ოპოზიცია ვადამდელ არჩევნებს ითხოვს. ფოტორეპორტაჟი აქციიდან

31 ოქტომბრის არჩევნებში მონაწილე ოპოზიციური პარტიების დიდმა ნაწილმა განაცხადა რომ არ აღიარებს არჩევნების შედეგებს და საპროტესტო აქციების დაწყებას გეგმავს.

ერთ კვირაში – 8 ნოემბერს ოპოზიცია მასშტაბური აქციის გამართვას გეგმავს. თბილისელ აქტივისტებს რეგიონების წარმომადგენლებიც შეუერთდებიან.

ოპოზიციას ორი მთავარი მოთხოვნა აქვს:

1. რიგგარეშე არჩევნების დანიშვნა

2. ცენტრალური საარჩევნო კომისიის თავმჯდომარის, თამარ ჟვანიას გადადგომა და საარჩევნო ადმინისტრაციის ხელახლა დაკომპლექტება.

ოპოზიციის მიტინგი დღეს, პარლამენტის წინ 16:00 საათზე დაიწყო. პარლამენტთან ათასობით ადამიანი შეიკრიბა – გადაიკეტა რუსთაველის გამზირი.

მიკროფონთან ერთმანეთს ენაცვლებოდნენ სხვადახვა პარტიის წარმომადგენელი პოლიტიკოსები, რომლებიც ერთმანეთს ბრძოლის გაგრძელებას მოუწოდებდნენ.

საღამოს 18:00 საათისთვის აქციის მონაწილეები ბიძინა ივანიშვილის ბიზნეს ცენტრისკენ დაიძრნენ.