covid-19-ით 408 ადამიანია დაავადებული საქართველოში

ბოლო 24 საათში კორონავირუსით ინფიცირების 9 ახალი შემთხვევა გამოვლინდა.

21 აპრილის მონაცემებით, საქართველოში კორონავირუსით ინფიცირების 408  შემთხვევაა დადასტურებული. კარანტინის რეჟიმშია 4779 ადამიანი, ხოლო სტაციონარში მეთვალყურეობის ქვეშ – 561 პირი. კორონავირუსით ინფიცირებულთაგან 95 გამოჯანმრთელდა და 4  გარდაიცვალა. 

უცხოეთიდან საქართველოში სამკურნალოდ გადმოყვანილია კორონავირუსით ინფიცირებული საქართველოს 3 მოქალაქე.

კორონავირუსით  ინფიცირებულთა რაოდენობის ზრდის მხრივ ყველაზე მძიმე მდგომარეობა ბოლნისის რაიონშია. ბოლნისში ამ დროისთვის covid-19-ის 54 დადასტურებული შემთხვევაა. კარანტინში იმყოფება 86, ხოლო თვითიზოლაციაში 390-ზე მეტი ადამიანი.

26 აპრილამდე კარანტინი გამოცხადდა მარტყოფის ღვთაების მამათა მონასტერში. მონასტრის 8 სასულიერო პირი თვითიზოლაციაში იმყოფება.

მარტყოფის ღვთაების მამათა მონასტერში კარანტინის გამოცხადება მას შემდეგ გახდა აუცილებელი, რაც 11 აპრილს, ერთ-ერთ მოძღვართან აღსარებაზე მყოფ ქალს 2 დღის შემდეგ covid-19 დაუდასტურდა.

ქვემო ქართლის რეგიონში სახელმწიფო რწმუნებულის, შოთა რეხვიაშვილის ინფორმაციით, სასულიერო პირებს ამ ეტაპზე covid-19-ის სიმპტომები არ აქვთ.

“პრევენციის მიზნით არიან თვითიზოლაციაში. თუ საჭირო გახდება, იქ გამკაცრდება ზომებიც და კონტროლიც”, – ამბობს რეხვიაშვილი.

ახალი კორონავირუსის გავრცელების საფრთხის გამო დროებით დაკეტილია წყნეთის ტაძარი და ბოლნისის სიონის ეკლესია. წყნეთში კორონავირუსი მრევლის  წევრს დაუდასტურდა, რომელიც აღსარრებაზე იყო მისული, ბოლნისში კი – მოძღვარს.

ახალი კორონავირუსი დაუდასტურდა აჭარაში მცხოვრებ ერთ ქალსაც. ის ქობულეთის კლასტერის წარმომადგენელია.

• ორონავირუსი და ბოლო ჟამის ეკლესია. საუბარი გია ნოდიასთან და ბექა მინდიაშვილთან
• საქართველო პიკს უახლოვდება. მზად არის თუ არა ქვეყანა
• პატრიარქი: სიცოცხლეც და გარდაცვალებაც უფლის ხელშია
• “ვართ მე და ჩემი ბერიკაცი, ხან ნარდს ვთამაშობთ, ხან კარტს,” – როგორ ცხოვრობენ ხანდაზმულები იზოლაციაში

კორონავირუსის პანდემიის შეჩერების მიზნით საქართველოში 21 მარტს საგანგებო ვითარება გამოცხადდა, 31 მარტიდან კი საქართველოს მთელს ტერიტორიაზე კომენდანტის საათი ამოქმედდა.