ევროპის ჩემპიონატის ჯგუფური ეტაპის მესამე მატჩში საქართველოს ნაკრებმა პორტუგალიის ნაკრები ანგარიშით – 2:0 დაამარცხა.
პირველი გოლი პორტუგალიის ნაკრების კარში ხვიჩა კვარაცხელიამ მატჩის მეორე წუთზე გაიტანა.
მეორე გოლი მატჩში, პენალტი გიორგი მიქაუტაძის ანგარიშზეა. ეს გიორგის მესამე გოლია ევრო 2024-ზე! ის ტურნირის ბომბარდირია!
შეხვედრა გერმანულ ქალაქ გელზენკირხენში გაიმართა.
ევროპის ჩემპიონატზე პირველი მატჩი საქართველოს ნაკრებმა 18 ივნისს, თურქეთთან გამართა და 1:3 დამარცხდა, 22 ივნისს გამართულ მეორე მატჩში ჩეხეთის ნაკრებთან შეხვედრა ფრედ, 1:1 დაასრულა, შესაბამისად, ევროპის ჩემპიონატზე პირველი ქულა მოიპოვა.
