ცხინვალის რეგიონში გახმაურებული მკვლელობისთვის, ყოფილი "ვაგნერელი" დააკავეს
მკვლელობა სამხრეთ ოსეთში
ე.წ. სამხრეთ ოსეთში ბოლოდროინდელმა მკვლელობამ, რომელიც სცილდება ჩვეულებრივ კრიმინალურ ინციდენტს, საზოგადოება აღაშფოთა.
17 აპრილის საღამოს ცხინვალის ცენტრში დანით მოკლეს ცნობილი ქალაქელი კაცი სოსლან ვალიევი, მეტსახელად ცუგრი. ვალიევს დაბადებიდან მენტალური ჯანმრთელობის პრობლემები ჰქონდა, მას მთელი ქალაქი იცნობდა. ერთ-ერთი მკვლელი, სავარაუდოდ, ყოფილი “ვაგნერელი” დაქირავებული მებრძოლია. თუმცა, საზოგადოება მომხდარში პრეზიდენტ ალან გაგლოევსა და მის ძმას ადანაშაულებს.
შინაგან საქმეთა სამინისტროს ცნობით, ვალიევი „საავადმყოფოში გადაიყვანეს, სადაც ჭრილობების შედეგად გარდაიცვალა“.
გენერალურმა პროკურატურამ აღძრა სისხლის სამართლის საქმე, რადგან ეჭვი შეეპარა ადგილობრივ სამ მცხოვრებელში, რომლებსაც მანამდეც ჰქონდათ კანონთან პრობლემები.
ორი მათგანი იმავე ღამეს მივიდა, რათა ეღიარებინათ დანაშაული. მესამე ეჭვმიტანილი ძებნილთა სიაში იყო და მალევე დააკავეს – გეორგი სიუკაევი, რომელიც რუსეთში 2014 წელს ჩადენილი მკვლელობისთვის რუსეთში იძებნებოდა.
ტელეგრამის ზოგიერთი არხის მიხედვით, „სიუკაევი ცოტა ხნის წინ დაბრუნდა ომიდან და იგი “ვაგნერში“ იბროდა
პროკურატურის ცნობით, გამოძიება და ეჭვმიტანილთა დაკითხვა გრძელდება და უწყება პირობას დებს, რომ უფრო დეტალურ ინფორმაციას მიაწვდის „საგამოძიებო ღონისძიებების პირველი ეტაპის დასრულების შესახებ“.
ამასობაში ტელეგრამის არხებზე სათვალთვალო კამერის ჩანაწერი გამოჩნდა, სადაც კარგად ჩანს სოსლან ვალიევზე თავდასხმის მომენტი.
ასევე, Telegram-ში გავრცელდა ვიდეო საავადმყოფოს საოპერაციო ოთახიდან, რომელმაც ვალიევის სიცოცხლის ბოლო წუთები აღბეჭდა.
პრეზიდენტმა ალან გაგლოევმა ჯანდაცვის მინისტრს დაავალა გამოავლინოს და დაისაჯოს ისინი, ვინც გადაიღეს და გაავრცელეს ეს ვიდეო:
„ვიდეომასალა ყველა ეთიკური და მორალური სტანდარტის დარღვევით გახდა საჯარო. გაარკვიეთ, ვინ გადაიღო ვიდეო.”
გაგლოევმა ასევე დაავალა მინისტრს, თუ რატომ დასრულდა საქმე სიკვდილით.
- ცხინვალი: რომელი პრეზიდენტია ჩართული გახმაურებულ მკვლელობაში?
- სამხრეთ ოსეთის პარლამენტის ახალი თავმჯდომარე – „კრიმინალური წარსულით?”
- ოსი სამხედროების ნაწილმა უკრაინაში ბრძოლაზე უარი თქვა და ცხინვალში დაბრუნდა
რა შუაშია პრეზიდენტის ძმა?
სოსლან ვალიევის მკვლელობამ უკიდურესად ააღელვა ცხინვალის საზოგადოება და ამას სულ მცირე ორი მიზეზი აქვს.
ჯერ ერთი: სოსლან ვალიევი რანაირად გახდა მათი სამიზნე.
სამხრეთ ოსეთის ყოფილმა პრეზიდენტმა, ედუარდ კოკოითმა კი თავის ტელეგრამის არხზე დაწერა: „როგორც ოსეთის მცხოვრებთა უმეტესობა, მეც შოკირებული ვარ.”
რას ამბობს პრიგოჟინი
“ვაგნერის” დამფუძნებელი, რუსი ოლიგარქი ევგენი პრიგოჟინი ოკუპირებულ ცხინვალში ყოფილი ვაგნერელის მიერ ჩადენილ მკვლელობას საკუთარი პრესსამსახურის გვერდით ეხმაურება.
“ყურადღებით ვადევნებთ თვალს ჩვენს ყველა დაქვემდებარებულსა და მათ ბედს მას შემდეგ, რაც სახლში ბრუნდებიან. მინდა კიდევ ერთხელ გავუსვა ხაზი, რომ დღეს განმეორებითი დანაშაული 0.28-დან 0.32%-მდე მერყეობს, როცა ადრე 3.5-7% იყო. ამიტომ, კერძო სამხედრო კომპანია ვაგნერის მუშაობის შემდეგ დანაშაული ათჯერ და მეტად მცირდება.
გიორგი სიუკაევმა ვინ მოკლა და რატომ, ვაზუსტებთ. როგორც კი ინფორმაცია გვექნება, სიამოვნებით გაგიზიარებთ. ამიტომ სათაურები, რო “კერძო სამხედრო კომპანია ვაგნერის მებრძოლები სახლში დაბრუნების შემდე უდანაშაულო ადამიანებს ხოცავენ” არც თუ ისე შესაფერისია. გთავაზობ სათაურს: კერძო სამხედრო კომპანია ვაგნერში მსახურობის შემდეგ ყოფილი დამნაშავეებიც კი იშვიათად ჩადიან განმეორებით დანაშაულს”. – წერს პრიგოჟინი და თან ურთავს საკუთარ განმარტებას თუ რატომ მოხდა მკვლელობა.
პრიგოჟინი წერს, რომ მოკლული ვალიევი, ზედმეტსახელად ცუგრი, ქალაქ ცხინვალში ყველასთვის “ცნობილი იყო როგორც შეშლილი”, რომელიც ხშირად მთვრალი იყო და “ადგილობრივებს აწუხებდა”. პრიგოჟინის დაზუსტების მიხედვით, 17 აპრილს ვალიევი დაახლოებით 20:00-ისთვის ცხინვალში, სტალინის ქუჩაზე “ყველა გამვლელს აწუხებდა, შეურაცხყოფდა და უცენზურო სიტყვებით მიმართავდა”. პრიგოჟინის დაზუსტებაში წერია, რომ ამის შემდეგ ვალიევი მივიდა ახლომდებარედ გაჩერებულ მანქანასთან და მასში მსხდომები “შეურაცხყო და დაემუქრა”, რის პასუხადაც მათ აქვე მდგომ სიუკაევს დაუძახეს. პრიგოჟინის მტკიცებით უთანხმოება ამ ფაქტს მოჰყვა.
სტატია მომზადებულია ცხინვალის რედაქციის მიერ და პროექტის პირობების თანახმად, დაბეჭდილია უცვლელად.ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
