ცხინვალის ახალი პრეზიდენტის ახალი გუნდი - ვინ არის შემადგენლობაში და რას უნდა ველოდოთ
ცხინვალის მთავრობის ახალი შემადგენლობა
სამხრეთ ოსეთის ახალი პრეზიდენტი ალან გაგლოევი გუნდის ჩამოყალიბებას აგრძელებს. ვინ არის გუნდის შემადგენლობაში.
![](https://jam-news.net/app/uploads/2022/06/Alan-Gagloyev.jpg)
უშიშროების საბჭოს მდივანი: კონტაქტები საქართველოსთან?
პრეზიდენტ ალან გაგლოევის ბოლო გადაწყვეტილებას უშიშროების საბჭოს მდივნის პოზიციაზე ანატოლი პლიევის დანიშვნის შესახებ, ცხინვალში გაურკვევლობა და კრიტიკა მოჰყვა.
69 წლის პლიევი ამ უწყებას უკვე ხელმძღვანელობდა ლეონიდ თიბილოვის პრეზიდენტობის დროს, 2012 – დან 2017 წლამდე. მაშინ იგი დიდი სკანდალის ცენტრში აღმოჩნდა მას შემდეგ, რაც მონაწილეობა მიიღო საქართველოს პატრიარქთან, ილია მეორესთან კონფიდენციალურ შეხვედრაში.
ცხინვალში ილია მეორეს „ქართული ფაშიზმის იდეოლოგად“ მიიჩნევენ. მასზე ამბობენ, რომ „ქართველებს ოსების მოკვლის კურთხევა მისცა“.
![](https://jam-news.net/app/uploads/2022/06/Pliyev-and-Ilia-II.jpg)
მაშინ, ილია მეორესთან კულუარულ შეხვედრაში, ცნობილი ქართველი ბიზნესმენი, ეროვნებით ოსი გოჩა ძასოხაშვილიც მონაწილეობდა. ძასოხაშვილის პერსონა ასევე იწვევს დაპირისპირებას როგორც სამხრეთ ოსეთში, ასევე ჩრდილოეთში.
![გავლენიანი ბიზნესმენი გოჩა ძასოხაშვილი (მარცხნივ). სამხრეთ ოსეთის მთავარი პირები](https://jam-news.net/app/uploads/2022/06/Pliyev-and-Dzasokhashvili.jpg)
ძასოხაშვილი დიდი ხნის განმავლობაში ხელმძღვანელობდა „საქართველოს ხალხთა ასამბლეას რუსეთში“. 2014 წელს, რუსეთის იუსტიციის სამინისტრომ, ეს ასამბლეა გააუქმა, მაგრამ საქართველოში არსებობას აგრძელებს.
მიუხედავად საზოგადოების დიდი აღშფოთებისა „ანატოლი პლიევისა და გოჩა ძასოხაშვილის ილია მეორესთან ფარულ მოლაპარაკებებზე”, მაშინდელ ხელისუფლებას არანაირი განმარტება არ გაუკეთებია.
ალან გაგლოევის გუნდში პლიევის მოულოდნელად გამოჩენის გამო, ცხინვალში ეს ისტორია ისევ განხილვის საგნად იქცა. ახალი ხელისუფლებას კომენტარი ჯერ არ გაუკეთებია.
გაგლოევის გუნდის სხვა საკვანძო პოზიციები საზოგადოებაში თავშეკავებულ ოპტიმიზმს იწვევს.
პოტენციური პრემიერ-მინისტრი: სამშენებლო ბაზრის მონოპოლისტი
პრემიერ-მინისტრის პოსტზე კონსტანტინე ჯუსოევი, ცხინვალის მთავარი დეველოპერული კომპანია “Мегаполис-Т”-ის გენერალური დირექტორია წარდგენილი. კანდიდატურის განხილვას პარლამენტში 20 ივნისამდე ელოდებიან და ცოტა თუ ეჭვობს, რომ პარლამენტი მხარს დაუჭერს.
54 წლის კონსტანტინე ჯუსოევის შესახებ ცნობილია, რომ 2011 წლიდან, ცხინვალში, ყველა უმსხვილეს ობიექტს მისი სამშენებლო კომპანია აშენებს.
