ახალი ამბები, რეპორტაჟი: 10 ოქტომბერს, ყარაბაღში მიმდინარე საბრძოლო მოქმედებები

სომხეთის თავდაცვის მინისტრმა დავიდ ტონოიანმა და სომხეთში წითელი ჯვრის საერთაშორისო კომიტეტს დელეგაციის ხელმძღვანელმა კლერ მეიტრომ ე.წ. ჰუმანიტარული ზავის დეტალები და პირობები განიხილეს. შეთანხმების თანახმად, რომელსაც ხელი სომხეთისა და აზერბაიჯანის საგარეო საქმეთა მინისტრებმა მოაწერეს, მხარეებს შორის სამხედრო ტყვეებისა და დაღუპულთა ცხედრების გაცვლის პროცედურები წითელი ჯვრის საერთაშორისო კომიტეტს შუამავლობითა და მისი კრიტერიუმების შესაბამისად წარიმართება.

აზერბაიჯანის მიერ ცეცხლის შეწყვეტის შეთანხმების დარღვევა აჩვენებს, რომ ეს ქვეყანა მოლაპარაკებებს მხოლოდ საბრძოლო მოქმედებებისთვის მზადების შესანიღბად განიხილავს. ამის შესახებ საუბარია მთიანი ყარაბაღის საგარეო საქმეთა სამინისტროს განცხადებაში.

აზერბაიჯანის, თურქეთისა და საერთაშორისო ტერორისტების «სამმხრივმა კავშირმა» ცეცხლის შეწყვეტის შესახებ განცხადების მიუხედავად, კიდევ ერთხელ მოახდინა ყარაბაღის თავდაცვის არმიის პოზიციებზე თავდასხმა. საკუთარი მოქედებით აზერბაიჯანმა კიდევ ერთხელ დაამტკიცა, რომ ის კანონგარეშე ქვეყანაა და რომ ის შეთანხმებას ხუთი წუთის განმავლობაშიც კი არ ასრულებს».

განცხადებაში ასევე ნათქვამია, რომ შექმნილ ვითარებაში, აზერბაიჯანის შეჩერება მხოლოდ ერთი გზით შეიძლება – მთიანი ყარაბაღის დამოუკიდებლობის საერთაშორისო აღიარებით.

მოწინააღმდეგის ყველა მცდელობა წარმატებით აღკვეთეს ჩვენმა ქვედანაყოფებმა. სომხეთის არმიის წინააღმდეგ, ადეკვატურ ზომებს ვიღებთ.

ამის შესახებ, Facebook-ის საკუთარ გვერდზე დაწერა სომხეთის თავდაცვის სამინისტროს პრესმდივანმა, შუშან სტეფანიანმა.

ამავდროულად, როგორც საკუთარ Facebook-ის გვერდზე, სომხეთის თავდაცვის სამინისტროს წარმომადგენელმა, არცრუნ ოვანისიანმა დაწერა, სომხეთში, სიუნიქის პროვინციაში, ქალაქ კაპანის მიმდებარე ტერიტორიას სარაკეტო დარტყმა მიაყენეს. თავდაპირველად ითქვა, რომ დარტყმა ქალაქს მიადგა, თუმცა, მოგვიანებით სამინისტრომ დაზუსტება გააკეთა: მოწინააღმდეგემ მოიერიშე დამრტყმელი უპილოტო საფრენი აპარატის გამოყენებით, დაბომბა სომხეთში, სიუნიქის პროვინციაში, სოფლები ერიცვანკი და ასევე არცვანიკი. დაიღუპა ერთი ადამიანი.

„სომხური მხარის ინფორმაცია, ჩვენი დანაყოფების მიერ, თითქოს კაპანზე განხორციელებული სარაკეტო თავდასხმისა და დაჭრილთა და დაღუპულთა შესახებ, არის მორიგი ტყუილი და პროვოკაცია მოწინააღმდეგის მხრიდან“, – ნათქვამია აზერბაიჯანის თავდაცვის სამინისტროს პრესამსახურის განცხადებაში.

„არიან დაღუპულები და დაჭრილები“, – იტყობინება სომხეთის თავდაცვის სამინისტროს წარმომადგენელი, არცრუნ ოვანისიანი.

აზერბაიჯანის თავდაცვის სამინისტრო უარყოფს ამ ინფორმაციას. კიდევ ერთხელ ვაცხადებთ, რომ აზერბაიჯანის არმიას არ მიუყენებია და არ აყენებს დარტყმებს სომხეთის ტერიტორიაზე განთავსებულ ობიექტებს“, – ნათქვამია აზერბაიჯანის თავდაცვის სამინისტროს პრესსამსახურის განცხადებაში. 

მისი თქმით, ამ დროისთვის, აზერბაიჯანული მხარე საჰაერო თავდასხმაზე გადავიდა:

„მოწინააღმდეგე ყოველმხრივ ცდილობს უპირატესობის მოპოვებას ჰუმანიტარული ზავის ძალაში შესვლამდე, მაგრამ უშედეგოდ“.

შუშან სტეფანიანი აცხადებს, რომ სომხური მხარე მოწინააღმდეგის შეტევებს იგერიებს, მსხვერპლი არ არის.

