დღეს სმარტფონები აუცილებლობას უფრო წარმოადგენს, ვიდრე ფუფუნების საგანს. მობილურ ტელეფონს შეუძლია ცხოვრება ბევრად გაგიმარტივოს, როგორც პირადი, ისე პროფესიული მოხმარების კუთხით.
მობილური ტელეფონების ბაზარი ერთ-ერთი უდიდესია და ამიტომაც, ამდენი ხელმისაწვდომი ვარიანტიდან შენთვის შესაფერისის ამორჩევა შეიძლება არც ისეთი მარტივი საქმე იყოს. ფასი ერთ-ერთი გადამწყვეტი კრიტერიუმია მობილურის შერჩევისას. დღევანდელ პოსტში ვისაუბრებთ დაბალბიუჯეტურ მობილურ ტელეფონებზე, რომლებიც 2023 წელს შეგიძლია შეიძინო.
როგორ უნდა აარჩიო შენთვის სასურველი დაბალბიუჯეტური მობილური?
ისეთი მობილური ტელეფონის არჩევა, რომელიც შენს საჭიროებებს იდეალურად ერგება, ადვილი არ არის და საკმაო დროც მიაქვს. შეძენამდე ყველა საჭირო ფაქტორი უნდა გაითვალისწინო, რომ მიღებული გადაწყვეტილებით კმაყოფილი დარჩე. სანამ უახლოეს ტექნიკის მაღაზიაში წახვალ ან ონლაინ შოპინგის საყვარელ ვებსაიტზე ბიუჯეტური სმარტფონის არჩევას დაიწყებ, უნდა დარწმუნდე, რომ ზუსტად იცი, რას ეძებ. ქვევით რამდენიმე რჩევას წაიკითხავ:
განსაზღვრე შენი საჭიროებები
გადაწყვიტე, ზუსტად რამდენის დახარჯვას აპირებ
გაეცანი ინფორმაციას ინტერნეტში
წაიკითხე განხილვები
ყურადღება მიაქციე ბრენდს
1. Xiaomi Poco X5 Pro
Xiaomi Poco X5 Pro შესანიშნავი არჩევანია, თუ დაბალბიუჯეტურ მობილურს ეძებ. სმარტფონი სისწრაფით და ფუნქციების მრავალფეროვნებით გამოირჩევა. ტელეფონს აქვს დიდი 6.67 დიუმიანი IPS LCD დისპლეი მაღალი გარჩევადობით, რაც აადვილებს მის გამოყენებას.
მიუხედავად იმისა, რომ ზოგჯერ გარკვეულმა შეფერხებებმა შეიძლება იჩინოს თავი, ტელეფონი ამას ანაზღაურებს Android-ის მიმზიდველი ფუნქციებით, რაც Xiaomi-ის გადატვირთული ინტერფეისისთვის შესანიშნავი ალტერნატივაა. ტელეფონს ასევე აქვს ოთხი კამერა უკანა მხარეს, მათ შორის 64 MP მთავარი სენსორი, რომელიც დღის სინათლეზე შესანიშნავ ფოტოებს იღებს. უნდა აღინიშნოს ბატარეის ხანგრძლივობაც: 4520 mAh ბატარეა მხარს უჭერს სწრაფ დატენვას.
მთლიანობაში, Xiaomi Poco X5 Pro შესანიშნავი ვარიანტია მათთვის, ვინც ეძებს ბიუჯეტურ სმარტფონს შესანიშნავი მახასიათებლებითა და ფუნქციონალით.
2. Realme 9
Realme 9 არის ხელმისაწვდომი სმარტფონი, რომელიც მრავალფეროვან ფუნქციებს გთავაზობს. მობილური ტელეფონი იკვებება ხარისხიანი პროცესორით და აქვს 4 GB ან 6 GB ოპერატიული მეხსიერება, მეხსიერება თქვენ მიერ შერჩეულ მოდელსა და პრეფერენციებზეა დამოკიდებული. რაც შეეხება უშუალოდ შიდა მეხსიერებას, არსებობს 64 GB და128 GB-იანი მოდელები. კამერა მოიცავს 48MP პირველად სენსორს. ბატარეის ხანგრძლივობაც ასევე შთამბეჭდავია.
3. Samsung Galaxy A23
Samsung Galaxy A23 სამსუნგის მოყვარულებისთვის შესანიშნავი ვარიანტია. მობილურს 6.5 დიუმიანი ეკრანი და მაღალი გარჩევადობა აქვს, რაც აადვილებს მის გამოყენებას. მაღალი ხარისხის პროცესორი ტელეფონს საშუალებას აძლევს, რომ შეუფერხებლად იმუშავოს, მაშინაც კი, როდესაც რამდენიმე დავალების ერთდროულად შესრულება უწევს. ტელეფონს აქვს სამმაგი კამერა, რომელიც იღებს მშვენიერ ფოტოებს დღისით, ხოლო წინა კამერა კარგია სელფის გადასაღებად. Samsung Galaxy A23-ის ბატარეის ხანგრძლივობა წინა მოდელების მსგავსად შთამბეჭდავია. 5000 mAh ბატარეას შეუძლია მთელი დღე გაძლოს და სწრაფადაც დაიტენოს.
