რამდენად კარგად იცნობთ საქართველოს საფეხბურთო ნაკრების ისტორიას? JAMnews-ის და კოკა-კოლას ტესტი
კომპანია Coca-Cola ათწლეულების განმავლობაში იყო ყველა დონის სპორტული ღონისძიების ერთ-ერთი მთავარი პარტნიორი. წელს კოკა-კოლა ბოთლერს ჯორჯია და საქართველოს ფეხბურთის ფედერაცია თანამშრომლობის ახალ ეტაპს იწყებენ – კოკა-კოლა ფედერაციის მხარდამჭერი და პარტნიორი გახდა.
მომდევნო ორი წლის განმავლოვაში საქართველოს ფეხბურთის ფედერაცია კოკა-კოლასგან ერთ მილიონ ლარს მიიღებს. კოკა-კოლა განსაკუთრებული პარტნიორის სტატუსით ისარგებლებს და მისი ბრენდი ინტეგრირდება საქართველოს ეროვნული საფეხბურთო ნაკრების, ვაჟთა ყველა ასაკობრივი ნაკრები გუნდისა და სფფ-ის საფეხბურთო აკადემიებთან.
შეთანხმებას ხელი ფეხბურთის ფედერაციის ხელმძღვანელმა, ლევან კობიაშვილმა და კოკა-კოლა ბოთლერს ჯორჯიას გენერალურმა დირექტორმა, თემურ ჭყონიამ მოაწერეს.
„ჩვენთვის საქართველოს ეროვნული ნაკრები ძალიან მნიშვნელოვანია, ამ მოთამაშეებს შეუძლიათ ერთი გოლით მთლიანად ქვეყნის ისტორია შეცვალონ,“ – განაცხადა კოკა-კოლა ბოთლერს ჯორჯიას პრეზიდენტმა, თემურ ჭყონიამ ხელშეკრულების ხელმოწერისას.
„ქართული ფეხბურთი და კოკა-კოლა დიდი ხნის განმავლობაში თანამშრომლობენ. წლების განმავლობაში კოკა-კოლას მხარდაჭერით ძალიან დიდ პროექტს ვახორციელებთ და ამისთვის მინდა კომპანიას მადლობა გადავუხადო. დღევანდელი დღე კი განსაკუთრებულია, რადგან ეს თანამშრომლობა კიდევ უფრო გაძლიერდა,” – განაცხადა საქართველოს ფეხბურთის ფედერაციის პრეზიდენტმა, ლევან კობიაშვილმა.
საქართველოს ეროვნული საფეხბურთო ნაკრებმა თავის 31 წლიან ისტორიაში 250-ზე მეტი თამაში ჩაატარა. რამდენად კარგად იცნობთ ქვეყნის ეროვნული ნაკრების ისტორიას, შეგიძლიათ შეამოწმოთ ამ ტესტით, რომელიც JAMnews-მა და კოკა-კოლა-მ ერთობლივად შეადგინეს:
** მასალაში გამოყენებულია REUTERS-ის და საქართველოს ეროვნული არქივის ფოტოები
