ბალტიის ქვეყნებმა “ქართული ოცნების“ წარმომადგენლები დაასანქცირეს. ვინ მოხვდა სიაში

ბალტიის ქვეყნებმა “ქართული ოცნების“ წარმომადგენლები დაასანქცირეს

ლიეტუვამ – 74, ლატვიამ – 16, ესტონეთმა 55 ქართველი, მათ შორის მაღალჩინოსნები, დაასანქცირა. საუბარია სამოგზაურო შეზღუდვებზე – სანქცირებულებს ბალტიისპირეთის ქვეყნებში შესვლა აეკრძალათ. 

ივანიშვილის გარემოცვის სანქცირება და ოცნების არაღიარება – ევროპარლამენტმა რეზოლუცია მიიღო

რეზოლუცია არ აღიარებს “ქართული ოცნების” მთავრობის ლეგიტიმაციას

ლიეტუვის საგარეო საქმეთა მინისტრი კესტუტის ბუდრისი წერს:

“ლიეტუვამ 74 ქართველი მაღალჩინოსანი დაამატა პირთა სიაში, რომლებსაც ეკრძალებათ ქვეყანაში შემოსვლა ადამიანის უფლებების სერიოზული დარღვევისა და საქართველოში რეპრესიებისთვის.

ჩვენ მხარს ვუჭერტ ქართველ ხალხს მათ მისწრაფებაში დემოკრატიასა და ევროპული მომავლისკენ”, – წერს ის. 

ლატვიის საგარეო საქმეთა მინისტრი ბაიბა ბრაჟე წერს:

“მე დავამატე 16 საქართველოს მოქალაქე ლატვიის პერსონა ნონ გრატას სიაში, აეკრძალებათ მათ ლატვიაში შემოსვლა განუსაზღვრელი ვადით”, – წერს ის.

ესტონეთის საგარეო საქმეთა მინისტრი მარგუს ცაჰკნა წერს: 

“მე ხელი მოვაწერე ბრძანებას, რომლის თანახმადაც ესტონეთი აწესებს ქვეყანაში შემოსვლაზე შეზღუდვებს 55 ქართველი პროკურორისთვის, მოსამართლისთვის, პოლიციელისთვისვის, დეპუტატისთვის და სხვებისთვის.

ევროკავშირი თანმიმდევრულად აჩვენებს ქართველ ხალხს, რომ ჩვენ მხარს ვუჭერთ მათ ძალისხმევას დემოკრატიული საქართველოს აღდგენისთვის”, – წერს ის.

ბალტიისპირეთის ქვეყნებში შესვლა აეკრძალათ შემდეგ ადამიანებს:

მოსამართლეები – ირაკლი ხუსკივაძე, თამარ მჭედლიშვილი, ლელა მარიდაშვილი, ლევან ყოლბაია, დავით მგელიაშვილი, ნანა შამათავა, თეონა ეპიტაშვილი, არსენ კალატოზიშვილი, ლელა კალიჩენკო, დავით კურტანიძე, ირმა ტოგონიძე, გულიკო კეჟათეჟი, გიორგი გელაშვილი, ნათია გუდაძე, ნატო ხუჯაძე, ზვიად შარაძე, ირაკლი დგებურაძე, ეკა ბარბაქაძე.

პროკურორები -ვაჟა თოდუა, შმაგი გობეჯიშვილი, ზვიად გუბელაძე, ანა მეტრეველი, გიორგი მუკბანიანი, როინ ხინთიბიძე, თამარ იაკობიძე, ვლადიმერ თურმანიძე, ნუგზარ ჩიტაძე, ნინო სახელაშვილი, მალხაზ ოქროპირაშვილი, ვერა დოლიძე. 

პოლიციის თანამშრომლები – გიორგი ჩარეყაშვილი, თორნიკე მენაბდე, სულხან კიკნაძე, რევაზ წურწუმია, ზვიად მარგველანი, ზურაბ ჭარიბაშვილი, დავით მარუაშვილი, ოთარ გელაშვილი, ნოდარი ზენაიშვილი, ბერდია ფერაძე.

აჭარის რეგიონის პოლიციის უფროსი – გრიგოლ ბესელია, დავით ათაბეგაშვილი.

ბათუმის რეგიონის პოლიციის უფროსი-გოჩა ვანაძე

საქართველოს პარლამენტის წევრები – ლაშა ტალახაძე, ირაკლი ზარქუა, ვიქტორ სანიკიძე, გელა სამხარაული, ბექა ოდიშარია

მედიაპლატფორმასთან და პოლიტიკურ მოძრაობა Alt-Info-სთან ასოცირებული პირები – კონსტანტინე მორგოშია, ზურაბ მახარაძე.

TI: ივანიშვილების ოჯახს ოფშორებიდან ფული ქართულ კომპანიებში გადმოაქვს

კომპანიების გადმოფორმებისას ივანიშვილების ოჯახი სარგებლობს 2024 წელს მიღებული ე.წ. „ოფშორების კანონით”