Հայաստանում մեկ օրում հաստատվել է կորոնավիրուսի 104 նոր դեպք

Հուլիսի 20-ի դրությամբ Հայաստանում կորոնավիրուսով վարակվածների թիվն ավելացել է 104-ով և դարձել 34 981:

Մահացել է ևս 9 մարդ: Մահացածների ընդհանուր թիվը հասավ 650-ի։

Մահվան դեպքերի վերաբերյալ Առողջապահության նախարարությունը հայտնում է.

«Պացիենտները եղել են 63 (տղամարդ), 69 (կին), 70 (կին), 53 (կին), 82 (տղամարդ), 72 (տղամարդ), 71 (կին), 92 (կին) և 89 (կին) տարեկան։ Բոլորն ունեցել են ուղեկցող քրոնիկական հիվանդություններ։ Նախորդ օրն արձանագրվել է մահվան 4 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով»:

Առողջացել է ևս 208 պացիենտ, նրանց ընդհանուր թիվը կազմում է 23 502։

Ընդհանուր առմամբ, կատարվել է 147 108 թեստավորում, անցած օրվա ընթացքում՝ ընդամենը 391: Նոր դեպքերի փոքր թիվը բացատրվում է թեստերի ոչ մեծ քանակով։

● Կորոնավիրուսը կարող է օդով փոխանցվել։ Սա հայտարարվել է պաշտոնապես և փոխում է համավարակի դեմ պայքարի ողջ համատեքստը

● Տասը հոգուց ավելի չհավաքվել։ Վրաստանի կառավարությունն ուզում է երկարաձգել սահմանափակումներն՝ արտակարգ դրություն չհայտարարելով

● Սրացում, որը պատերազմի նման է, և պայքար կորոնավիրուսի դեմ. «Շաբաթը Կովկասում» JAMnews-ից, տեսանյութ