Իրանը սահմանակից է Հայաստանին, Թուրքիային, Ադրբեջանին, Իրաքին, Պակիստանին և Աֆղանստանին: Մայրաքաղաքը Թեհրանն է: Այն ունի մուտք դեպի Պարսից ծոց և Կասպից ծով: Իրանի բնակչությունը կազմում է ավելի քան 80 միլիոն մարդ:
1979-ի իսլամական հեղափոխությունից հետո երկրում ստեղծվեց աստվածապետական համակարգ. Իսլամական հոգևորականությունը հատուկ դեր է խաղում կառավարման մեջ:
Պետական կրոնը իսլամի Շիա ուղղությունն է: Հատուկ պետական մարմինները խստորեն վերահսկում են բոլոր կրոնական ծեսերի կատարումը և պատժում են խախտողներին:
Միջազգային հանրությունը քննադատում է իրանական ռեժիմը մարդու իրավունքների ոտնահարման համար:
Իրանում կիրառվում է մահապատիժ, դատապարտյալները մահապատժի են ենթարկվում հրապարակավ: Հաճախակի են անչափահասների մահապատիժները: ԼԳԲՏ ներկայացուցիչները հետապնդվում են, ընդհուպ՝ ենթարկվելով մահապատժի: Երկրում կա գրաքննություն, այդ թվում ինտերնետում:
Իրանը լարված հարաբերություններ ունի Իսրայելի հետ, որը նա չի ճանաչում որպես պետություն, ինչպես նաև նաև ԱՄՆ-ի և դրա դաշնակիցների հետ:
Երկար տարիներ Իրանը մշակում է իր միջուկային ծրագիրը՝ պնդելով, որ դա անում է բացառապես խաղաղ նպատակներով: Այնուամենայնիվ, ոչ Իսրայելը, ոչ արևմտյան երկրները չեն հավատում դրան և պնդում են, որ Թեհրանը աշխատում է միջուկային զենքի ստեղծման ուղղությամբ։ Այս պտճառով էլ Իրանի նկատմամբ կիրառվել են միջազգային պատժամիջոցներ:
2015-ին ձեռք բերվեց այսպես կոչված «Միջուկային գործարքը». Իրանը խոստացավ հրաժարվել ուրանի հարստացումից, միջազգային ատոմային էներգիայի գործակալության տեսուչներին թույլատրել մուտք գործել իր միջուկային օբյեկտները, իսկ արևմտյան երկրները՝ աստիճանաբար վերացնել պատժամիջոցները Իրանի նկատմամբ:
Սակայն 2018-ին ԱՄՆ նախագահ Դոնալդ Թրամփը հայտարարեց, որ Միացյալ Նահանգները դուրս են գալիս «միջուկային գործարքից» և կրկին պատժամիջոցներ են սահմանում Իրանի դեմ:
Երկու երկրների միջև լարվածությունը գագաթնակետին հասավ 2020 թվականի հունվարին, երբ իրաքյան գեներալ Ղասեմ Սոլեյմանին սպանվեց Իրաքում ամերիկյան նախագահի հրամանով, և Իրանը հրթիռներով հարձակում կազմակերպեց Իրաքում գտնվող ԱՄՆ-ի ռազմակայանների վրա:
