"დილით მთავრობის ადმინისტრაციასთან" - თბილისში საპროტესტო აქცია გრძელდება
თბილისში საპროტესტო აქცია გრძელდება
აქცია “შინ ევროპისკენ” დღეს პარლამენტთან დაიწყო და “ქართული ოცნების” ოფისთან გაგრძელდა, დილით კი საპროტესტო აქციის მონაწილეები მთავრობის ადმინისტრაციასთან გადაინაცვლებენ, სადაც შენობას წრეს შემოარტყამენ. პარლამენტთან და მთავრობის ადმინისტრაციასთან დღეს ისინი ღამეს გაათევენ.
აქციის ერთ-ერთი ორგანიზატორი შოთა დიღმელაშვილი ამბობს, რომ რომ ადმინისტრაციასთან მჯდომარე პროტესტი იქნება.
“დილით ჩვენ ყველანი წავალთ ძალიან მშვიდობიანად, შემოვევლებით იმ ქაჯეთის ციხეს (მთავრობის ადმინისტრაციას) და მჯდომარე პროტესტით, მშვიდობიანად დავხვდებით მთავრობას, დავხვდებით ღარიბაშვილს და შევასმენთ ჩვენს ხმას, რადგან აქედან არ ესმით.
ეს არის ჩვენი არაძალადობრივი, მშვიდობიანი გამოხატვა, ჩვენ ეს საღამო შეგვიძლია გამოვიყენეთ ერთმანეთთან სასაუბროდ. მივალთ დილით და ავუხსნით, რაც აქედან ვერ ავუხსენით – ჩაგვხედოს თვალებში და გვითხრას, რატომ მიჰყავს ქვეყანა რუსეთისკენ.” – თქვა დიღმელაშვილმა.
აქციის მთავარი მოთხოვნაა, გადადგეს ირაკლი ღარიბაშვილი და ეროვნული თანხმობით, შეიქმნას მთავრობა, რომელიც ევროკავშირის რეკომენდაციის 12-ვე პუნქტს შეასრულებს.
![ფოტო დღევანდელი აქციიდა. დავით ფიფია/JAMnews](https://jam-news.net/app/uploads/2022/07/2022-07-04-00.05.22-1024x576.jpg)
![ფოტო დღევანდელი აქციიდა. დავით ფიფია/JAMnews](https://jam-news.net/app/uploads/2022/07/2022-07-04-00.05.29-576x1024.jpg)
![ფოტო დღევანდელი აქციიდა. დავით ფიფია/JAMnews](https://jam-news.net/app/uploads/2022/07/2022-07-04-00.05.38-1024x576.jpg)
![ფოტო დღევანდელი აქციიდა. დავით ფიფია/JAMnews](https://jam-news.net/app/uploads/2022/07/2022-07-04-00.06.00-1024x576.jpg)
![ფოტო დღევანდელი აქციიდა. დავით ფიფია/JAMnews](https://jam-news.net/app/uploads/2022/07/2022-07-04-00.06.08-1024x576.jpg)
![ფოტო დღევანდელი აქციიდა. დავით ფიფია/JAMnews](https://jam-news.net/app/uploads/2022/07/2022-07-04-00.06.29-1024x576.jpg)
![ფოტო დღევანდელი აქციიდა. დავით ფიფია/JAMnews](https://jam-news.net/app/uploads/2022/07/2022-07-04-00.05.11-1024x576.jpg)
![ფოტო დღევანდელი აქციიდა. დავით ფიფია/JAMnews](https://jam-news.net/app/uploads/2022/07/2022-07-04-00.05.16-1024x576.jpg)
სამოქალაქო მოძრაობა „სირცხვილიას“ და სამოქალაქო ჯგუფების ინიციატივით, საქართველოში ახალი სახალხო მოძრაობა დაფუძნდა. ამ მოძრაობის მთავარი მიზანია ხელისუფლება აიძულოს ბოლომდე მიიყვანოს ევროკავშირში გაწევრიანების საქმე და დეკემბერში, საქართველომ ევროკავშირის კანდიდატი ქვეყნის სტატუსი მიიღოს.