İlham Əliyev (1961-ci il dekabrın 24-də anadan olub) – 2003-cü ildən Azərbaycanın prezidentidir. Ona qədər bu vəzifəni atası Heydər Əliyev tutub – 1993-cü ildən 2003-cü ilə qədər.
Heydər Əliyev öldüyü zaman İlham Əliyev artıq ölkənin baş naziri, Azərbaycan Respublikası Dövlət Neft Şirkətinin (SOCAR) vitse-prezidenti və iqtidarda olan Yeni Azərbaycan Partiyasının sədr müavini idi.
İlham Əliyev 4 dəfə prezident seçilib – 2003, 2008, 2013 və 2018-ci illərdə. 2009-cu ildə ölkədə Konstitusiyaya dəyişiklik edilməsi üçün referendum keçirilib. Qəbul edilmiş bu dəyişikliklərə əsasən, ardıcıl prezident seçilməklə bağlı məhdudiyyət aradan qaldırılıb.
İlham Əliyevin həyat yoldaşı Mehriban Əliyeva hazırda vitse-prezident vəzifəsini tutur.
Azərbaycanda Heydər Əliyev tərəfindən qurulan və İlham Əliyev tərəfindən davam etdirilən rejim bir çox beynəlxalq təşkilatlar və müstəqil ekspertlər tərəfindən avtoritar və repressiv hesab olunur. Onlar həmçinin ölkədə seçki şəffaflığı, insan haqları və söz azadlığı ilə bağlı ciddi problemlərin olduğunu bildirirlər.
