ბიძინა ივანიშვილი (დაიბადა 1956 წელს) – საქართველოს ყოფილი პრემიერ მინისტრი (ოქტომბერი 2012 – ნოემბერი 2013). ივანიშვილი არის პოლიტიკური პარტია “ქართული ოცნების” დამფუძნებელი და თავმჯდომარე. 2012 წლის 1 ოქტომბერს “ქართულმა ოცნებამ” საპარლამენტო არჩევნები მოიგო, შეცვალა “ნაციონალური მოძრაობა” და ქვეყნის სათავეში მოვიდა.
ივანიშვილი არ იკავებს არც ერთ სახელმწიფო თანამდებობას მას შემდეგ, რაც 2013 წლის ნოემბერში ის პრემიერ-მინისტრის პოსტიდან საკუთარი სურვილით გადადგა.
მიუხედავად ამისა, საქართველოსა და მის ფარგლებს გარეთ ივანიშვილს ქვეყნის არაფორმალურ მმართველად მოიხსენიებენ. ხელისუფლების უმაღლესი წარმომადგენლები მხოლოდ მასთან კონსულტაციის შემდეგ იღებენ მნიშვნელოვან გადაწყვეტილებებს. პრეზიდენრის და პრემიერ-მინისტრის კანდიდატურებსაც ივანიშვილი არჩევს.
ივანიშვილი ერთადერთი ქართველი ბიზნესმენია, რომელიც ფორბსის მსოფლიოს მილიარდერების სიაშია. მისი ქონება 2019 წლის მონაცემებით 4.9 მილიარდი დოლარია. ივანიშვილი 90-იან წლებში რუსეთში საქმიანობისას გამდიდრდა.
