ნინოწმინდის სოფელში სკოლა ინგრევა, ქუთაისში სამუსიკო სკოლას ვერ არემონტებენ. რეგიონული ამბების დაიჯესტი

რა ხდება საქართველოს რეგიონებში

ნინოწმინდის ერთ-ერთ სოფელში სკოლა ინგრევა. მშობლებმა ჯერ არ იციან, სად ისწავლიან მათი შვილები

სამცხე-ჯავახეშთი, ნინოწინდის სოფელ ფარავანში სკოლა ავარიულია და იქ გაკვეთილების ჩატარება საშიშია. წინა სემესტრში მოსწავლეები ონლაინ სწავლებაზე გადავიდნენ.

ახალ სემესტრში მშობლებს აღარ უნდათ, მათი შვილები ისევ ონლაინ სწავლობდნენ. ამიტომ, ახლა უნდა მოძებნონ რაიმე შენობა იმ სოფელში, სადაც გაკვეთილების ჩატარება შესაძლებელი იქნება. მეორე ალტერნატივა მეზობელ სოფელში სიარულია. სიშორის გამო მშობლებს არც ეს უნდათ.

ვრცლად: nor.ge

საქართველოს ცივი სამხრეთი

ეს არის ამბავი ჯავახეთში ცხოვრებ მოქალაქეებზე, რომლებიც მიიჩნევენ, რომ დიდი ხანია დანარჩენმა საქართველომ ისინი საკუთარი სხეულიდან მოიკვეთა

ვარძიაში ავარიულ უბნებს გაამაგრებენ

იმის გამო, რომ ვარძიის ტურისტულ ნაკრძალში ბევრი ავარიული უბანია, კულტურული მემკვიდრეობის სააგენტომ გადაწყვიტა შვიდ უბანზე გამაგრებითი სამუშაოები ჩაატაროს. ამისთვის ასი ათას ლარზე მეტია გამოყოფილი.

ეს არ არის პირველი შემთხვევა, როდესაც ვარძიაში გამაგრებით სამუშაოებს ატარებენ. ავარიული უბნების გამაგრება ვარძიაში გასული წლიდან დაიწყო. მას შემდეგ, რაც კომპლექსის ერთი მონაკვეთი ჩამოიშალა.

ვრცლად: sknews.ge

ქუთაისში ერთი მლნ ლარი აქვთ, მაგრამ ვერ იპოვეს კომპანია, რომელიც მუსიკალურ სკოლას გაარემონტებს

უკვე რამდენიმე თვეა ქუთაისში ეძებენ კომპანიას, რომელიც პასუხისმგებლობას აიღებს სამუსიკო სკოლის გარემონტებაზე. ტენდერი მეოთხედ გამოცხადდა. სამუსიკო სკოლის რემონტისთვის მერიას დაახლოებით 1 მილიონ 300 ათასი ლარი აქვს გათვალისწინებული.

სკოლის რემონტი ერთხელ უკვე დაიწყო, მაგრამ კომპანიამ მერიასთან თანამშრომლობა ჯარიმით დაასრულა. ახლა სამუშაოები შეჩერებულია.

ვრცლად: kutaisipost.ge

გორში სახელოსნოში შუქი ჩაუჭრეს ქალს, რომელიც მოსწავლეებს კერვას ასწავლიდა

„მთავრობამ სკოლაში შუქი ჩამიჭრა და პასუხისმგებლობა მოიხსნა შენობის უსაფრთხოებაზე. ნებისმიერ დროს შეიძლება გატეხონ ხელოვნების სკოლის კარები და დააზიანონ ძვირადღირებული სამკერვალო მანქანები. იძულებული ვარ სკოლა დავხურო”, – გორში, საოკუპაციო ხაზთან მდებარე სოფელ მეჯვრისხევში ქალს, რომელიც ახალგაზრდებს კერვას ასწავლიდა, სამკერვალოში შუქი ჩაუჭრეს.

ნინო უმეკაშვილს ხელოვნების სკოლა და სამკერვალო კულტურის სახლის შენობაში, ერთ-ერთ ოთახში ჰქონდა მოწყობილი. ახლა ის იძულებულია სკოლა დახუროს.

ვრცლად: mozaikanews.ge

თელავის ახალგაკეთებულ სკვერში ატრაქციონები დააზიანეს

თელავში,  ახალრეაბილიტირებულ სკვერში ატრაქციონები და სათვალთვალო ვიდეოკამერები დააზიანეს. გამოცემა „კახეთის ხმა“ დაზიანებული საქანელების ფოტოებს ავრცელებს.

 ვრცლად: knews.ge

 „ალტ-ინფოს“ პარტიამ გორში ოფისი დახურა

გორის ცენტრში ერთ-ერთი პრორუსული ორგანიზაციის ოფისი დაიხურა.

ალტ-ინფოს მიერ დაფუძნებულმა პარტიამ  ,,კონსერვატიული მოძრაობა” გორში ოფისი დახურა. ადგილობრივი გამოცემა, Qartli.ge წერს, რომ დახურვის ოფიციალური მიზეზი ქირის გადაუხდელობაა. გამოცემის ცნობით, შენობიდან უკვე ჩამოხსნეს პარტიის აბრები.

ვრცლად: Qartli.ge

"უკრაინა ომს აგებს. ზელენსკიმ ომი ვერ აიცილა". ვინ დგას საქართველოში რუსული პროპაგანდის უკან

“ალტ-ინფოს” უკვე საკუთარი პარტია აქვს, რომელიც ყველა პრობლემის გადაჭრის გზას მოსკოვში ხედავს

მარნეულში უსახელო ქუჩებს დანომრავენ

მარნეულში დანომრავენ იმ ქუჩებს, რომლებსაც სახელწოდება არ აქვთ. ქუჩების დანომვრის საკითხი საკრებულოს სხდომაზე განიხილეს. უკვე გადაწყვეტილია, რომ ვიდრე ქუჩებს სახელები მიენიჭება, ადგილობრივი თვითმმართველობა მათ უბრალოდ დანომრავს.

ვრცლად: marneulifm.ge

კახეთში 8 ახალი საბავშვო ბაღი აშენდება

აქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა, კახეთის რეგიონის სამ მუნიციპალიტეტში 8 ახალი საბავშვო ბაღის პროექტირება-მშენებლობაზე ტენდერები გამოაცხადა.

გამოცხადებული ტენდერების ჯამური ღირებულება 10 მილიონ ლარზე მეტია.

ვრცლად: knews.ge

რა ხდება საქართველოს რეგიონებში