სომხეთის პარლამენტმა პრემიერის კანდიდატურა მეორედ ჩააგდო
სომხეთის ეროვნული საკრებულოს დეპუტატებმა მოსალოდნელად და უკვე მეორედ არ დაუჭირეს მხარი პრემიერ-მინისტრის თანამდებობაზე ნიკოლ ფაშინიანის კანდიდატურას. ეს პარლამენტში წარმოდგენილი პოლიტიკური ძალების მოლაპარაკების შედეგია. მიზანი – პარლამენტის დათხოვნაა. იმავე მიზეზით გადამდგარმა პრემიერ-მინისტრმა ამის თაობაზე საპარლამენტო პარტიების ხელმძღვანელებთან მოლაპარაკება სულ რაღაც ორ კვირაში მოახერხა.
ყოფილი მმართველი რესპუბლიკური პარტია და მისი მომხრეები პარლამენტის დათხოვნას ნაადრევად მიიჩნევდნენ, თუმცა, ახლანდელი კენჭისყრის შედეგების მიხედვით, ვადამდელი საპარლამენტო არჩევნები – უკვე რეალობაა, და როგორც თავად ფაშინიანმა განაცხადა, ის 2018 წლის 9 დეკემბერს ჩატარდება.
რა საჭიროა ვადამდელი საპარლამენტო არჩევნები
„ხავერდოვანი რევოლუციის შემდეგ ხელისუფლებაში ფაშინიანის ხელმძღვანელობით მოსულ პოლიტიკურ ძალას პარლამენტში უმრავლესობა არ ჰყავს.
რევოლუციის ლიდერი ფაშინიანი პრემიერ-მინისტრად აირჩიეს და სომხეთის სახელმწიფოს მეთაური – რომელიც საპარლამენტო რესპუბლიკა გახდა – სწორედ პრემიერია. თუმცა, ყოფილ პარლამენტს, სადაც უმრავლესობას ყოფილი ხელისუფლების დეპუტატები და მათი მომხრეები წარმოადგენენ, მთავრობის გადაწყვეტილებებისა და ინიციატივების ჩაგდება შეეძლოთ. რაც უკვე არაერთხელ მომხდარა.
ქვეყნის მაცხოვრებელთა მნიშვნელოვანი ნაწილის მხარდაჭერის მქონე „რევოლუციურ“ ხელისუფლებას აუცილებლად მიაჩნია რიგგარეშე არჩევნების ჩატარება და ეროვნულ საკრებულოში თავისთვის უმრავლესობის უზრუნველყოფა.
- ერთი კვირით ადრე პრემიერს კანდიდატურის წინააღმდეგ ხმის მიცემის რეპეტიცია
- რატომ არ მიიღო სომხეთის პარლამენტმა რიგგარეშე არჩევნების წინ საარჩევნო კოდექსში შესწორებები
- საქართველოში საპრეზიდენტო არჩევნების მეორე ტურის წინ რატომ ლაპარაკობენ სამოქალაქო ომის შესახებ
როგორ მიმდინარეობდა კენჭისყრა
სამთავრობო სხდომა 4 საათს გრძელდებოდა. პრემიერ-მინისტრის მოვალეობის შემსრულებელი ნიკოლ ფაშინიანი, სახელმწიფოს მეთაურის არჩევის პროცედურის თანახმად, საპროგრამო სიტყვით გამოვიდა და დეპუტატების შეკითხვებს უპასუხა. მისი პასუხები იმდენად ამომწურავი და არსებითი იყო, რომ პარლამენტის სპიკერს დეპუტატებისთვის იმის შეხსენება მოუხდა, რომ დღეს ფაშინიანი პრემიერად არ უნდა აერჩიათ.
საბოლოოდ ფაშინიანის კანდიდატურას არც ერთმა დეპუტატმა მხარი არ დაუჭირა.