აზერბაიჯანის შეიარაღებული ძალები ყარაბაღში, კონტაქტის ხაზის სამხრეთ მიმართულებაზე აქტიურად იყენებს უპილოტო საფრენ აპარატებს, სომხური მხარე იგერიებს მოწინააღმდეგის შეტევებს. ამის შესახებ, სომხეთის თავდაცვის სამინისტროს პრესმდივანი იტყობინება. შუშან სტეფანიანი Facebook-ის საკუთარ გვერდზე ასევე წერს, რომ მოწინააღმდეგე სიტუაციის შეცვლას ცდილობს 12:00 საათამდე, ანუ იმ დრომდე, საიდანაც ჰუმანიტარული მიზნებისთვის გამოცხადებული ცეცხლის შეწყვეტის რეჟიმი ამოქმედდება.

ამავდროულად, ყარაბაღის ომბუდსმენი არტაკ ბეგლარიანი Twitter-ის საკუთარ გვერდზე წერს, რომ აზერბაიჯანმა მორიგი სარაკეტო დარტყმები განახორციელა სტეპანაკერტის დასახლებულ კვარტლებზე.

„9 ოქტომბრის შუადღიდან მოყოლებული, 10 ოქტომბრის დილამდე, ფრონტის მთელ ხაზზე, სხვადასხვა ინტენსივობით გრძელდებოდა საბრძოლო მოქმედებები.

მოწინააღმდეგეს სერიოზული დარტყმები მიადგა“, – წერს აზერბაიჯანის თავდაცვის სამინისტროს პრესსამსახური.

მოსკოვში, 2020 წლის 9-10 ოქტომბერს, აზერბაიჯანის, სომხეთისა და რუსეთის საგარეო საქმეთა მინისტრების სამმხრივ შეხვედრაზე, მთიან ყარაბაღში, საომარი მოქმედებების ზონაში, ცეცხლის შეწყვეტასა და სამშვიდობო მოლაპარაკებების ძველ ფორმატში გაგრძელებაზე შეთანხმდნენ.

• შეთანხმების ყველა დეტალი

ბრძოლების მე-14 დღე

• საბრძოლო მოქმედებების დაწყებიდან – 27 სექტემბრიდან მოყოლებული, ოფიციალური ინფორმაციით, სომხურ მხარეს 400-ზე მეტი სამხედრო მოსამსახურე და 32 მშვიდობიანი მოსახლე დაიღუპა, 195 დაიჭრა. აზერბაიჯანულ მხარეს გარდაიცვალა 31 მშვიდობიანი მოსახლე, 168 – დაიჭრა. რამდენი აზერბაიჯანელი სამხედრო გარდაიცვალა, უცნობია. ექსპერტები ბრძოლის ინტენსივობიდან გამომდინარე, რომელიც უკვე მე-14 დღეა გრძელდება, ვარაუდობენ, რომ დაჭრილთა და გარდაცვლილთა რიცხვი ორივე მხარეს ძალიან დიდია.

• მოსკოვში, 2020 წლის 9-10 ოქტომბერს, აზერბაიჯანის, სომხეთისა და რუსეთის საგარეო საქმეთა მინისტრების სამმხრივ შეხვედრაზე, მთიან ყარაბაღში, საომარი მოქმედებების ზონაში, ცეცხლის შეწყვეტასადა სამშვიდობო მოლაპარაკებების ძველ ფორმატში გაგრძელებაზე შეთანხმდნენ.

• აზერბაიჯანის პრეზიდენტმა ილჰამ ალიევმა ხალხს პროგრამული სიტყვით მიმართა და განაცხადა, რომ „თავდაპირველად საკითხი გადაიჭრება სამხედრო გზით და უკვე ამის შემდეგ, მოლაპარაკებების მაგიდასთან, დიპლომატიური გზით. მან ასევე განაცხადა, რომ „სომხეთს გაკვეთილი ჩაუტარა“. მისი გამოსვლის დროს, მოსკოვში, აზერბაიჯანის, სომხეთისა და რუსეთის საგარეო საქმეთა მინისტრების მონაწილეობით მოლაპარაკებები მიმდინარეობდა.

• მხარეთა ცნობით, 9 ოქტომბერს, მთელი დღის განმავლობაში გრძელდებოდა სასტიკი ბრძოლების ფრონტის მთელ ხაზზე. სომხური მხარის ინფორმაციით, გაძლიერდა შეტაკებები სამხრეთ მიმართულებაზე.

• მთელი 9 ოქტომბრის განმავლობაში, სარაკეტო ცეცხლის ქვეშ იყო სტეპანაკერტი (ყარაბაღი) და დასახლებული პუნქტები აზერბაიჯანის ტერიტორიაზე.

• აზერბაიჯანმა განაცხადა, რომ მისმა არმიამ კონტროლი დაამყარა კიდევ 9 დასახლებულ პუნქტზე ყარაბაღში, სულ უკვე 37-ზე. სომხეთი უარყოფს ინფორმაციას, აზერბაიჯანელი სამხედროების მიერ ქალაქ ჯებრაილისა და ჰადრუთის აღების შესახებ.

• ერევანში, ევრაზიის ეკონომიკური კავშირის საბჭოს სხდომა გაიმართა, რომელიც რუსეთის ლიდერობით მოქმედებს. მასში მონაწილეობა მიიღო რუსეთის პრემიერ-მინისტრმა მიხაილ მიშუსტინმა. გაიმართა მისი ორმხრივი შეხვედრა სომხეთის პრემიერ-მინისტრ ნიკოლ ფაშინიანთან.

• ახალი ამბები, ფოტო/ვიდეო ყარაბაღში მიმდინარე საბრძოლო მოქმედებებთან დაკავშირებით – 9 ოქტომბერი, 2020