რუსეთიდან აფხაზეთში ელექტროენერგიის მიწოდება 5 თებერვალს სრულდება, რის გამოც აფხაზეთში ელექტროენერგია ყოველდღიურად 12 საათის განმავლობაში გაითიშება. ამის შესახებ აფხაზეთის ე.წ. ვიცე-პრეზიდენტმა ბადრი გუმბამ საგანგებო შეხვედრაზე განაცხადა.
პირველი ვიცე-პრემიერის, ენერგეტიკისა და ტრანსპორტის მინისტრის, ჯანსუღ ნანბას თქმით, ავარიული გამორთვა იძულებითი ღონისძიებაა რამდენიმე მიზეზის გამო:
”ეს არის მოსახლეობის მიერ მოხმარებული ელექტროენერგიის დაბალი გადასახადები, ენგურის ჰიდროელექტროსადგურის ჯვრის წყალსაცავში წყლის კრიტიკულად დაბალი დონე, როსტოვის ატომური ელექტროსადგურის მე-4 ენერგობლოკის დაგეგმილი შეკეთება და გენერატორის მოწყობილობების გადაუდებელი გამორთვა რუსეთის სამხრეთით, საიდანაც აფხაზეთი დამატებით ელექტროენერგიას იღებს“.
ასეა თუ ისე, რუსეთი აფხაზეთს უფასო ელექტროენერგიას აღარ მიაწვდის, სოხუმს კი ფასიანი ელექტროენერგიის ფული არ აქვს. აფხაზეთის ხელისუფლება 12 საათით ელექტროენერგიის გათიშვის გარდა, არ საუბრობს იმაზე, თუ როგორ უნდა გამოვიდნენ ამ სიტუაციიდან.
შეხვედრას არ ესწრებოდა აფხაზეთის პრეზიდენტი ასლან ბჟანია, რომელიც მთელი წინა კვირა სამუშაო ვიზიტით მოსკოვში იმყოფებოდა, სადაც თავისუფალი ნაკადის საკითხის მოგვარებას ცდილობდა. თუმცა, როგორც ჩანს, მას ეს არ გამოუვიდა.
აქამდე, უფასო რუსული ელექტროენერგია აფხაზეთს საშუალებას აძლევდა აენაზღაურებინა ენერგიის დეფიციტი, რომელიც წარმოიშვა, სხვა საკითხებთან ერთად, კრიპტოვალუტის უკანონო მაინინგის გამო.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