“Мегаполис-Т” წარმატებით ითვისებს რუსულ-სამხრეთ ოსური საინვესტიციო პროგრამის სახსრებს. სამხრეთ ოსეთში ჯუსოევის კომპანიამ, სხვა ობიექტებთან ერთად, ააშენა მაგალითად:
- მიკრორაიონი “ჩრდილოეთი”
- სამთავრობო შენობა
- წმინდა სამების მართლმადიდებლური ეკლესია
- სამედიცინო და სოციალური ცენტრის შენობა
- რუსეთთან შინაგან საქმეთა სამინისტროს ერთობლივი საინფორმაციო და საკოორდინაციო ცენტრის შენობა
ჯუსოევს ხელისუფლებაში მუშაობისა და პოლიტიკური საქმიანობის გამოცდილება არ აქვს. 1993-დან 2011 წლამდე იგი სამშენებლო კომპანია შპს “Приличный”-ს გენერალური დირექტორი იყო და ექსკლუზიურად ჩრდილოეთ ოსეთში მუშაობდა.
სამხრეთ ოსეთში ის 2011 წლიდან ჩნდება, “Мегаполис-Т”-ის გენერალური დირექტორის თანამდებობაზე, ვლადიკავკაზში ფილიალის გახსნისას.
ამ კონტექსტთან დაკავშირებით ჩნდება ინტერესთა კონფლიქტი, რომელსაც, სხვათა შორის, ადგილობრივი მედია არ აშუქებს.
კითხვები
- თანამდებობის დაკავების შემდეგ ჯუსოევმა კომპანიის მართვა უნდა შეწყვიტოს. მაგრამ რაც შეეხება თავად “Мегаполис-Т”-ს?
- რა პირობებით გააგრძელებს კომპანია მუშაობას?
- გააგრძელებს თუ არა ის კონტრაქტების მიღებას პრიორიტეტულად?
- თუ ჯუსოევი საკუთარ ბიზნესს “გადააბიჯებს” და მისი ფირმა კომერციულ პროექტებს შეაჩერებს?
- ზოგადად, როგორ იურთიერთებენ “Мегаполис-Т”და მისი შვილობილი კომპანიები ცხინვალის მთავრობასთან?
- და რამდენად გაიზრდება დეველოპერების შემოსავალი, რომლებსაც ხელისუფლებაში ასეთი პოტენციური მხარდამჭერი ეყოლებათ?
კიდევ ერთი ფაქტორი, რომელიც ყურადღებას იქცევს მომავალი პრემიერის პიროვნებასთან დაკავშირებით, არის მისი ურთიერთობა უფრო ცნობილ ბიზნესმენ და ფილანტროპ ალბერტ ჯუსოევთან.
საუბარია “Стройпрогресс” ჯგუფის კომპანიების მფლობელზე. 2009-2011 წლებში ყოფილ პრეზიდენტთან, ედუარდ კოკოითთან კონფლიქტის შემდეგ, სამშენებლო მაგნატი ცხინვალიდან იძულებით გააძევეს, ტექნიკა კი ჩამოართვეს.
ამასთან დაკავშირებით, ზოგიერთი დამკვირვებელი ვარაუდობს, რომ კონსტანტინე ჯუსოევი შესაძლოა ალბერტ ჯუსოევის „ორეული” გახდეს, თითქოს ის არაოფიციალურად დაბრუნდა ცხინვალის სამშენებლო სექტორში.
- “ნებისმიერი ბიბილოვის გარდა.” როგორ მოიგო ალან გაგლოევმა ცხინვალში არჩევნები
- როგორ არსებობს მცირე ბიზნესი ცხინვალში. ფერმერის ისტორია
- გერის წმინდა გიორგის ტაძარი სამხრეთ ოსეთში. ვიდეობლოგი
შსს- ხელმძღვანელი – “გამოცდილი და პროფესიონალი
საზოგადოებაში პოზიტიური შეფასებები – “გამოცდილი”, “პროფესიონალი” – გამოიწვია ცხინვალის შინაგან საქმეთა სამინისტროს ახალი ხელმძღვანელის პიროვნებამ. ეს პოზიცია უსაფრთხოების დეპარტამენტის ყოფილმა უფროსმა, 51 წლის ვალერი გაზაევმა დაიკავა.
მან მთელი ცხოვრება სამართალდამცავ უწყებას მიუძღვნა. კარიერა 1997 წელს დაიწყო.
ჯუსოევსა და გაზზაევს არ აქვთ ოჯახური კავშირი ახალ პრეზიდენტთან. მაგრამ ის არსებობს რიგ სხვა შემთხვევებში.
იუსტიციის მინისტრი: მას პრეზიდენტი ბიბილოვი დევნიდა
იუსტიციის მინისტრად პრეზიდენტის ნათესავი ოლეგ გაგლოევი დაინიშნა. ის ცხინვალის მთავრობის აპარატის უფროსი იყო, მაგრამ 2020 წლის დეკემბერში მაშინდელმა პრეზიდენტმა ანატოლი ბიბილოვმა გაათავისუფლა.
