მოსაზრება: კიდევ უფრო მეტად დაუცველები ვართ, ვიდრე ვიყავით - რუსეთი ფაქტობრივად დაემუქრა საქართველოს

თენგიზ ფხალაძის მოსაზრება

პრობლემა ის კი არ არის, რომ ლავროვი იძახის: “3+3 ფორმატში“ საქართველოს ადგილი თავისუფალია, პრობლემა ისაა, რომ როდესაც ევროკავშირის გაფართოებაზე შეხვედრა იმართება თავმჯდომარე ქვეყნის მოწვევით, იქ საქართველოს სკამი ცარიელია, – ამის შესახებ ჯიპა-ს ასოცირებულმა პროფესორმა, ექსპერტმა თენგიზ ფხალაძემ გადაცემაში “360 გრადუსი“ განაცხადა, რითაც სერგეი ლავროვის განცხადებას გამოეხმაურა, რომლის თანახმად, საქართველოს წარმომადგენლებისთვის სკამი ყოველთვის იქნება “3+3 ფორმატის“ სხდომათა დარბაზში და კარი ღიაა.

თენგიზ ფხალაძის განცხადებით, რუსეთი საქართველოს დაემუქრა და მუქარა მომავალში გაცილებით უფრო მკაცრად იქნება ნათქვამი.

მოსაზრება: ევროკავშირი დიდი ხანია შეშფოთებებზეა გადასული – თუ გადაწყვეტენ, რაიმე მკვეთრი ნაბიჯი გადადგან, ჯერ ამერიკას კითხავენ

თორნიკე შარაშენიძე: “რადგან ამერიკას არ ცალია საქართველოსთვის, შესაბამისად, ყველაფერი დაპაუზებულია ევროკავშირში”

რუსეთის საგარეო საქმეთა მინისტრის, სერგეი ლავროვის თქმით, საქართველოს წარმომადგენლებისთვის სკამი ყოველთვის იქნება “3+3 ფორმატის“ სხდომათა დარბაზში. მან აღნიშნა, რომ მსგავსი მიდგომის კონსტატაცია ბოლო შეხვედრაზე მოხდა: “ქართულ მხარეს დავუდასტურეთ, რომ კარი ღიაა, სკამი დგას”. ლავროვის შეფასებით, საქართველოს ამჟამინდელი მთავრობა “ქვეყნის ეროვნულ ინტერესებს” ეყრდნობა.

თენგიზ ფხალაძე:

“რუსეთის საგარეო საქმეთა სამინისტრომ დღეს რამდენიმე განცხადება გაავრცელა, სადაც საქართველო იყო ნახსენები, მათ შორის იყო ის, რომ ნატომ უკან უნდა წაიღოს 2008 წლის დაპირება, რაც გულისხმობს უკრაინისა და საქართველოს ნატოში გაწევრიანებას.

კიდევ უფრო მეტად დაუცველები ვართ, ვიდრე აქამდე ვიყავით. ჩვენ მოვახერხეთ ურთიერთობების გაფუჭება აშშ-სთან, სტრატეგიული პარტნიორობა შეჩერებულია, მოვახერხეთ ურთიერთობის გაფუჭება ევროკავშირთან

პოლონეთის თავმჯდომარეობით გაიმართა ძალიან მნიშვნელოვანი შეხვედრა, სადაც ასევე, იყო საქართველოს სკამი ცარიელი დატოვებული. ეს შეხვედრა ეხებოდა ევროკავშირის გაფართოებას. პრობლემა ის კი არ არის, რომ ლავროვი იძახის: „3+3 ფორმატში“ საქართველოს ადგილი თავისუფალია და ველოდებით, პრობლემა ისაა, როდესაც ევროკავშირის გაფართოებაზე შეხვედრა იმართება თავმჯდომარე ქვეყნის მოწვევით, იქ საქართველოს სკამი ცარიელია. ეს არის ყველაზე დიდი პრობლემა.

ამ ტურბულენტობაში ყველაზე საშინელი სცენარი რომ წარმოვიდგინოთ – მართლაც მოხდა უკრაინის დანაწევრება და პუტინმა მიიღო ის, რაც უნდა, დღევანდელ განცხადებებში გამოჩნდა, რა იქნება შემდგომი ნაბიჯები. რუსეთი ფაქტობრივად, დაემუქრა საქართველოს. მუქარას რუსები არასდროს მალავდნენ და დღეს, კიდევ ერთხელ ითქვა, მომავალში კიდევ უფრო მკაცრად ითქმება.”