და მხოლოდ 32% ფიქრობს, რომ ქვეყანა სწორი მიმართულებით ვითარდება.

საინტერესოა კიდევ ერთი მიგნება, რომელსაც კვლევაში ვკითხულობთ. როგორც ირკვევა, მოსახლეობის უმრავლესობის აზრით, სასულიერო პირებს პოლიტიკური მიზნებისთვის უსმენენ.

კითხვას – “თქვენი აზრით, ხდება თუ არა ხელისუფლების მხრიდან სასულიერო პირების პირადი ინფორმაციის მოსმენა, რათა შემდგომ ჩანაწერების პოლიტიკური მიზნებისთვის გამოყენება მოხდეს?”  – 55% დადებითად პასუხობს, 45% კი ამ დებულებას არ ეთანხმება.