აფხაზეთის საგარეო საქმეთა ახალმა მინისტრმა თანამდებობა აშშ-ში მოგზაურობის გამო დაკარგა

აფხაზეთის საგარეო საქმეთა სამინისტროს ახალი ხელმძღვანელი თუჟბა აშშ-ის გამო გაათავისუფლეს

აფხაზეთის ახლად დანიშნულ საგარეო საქმეთა მინისტრს, ირაკლი თუჟბას ჯერ თანამდებობა დაკავებული არ ჰქონდა, რომ უკვე მოხსნეს. შიდა წყაროს ინფორმაციით, მას შეერთებულ შტატებში პირადი ვიზიტი არ აპატიეს.

20 აპრილს, მას შემდეგ რაც ასლან ბჟანიამ გაურკვეველი მიზეზების გამო თანამდებობიდან გაათავისუფლა საგარეო საქმეთა სამინისტროს წინა ხელმძღვანელი ინალ არძინბა, მისი მოადგილე ირაკლი თუჟბა მინისტრის მოვალეობის შემსრულებელი გახდა.

უკვე 20 მაისს კი ცნობილი გახდა მისი მინისტრის პოსტზე დანიშვნის შესახებ.

თუჟბა იმ მომენტში მეუღლესთან ერთად ისვენებდა შეერთებულ შტატებში – აფხაზეთის გადმოსახედიდან “არამეგობრულ ქვეყანაში” და ამით ისარგებლეს მისმა ოპონენტებმა.

• აფხაზეთის საგარეო საქმეთა ახალ მინისტრს სიცრუის დეტექტორზე შემოწმებას სთავაზობენ
• ინალ არძინბას გადადგომის დეტალები: ნებაყოფლობით თუ პრეზიდენტს მოთმინება ამოეწურა?

ირაკლი ტუჟბა დაბრუნდა ადრინდელ თანამდებობაზე – საგარეო საქმეთა მინისტრის მოადგილე და, სავარაუდოდ, ჟენევის დისკუსიებზე აფხაზეთის დელეგაციის ხელმძღვანელობას გააგრძელებს.

და მინისტრის პოსტი ისევ ცარიელია. მინისტრის კიდევ ერთი მოადგილე, ოდისევს ბიგვავა, ახალ „მინისტრის მოვალეობის შემსრულებლად“ დაინიშნა.

სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო