აფხაზეთში ვადამდელი საპრეზიდენტო არჩევნები 2025 წლის 15 თებერვალს გაიმართება.
ყოფილმა პრეზიდენტმაასლან ბჟანიამდა აფხაზეთის ყოფილმა სავაჭრო წარმომადგენელმა რუსეთში ოლეგ ბარციცმა, რომელიც გასულ ზაფხულს გაათავისუფლეს ბინების შესახებ კანონპროექტის კრიტიკის გამო, უკვე განაცხადეს არჩევნებში მონაწილოების შესახებ.
ოპოზიციონერებს შორის კანდიდატურას, სავარაუდოდ, „აფხაზეთის სახალხო საბჭოს“ ლიდერი ადგურ არძინბა დააყენებს. თუმცა, ჯერჯერობით უცნობია იქნება თუ არა ის ერთადერთი ოპოზიციური კანდიდატი.
შესაძლოა, მის გარდა, პარლამენტის ორმა ოპოზიციურმა წევრმაც იყაროს კენჭისყრაში – კან კვარჩიამ და ლეუან მიქაამ.
შეგახსენებთ, რომ ყოფილი პრეზიდენტი ასლან ბჟანია, რომელსაც უფლებამოსილება 2025 წლის აპრილში ეწურებოდა, თანამდებობიდან გადადგა 19 ნოემბერს, რუსეთ-აფხაზეთის საინვესტიციო შეთანხმების რატიფიცირების წინააღმდეგ დაწყებული ოთხდღიანი პროტესტის შემდეგ.
ვადამდელი არჩევნების თარიღი პარლამენტმა რესპუბლიკის ყველა პოლიტიკურ ძალასთან, მათ შორის ოპოზიციასთან წინასწარი კონსულტაციების შემდეგ დაამტკიცა.
კანდიდატების დასასახელებლად საინიციატივო ჯგუფებისა და პარტიების რეგისტრაცია არჩევნებამდე ორი თვით ადრე – ანუ 15 დეკემბერს დაიწყება და კენჭისყრამდე 40 დღით ადრე დასრულდება.
ცესკოში რეგისტრაციის მისაღებად კანდიდატმა ორ-ორნახევარ ათასამდე ხელმოწერა უნდა შეაგროვოს. თუ კანდიდატი წარდგენილია პარტიის მიერ, მაშინ ხელმოწერების შეგროვება საჭირო არ არის.
პრეზიდენტის პოსტის დაკავება შეუძლია 35-დან 65 წლამდე ასაკის ეთნიკურ აფხაზს, რომელიც მუდმივად ცხოვრობს აფხაზეთის ტერიტორიაზე ბოლო ხუთი წლის განმავლობაში მაინც.
პრეზიდენტობისა და ვიცე-პრეზიდენტობის კანდიდატებმა ცესკოს უნდა წარუდგინონ თანამდებობაზე თანხმობის განცხადება და საკუთარი და ოჯახის წევრების შემოსავლის დამადასტურებელი ცნობები. მათ ასევე უნდა ჩააბარონ გამოცდა აფხაზური ენის ცოდნაში.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
