თვითმმარველობის არჩევნები: 17:00 საათისთვის ამომრჩეველთა აქტივობა 41.35 პროცენტია

ცენტრალური საარჩევნო კომისიის ინფორმაციით, 15:00 საათისთვის ამომრჩეველთა აქტივობა 41.35 პროცენტი იყო. 

ყველაზე მაღალი ამომრჩეველთა აქტივობა ამ დროისთვის რაჭა-ლეჩხუმშია, ხოლო ყველაზე დაბალი – თბილისში.

● მოსყიდვა, დაშინება, ამომრჩეველთა ნების კონტროლი – როგორი იყო არჩევნების დღე საქართველოში
● ეგზიტპოლები: თბილისში, დიდი ალბათობით, მეორე ტური იქნება
● ცესკოს წინასწარი შედეგები: “ქართული ოცნება” ქვეყნის მასშტაბით 49 პროცენტს აგროვებს, თბილისში – 41-ს

წინა ორ არჩევნებს რომ შევადაროთ, ეს საშუალო აქტივობაა: 2020 წლის საპარლამენტო არჩევნებზე ამ დროისთვის მეტი – 45.77% იყო, 2017 წლის თვითმმართველობის არჩევნებზე კი – 36.71%.

● კენჭისყრა 20:00 საათამდე გაგრძელდება.

● 20:00 საათზე გამოქვეყნდება ეგზიტპოლის შედეგებიც.

● უბნების დახურვის შემდეგ დაიწყება ხმის დათვლის პროცედურა. შედეგები მიეწოდება ცესკოს და მიღებისთანავე ეტაპობრივად აიტვირთება სპეციალურ ვებ-გვერდზე results.cec.gov.ge.

● წინა არჩევნების შედეგად მიღებული გამოცდილება აჩვენებს, რომ მუნიციპალიტეტის არჩევნებისას, პირველადი წინასწარი მონაცემების გამოსაქვეყნებლად ოპტიმალური დრო საარჩევნო უბნების დახურვიდან 7-8 საათია. თუმცა, შესაძლოა, ამჯერად პირველადი შედეგების გამოქვეყნება კიდევ უფრო მეტი დრო დასჭირდეს, რადგან თითქმის ორჯერ მეტი სუბიექტი იღებს მონაწილეობას, ვიდრე წინა არჩევნებში.

საქართველოში საარჩევნო კენჭისყრის პროცედურა 08:00 საათზე დაიწყო და მთელი დღის განმავლობაში გაგრძელდება. საარჩევნო უბნები 20:00 საათზე დაიხურება. მთელი ამ დროის განმავლობაში აკრძალულია პოლიტიკური პარტიების რეკლამა და აგიტაცია.

2 ოქტომბრის არჩევნებისთვის რეგისტრირებულია 43 საარჩევნო სუბიექტი. მერის არჩევნებში ის კანდიდატი გაიმარჯვებს, რომელიც არჩევნებში ამომრჩეველთა ხმების 50%-ზე მეტს მიიღებს. ამასთან, საარჩევნო რეფორმის შედეგად, 40%-იანი ბარიერი მოქმედებს საკრებულოების მაჟორიტარი წევრების ასარჩევად.