covid-19-ით მე-6 ადამიანი გარდაიცვალა საქართველოში

გარდაცვლილი 83 წლის მამაკაცია.

მამაკაცს პირველ საუნივერსიტეტო კლინიკაში მკურნალობდნენ. მას ორმხრივ პნევმონიასთან ერთად ქრონიკული დაავადებებიც ჰქონდა და გულსისხლძარღვთა უკმარისობასთან ერთად არითმიაც აწუხებდა.   

26 აპრილის მონაცემებით, საქართველოში კორონავირუსით ინფიცირების 485  შემთხვევაა დადასტურებული. კარანტინის რეჟიმშია 4928 ადამიანი, ხოლო სტაციონარში მეთვალყურეობის ქვეშ – 522 პირი. კორონავირუსით ინფიცირებულთაგან 139 გამოჯანმრთელდა და 6 გარდაიცვალა. 

ის საავადმყოფოში სუნთქვის მწვავე უკმარისობით შეიყვანეს და მართვით სუნთქვაზე იმყოფებოდა.

• მთავრობის ანტიკრიზისული გეგმა – ვინ რა დახმარებას მიიღებს
• ვის და რა შემთხვევაში შეუძლია მანქანით გადაადგილება – გამონაკლისების სია
• ბრძოლა COVID-19-თან საქართველოში: “სიბნელეში ხელის ცეცებით”. საუბარი ზურაბ ჭიაბერაშვილთან

ეს covid-19-ით გარდაცვალების მე-6 შემთხვევაა საქართველოში.

კორონავირუსით ინფიცირების პირველი შემთხვევა საქართველოში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი – საყოველთაო კარანტინის რეჟიმი.