4. Motorola Moto G33
Motorola Moto G33 დაბალბიუჯეტურიან მობილურებში ერთ-ერთ მოწინავე ადგილს იკავებს. ტელეფონი შეუფერხებლად მუშაობს გამართული პროცესორისა და 3 ან 4 GB ოპერატიული მეხსიერების წყალობით. ფოტოებისა და აპლიკაციების შესანახად 32 ან 64 გბაიტიანი მეხსიერების მოდელი შეგიძლია აირჩიო. კამერა მშვენიერ ფოტოებს იღებს თავისი 50 მეგაპიქსელიანი მთავარი სენსორით. 5 მეგაპიქსელიანი სენსორი საშუალებას გაძლევს, ფართო კუთხიდან გადაიღო სურათები, 2 მეგაპიქსელიანი მაკრო სენსორით კი ახლო კადრების დაჭერა შეგიძლია. სელფის მოყვარულები 13 მეგაპიქსელიანი წინა კამერის საშუალებით შეძლებენ ხარისხიანი ფოტოების გადაღებას. უნდა ითქვას ისიც, რომ ბატარეა მთელი დღის განმავლობაში ძლებს.
5. Nokia G60
Nokia განაგრძობს მომხმარებლისთვის ღირებული პროდუქტის შეთავაზებას. ერთ-ერთი პროდუქტია Nokia G60, რომელიც დაბალბიუჯეტური მობილურების კატეგორიას განეკუთვნება. G60 გამოირჩევა 5G კავშირით, დიდი ეკრანით, ბატარეის დიდი ხანგრძლივობით და მთავარი კამერით, ერთი სიტყვით, ტელეფონს ყველა ის მახასიათებელი აქვს, რომელსაც თანამედროვე სმარტფონებში ვეძებთ. ტელეფონი უზრუნველყოფილია სამწლიანი პროგრამული მხარდაჭერითაც, რაც ნიშნავს, რომ ყიდვიდან სამი წლის განმავლობაში თქვენი ტელეფონის უსაფრთხოება რეგულარულად განახლდება.
6. Redmi Note 11
Xiaomi-ს უახლესი ბიუჯეტის ტელეფონი Redmi Note 11 აღჭურვილია სწრაფი Snapdragon 680 პროცესორით. პროცესორის გატესტვის შედეგად აღმოჩნდა, რომ ის ტელეფონი იმდენადვე სწრაფად მუშაობს, რამდენადაც მის ღირებულებაზე ორჯერ ძვირი მოდელები. რედმის სამმაგი კამერაც აღნიშვნის ღირსია, ვინაიდან ის უზარმაზარ 50 მეგაპიქსელ სენსორს მოიცავს და შესანიშნავ ფოტოებს იღებს. 6.43 დიუმიანი FHD+ AMOLED ეკრანს განახლების მაღალი სიხშირე აქვს, რაც ტელეფონის გამოყენებას კიდევ უფრო სასიამოვნოს ხდის.
7. iPhone 8
მართალია, აიფონ 8 Apple-მა ჯერ კიდევ 2017 წელს გამოუშვა და უახლესი მოდელი არ არის, მაგრამ მაინც მშვენიერი გადაწყვეტილებაა, თუ ბიუჯეტურ მობილურს ეძებ და თანაც iOS სისტემას ანიჭებ უპირატესობას.
თუ გსურთ Apple-ის ტელეფონი შეიძინო, მაგრამ არც ზედმეტი თანხის გადახდა გსურს, მაშინ iPhone 8 საუკეთესო ვარიანტია. მიუხედავად იმისა, რომ მას შემდეგ რამდენიმე მოდელი გამოვიდა და ვიღაცებისთვის მოძველებულად მიიჩნევა, მერვე თაობის აიფონი მაღალი ხარისხის A11 Bionic პროცესორის წყალობით ყველა საჭირო ფუნქციითაა აღჭურვილი. აღსანიშნავია ისიც, რომ აიფონის სხვა მოდელების მსგავსად, ეს კონკრეტული მოდელიც შესანიშნავი ვიზუალით გამოირჩევა.
შეჯამება
როგორც ვნახეთ, 2023 წელს ბიუჯეტური სმარტფონების არჩევანი მრავალფეროვანია. ჩვენ მიერ განხილული თითოეული მათგანი აღჭურვილია ყველა საჭირო მახასიათებლით და ფუნქციით. არ დაგავიწყდეს, რომ გადაწყვეტილების მიღებამდე წინასწარ განსაზღვრო შენი საჭიროებები, ზუსტი ბიუჯეტი და პრეფერენციები.
