ალიევის რეჟიმის კრიტიკოსი აზერბაიჯანელი ჟურნალისტი საქართველოში არ შემოუშვეს
ალიევის რეჟიმის კრიტიკოსი ჟურნალისტი სეიმურ ჰაზი
ილჰამ ალიევის რეჟიმის კრიტიკოსი აზერბაიჯანელი ჟურნალისტი სეიმურ ჰაზი საქართველოში არ შემოუშვეს. სარფში საზღვრის კვეთაზე მას უარი ყველანაირი ახსნა-განმარტების გარეშე უთხრეს.
“ყოველგვარი ახსნა-განმარტების გარეშე უარი მითხრეს ქვეყანაში შემოსვლაზე. მე ვარ ჟურნალისტი, მაქვს კრიტიკული პოზიცია და ვფიქრობ, სწორედ ეს გახდა ამის მიზეზი. საქართველოსა და აზერბაიჯანის ხელისუფლება ძალიან ახლო ურთიერთობაშია და სხვა ვერაფერს ვიფიქრებ, ეს არის შეთანხმებული მოქმედება, სხვა მიზეზი არ ვიცი. მე და მუხთარლი ერთად ვმუშაობდით, ეს საქმეები ერთმანეთს ჰგავს“, – ამბობს ჟურნალისტი.
სეიმურ ჰაზი ოპოზიციური გაზეთის ჟურნალისტი იყო, რის გამოც იგი აზერბაიჯანული რეჟიმისგან უკვე დიდი ხანია დევნილია.
● აზერბაიჯანელი ჟურნალისტი საქართველოს “ჩრდილოვანი მმართველის” წინააღმდეგ
● ვინ არის რუსი ჟურნალისტი, რომელიც საქართველოში არ შემოუშვეს. ვასილ კრესტიანინოვის ისტორია
● ახალი დეტალები: შსს ამბობს, რომ აზერბაიჯანელი ბლოგერი “რუმსის” სახურავიდან ორი კვირის წინ გადმოხტა
სეიმურ ჰაზისთვი საზღვრის კვეთაზე უარს გამოეხმაურა ჟურნალისტი აფგან მუხთარლი. მისი თქმით, ალიევის რეჟიმი ივანიშვილის ხელისუფლებასთან თანამშრომლობს და საქართველოში შემოსვლაზე უარიც ამ თანამშრომლობის შედეგია.
“ივანიშვილის რეჟიმმა სეიმურ ჰაზის საქართველოში შემოსვლა აუკრძალა. დღეს ბატონი სეიმური სარფის გასასვლელი პუნქტიდან საქართველოში არ შეუშვეს. ივანიშვილის ხელისუფლება განუწყვეტლივ დგამს უკანონო ნაბიჯებს აზერბაიჯანელი პოლიტიკოსების, ჟურნალისტების, აქტივისტების წინააღმდეგ. თბილისში მცხოვრები ყველა აზერბაიჯანელი პოლიტიკური აქტივისტი და ჟურნალისტი ჩემი გატაცების შემდეგ, ივანაშვილის მოთხოვნით გააძევეს საქართველოდან. ივანაშვილი ალიევისგან მილიონებს იღებს ამ სამუშაოებისთვის. ამათი ურჯულო დედების გამო ალიევი აჭმევს ივანაშვილს და მის გაუმაძღარ გუნდს“, – წერს მუხთარლი.
