დავით ჩხეიძემ საჯარო მოსამსახურემ სამსახური დატოვა
უკვე ასი დღეა, რაც დიპლომატი დავით ჩხეიძე, რომელმაც რამდენიმე კვირის წინ საჯარო სამსახური დატოვა, პროევროპულ საპროტესტო აქციებზე დგას.
ხელისუფლების პოლიტიკას იგი დიდი ხანია კრიტიკულად უყურებდა, თუმცა საჯარო სამსახურიდან წამოსვლის გადაწყვეტილება მას შემდეგ მიიღო, რაც “ოცნება” მთელი რიგი რეპრესიული საკანონმდებლო ცვლილებების ინიციატივით გამოვიდა. მათ შორის, ცვლელილები საჯარო მოხელეებსაც შეეხო.
დავით ჩხეიძე მრავალწლიანი გამოცდილების მქონე დიპლომატია. საგარეო საქმეთა სამინისტროში იგი სხვადასხვა სამსახურს ხელმძღვანელობდა, ფლობდა დიპლომატიურ პასპორტსაც.
ყოფილი დიპლომატი, საჯარო მოხელე და საერთაშორისო ურთიერთობების სპეციალისტი ახლა ჟურნალისტებს აქტივისტად ეცნობა და თავისი უწყვეტი პროტესტის ამბავს გვიყვება.
