აფხაზეთის პარლამენტის წევრს, სავარაუდოდ რუსეთის მოქალაქეობა ჩამოერთვა
აფხაზეთის პარლამენტის წევრი
დაუდასტურებელი ინფორმაციით, აფხაზეთის პარლამენტის წევრს და ოპოზიციის ერთ-ერთ ლიდერს კან კვარჩიას რუსეთის მოქალაქეობა ჩამოართვეს, რადგან რუსეთის დაზვერვის სამსახურებმა მისი ქმედება ეროვნული უსაფრთხოებისთვის საფრთხედ დაასახელეს.
რუსეთის შინაგან საქმეთა სამინისტროს მიგრაციის დეპარტამენტის კრასნოდარის განყოფილების ოფიციალურ განცხადებაში ნათქვამია, რომ ”50 წლის აფხაზეთის მკვიდრმა რუსეთის მოქალაქეობის მიღების შემდეგ, ჩაიდინა ქმედებები, რომლებიც საფრთხეს უქმნიდა რუსეთის ფედერაციას“, რის შედეგადაც მისი რუსული პასპორტი ბათილად იქნა ცნობილი და ექვემდებარება ჩამორთმევას. დამატებითი დეტალები არ გავრცელებულა.
თუმცა სოციალური ქსელების მომხმარებლებმა “დედუქციის მეთოდით“ გაარკვიეს, რომ ეს მხოლოდ დეპუტატი კან კვარჩია შეიძლებოდა ყოფილიყო. იმიტომ რომ კრემლს დიდი ხანია წყენა აქვს მის მიმართ.
2024 წლის ნოემბრიდან სხვადასხვა ანონიმური ტელეგრამის არხები აცხადებდნენ, რომ მოსკოვი აპირებს კვარჩიასთვის რუსეთის მოქალაქეობის ჩამორთმევას, რადგან ის იყო რუსეთ-აფხაზური საინვესტიციო შეთანხმების რატიფიცირების წინააღმდეგ საპროტესტო აქციების ერთ-ერთი ლიდერი.
ამ საპროტესტო აქციებმა საბოლოოდ მცირე გადატრიალება გამოიწვია – ოპოზიცია და მისი მხარდამჭერები შეიჭრნენ სამთავრობო შენობაში და აიძულეს პრეზიდენტი ასლან ბჟანია გადამდგარიყო.
კრემლი უკიდურესად უარყოფითად გამოეხმაურა მოვლენების მსგავს შემობრუნებას. სხვადასხვა რუსულმა მედიასაშუალებებმა კან კვარჩიას ანტირუსი პოლიტიკოსი უწოდეს.
- კომენტარი აფხაზეთიდან: არა ანტირუსული აქტი, არამედ პასუხი ბჟანიას პოლიტიკაზე
- აფხაზეთში მასობრივი პროტესტია რუსეთთან საინვესტიციო შეთანხმების წინააღმდეგ. ითხოვენ პრეზიდენტის გადადგომას. Live
კან კვარჩიასთვის რუსეთის მოქალაქეობის სავარაუდო ჩამორთმევის ცნობამ აიძულა აფხაზეთის პარლამენტი მოეწვია სახელმწიფო-სამართლებრივი პოლიტიკის კომიტეტის სხდომა, სადაც საგარეო საქმეთა მინისტრი, სერგეი შამბა გამოიძახა. დეპუტატები მისგან ამ ინფორმაციის სისწორის გარკვევას აპირებდნენ, თუმცა შამბამ შეხვედრაში მონაწილეობაზე უარი თქვა.
ძალიან მნიშვნელოვანია, რომ აფხაზეთის მოქალაქეებს ჰქონდეთ მეორე, რუსეთის მოქალაქეობა, რადგან თავად აფხაზეთის პასპორტი არ არის აღიარებული საერთაშორისო დონეზე.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