რას ამბობდა ფაშინიანი
ფაშინიანი კენჭისყრაზე დიდხანს არ შეჩერებულა და საკუთარი გამოსვლის დიდი ნაწილი სომხეთში არსებულ ეკონომიკურ სიტუაციას დაუთმო. კერძოდ, პრემიერ-მინისტრის მოვალეობის შემსრულებელმა განაცხადა, რომ სომხეთის ეკონომიკაში გაჯანსაღების ტენდენცია შეინიშნება. მან ასევე თქვა, რომ ქვეყანა ეკონომიკური ტრანსფორმაციების ფაზაში შედის:
„ორი თვის წინ გამოვაქვეყნე ეკონომიკური პროგრესის ჩვენებური ხედვა, რომელიც იმაში მდგომარეობს, რომ აგრარული ქვეყნიდან, რომელსაც სამთო-მოპოვებითი მრეწველობა და სათამაშო ფსონებიც აქვს, ჩვენ სომხეთი ტექნოლოგიური წარმოების, ინდუსტრიულ და ექსპორტზე გათვლილი ეკონომიკის მქონე ქვეყნად უნდა ვაქციოთ. და დღეს ოფიციალურად ვაცხადებ, რომ პროცესი დაიწყო“.
ნიკოლ ფაშინიანის თქმით, მისმა ხელისუფლებამ ზოგიერთი საწარმო საბაჟო გადასახადებისგან გაათავისუფლა და მათ დღგ-ს გადასახადი გადაუვადა. ამან ახალი სამუშაო ადგილების შექმნის და ინვესტიციების მოზიდვის საშუალება გააჩინა:
„კვლევები უჩვენებს, რომ სწორედ ამ მექანიზმის წყალობით, ბოლო ცხრა თვის განმავლობაში ინვესტიცების საერთო ჯამი, სამთო მრეწველობის გაუთვალისწინებლად, 70%-ით გაიზარდა, ხოლო მოსალოდნელი სამუშაო ადგილების რაოდენობამ 30%-ით მოიმატა. თანამედროვე და კონკურენტუნარიანი წარმოების განვითარებისთვის საჭირო იმპორტის რაოდენობა, ფაქტობრივად, 70%-ით გაიზარდა. შესაბამისად, 30%-ით მოიმატა იმ სამუშაო ადგილების რაოდენობამ, რომელიც ამ აღჭურვილობის მომსხურებას ესაჭიროება.
ნიკოლ ფაშინიანი საგარეო პოლიტიკის საკითხებსაც შეეხო. მან აღნიშნა, რომ სომხეთი მზადაა, წინა პირობების გარეშე მოაგვაროს თურქეთთან ურთიერთობა. ფაშინიანი ასევე ვარაუდობს, რომ ყარაბაღის კონფლიქტის საკითხში თურქეთი სომხეთზე ზეწოლის მოხდენას ვერ შეძლებს.
„ის, ვისაც ჰგონია, რომ შეუძლია სომხეთს ყარაბაღის საკითხის გადაწყვეტის ესა თუ ის ვარიანტი დააძალოს, ძალიან ძლიერ ცდება. ჩვენ მოლაპარაკებებისთვის მზად ვართ, მაგრამ გამოვრიცხავ, რომ ზეწოლის და ან იძულების ქვეშ, მუქარისა და ოკუპაციის შიშით რაიმე ნაბიჯი გადავდგათ. პირიქით, უფრო მეტად გავძლიერდებით, გავერთიანდებით და ჩვენს ეროვნულ მიზნებს მივაღწევთ“.
ფაშინიანმა უსაფრთხოების საკითხებში აშშ-ს პრეზიდენტის, დონალდ ტრამპის მრჩევლის, ჯონ ბოლტონის სომხეთში ვიზიტისა და ამაზე ოფიციალური მოსკოვის რეაქციის შესახებაც გააკეთა კომენტარი:
„ბოლტონის ვიზიტთან დაკავშირებით მნიშვნელოვანი რამ მოხდა: რუსეთის წარმომადგენლებმა აშშ-ს შეახსენეს, რომ სომხეთი სუვერენულ ქვეყანას წარმოადგენს. თუმცა, არ მგონია, რომ რომელიმე მათგანს ეს დავიწყებოდა, რადგან მთელ ჩვენს საქმიანობას სწორედ ამ პოზიციიდან წარვმართავთ“.