2021 წლის ოქტომბერში, გაგლოევისა და ლანდა აბაევას წინააღმდეგ (აბაევა სამთავრობო აპარატის ბუღალტერიის განყოფილების უფროსი იყო), სისხლის სამართლის საქმე აღიძრა. პროკურატურა მათ “საბიუჯეტო თანხების არამიზნობრივ ხარჯვას” ედავებოდა. გაგლოევის სახელთან ხუთი მილიონი რუბლი [დაახლოებით $87 ათასი] ფიგურირებდა.
მაშინ ოლეგ გაგლოევი რუსეთში წავიდა, რის გამოც ის ძებნილთა სიაში შეიყვანეს. იქიდან იგი თავის პოზიციას ტელეგრამის არხზე იცავდა. მაშინ გაგლოევი მაშინდელი პრეზიდენტის ანატოლი ბიბილოვის მისამართით კრიტიკულ განცხადებებსაც აკეთებდა.
ორი თვის შემდეგ ცხინვალის საქალაქო სასამართლომ სისხლის სამართლის საქმის აღძვრა უკანონო ცნო.
პრეზიდენტის ადმინისტრაციის ხელმძღვანელი – გაგლოევის კლანის ყველაზე გავლენიანი წარმომადგენლის სიძე
პრეზიდენტის ადმინისტრაციის უფროსი ალან ჯიოევია, – იურისტი, 2014-2015 წლებში ლეონიდ თიბილოვის მთავრობაში მუშაობის გამოცდილებით. 2016 წელს თიბილოვმა იგი საკონსტიტუციო სასამართლოს მოსამართლედ დანიშნა, რომელიც ჯერ კიდევ არ არის ჩამოყალიბებული ცხინვალში.
მასზე, უპირველეს ყოვლისა, ამბობენ, რომ ცნობილი ბიზნესმენის არსენ გაგლოევის სიძეა. არსენ გაგლოევი ითვლება გაგლოევების კლანის ყველაზე გავლენიან წარმომადგენლად და ახალი პრეზიდენტის ალან გაგლოევის „ნათლიმამად“ პოლიტიკაში.
ცხინვალში ამბობენ, რომ არსენ გაგლოევისთვის აყვავების პერიოდი დაიწყო. ის ხელმძღვანელობდა პრეზიდენტ ედუარდ კოკოითის ადმინისტრაციას. 2011 წელს, შიდა პოლიტიკური კრიზისისა და ხელისუფლების შეცვლის შემდეგ, მოსკოვში წავიდა. მუშაობდა “გაზპრომში”, შემდეგ მცირე ხნით იყო მინისტრის მოადგილე ჩრდილოეთ კავკასიის საკითხებში.
კგბ, სამსახურიდან გათავისუფლება თანამდებობების დაპირების გამო?
ცხინვალის კგბ არის ის სტრუქტურა, სადაც 2016 წლამდე თავად გაგლოევი მუშაობდა. მას ეკონომიკური უსაფრთხოების განყოფილებაში ეკავა თანამდებობა. ამ უწყებიდან მაიორის წოდებით გავიდა.
პრეზიდენტი გახდომის შემდეგ გაგლოევმა თითქმის მაშინვე გაათავისუფლა კგბ-ს თავმჯდომარის პირველი მოადგილე, გენერალ-მაიორი ვლადიმერ ხუბაევი და თავმჯდომარის მოადგილე ვასილი გულიევი.
მიზეზები არ დასახელებულა.
ზოგი ამბობს, რომ ყოფილმა დაზვერვის ოფიცერმა თავის ყოფილ კოლეგებზე შური იძია. სხვები ამბობენ, რომ ამ პოზიციებს გაგლოევი ერთ-ერთ მხარდამჭერს დაჰპირდა.
მეორე ვერსია უფრო სავარაუდოა. რადგანაც, კგბ-ს თავმჯდომარის პირველ მოადგილედ დაუყოვნებლივ დაინიშნა ალექსანდრე ტუაევი – ალან გაგლოევის მეგობარი და, სავარაუდოდ, საგარეო დაზვერვის სამსახურის ყოფილი თანამშრომელი.
გამგეობების ხელმძღვანელები არ დაუნიშნავთ
პრეზიდენტის პოსტზე მოსვლის შემდეგ ალან გაგლოევმა თანამდებობიდან გაათავისუფლა ოთხივე რაიონის ადმინისტრაციის ხელმძღვანელი.
ამ პოზიციებზე ახალი სახელები ჯერ არ სახელდება.
სტატია მომზადებულია ცხინვალის რედაქციის მიერ და პროექტის პირობების თანახმად, დაბეჭდილია უცვლელად.ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო