რა გავიგეთ IRI კვლევიდან არჩევნებამდე ორი თვით ადრე. მთავარი რიცხვები და მიგნებები

ოქტომბრის თვითმმართველობის არჩევნებამდე ორი თვით ადრე, საერთაშორისო რესპუბლიკურმა ინსტიტუტმა – საქართველო (IRI Georgia) გამოაქვეყნა სოციოლოგიური კვლევის შედეგები. კვლევა ჩატარებულია 2021 წლის 15-30 ივნისის პერიოდში, პირისპირი ინტერვიუების გზით. გამოკითხვაში მონაწილეობა მიიღო 1500-მა სრულწლოვანმა რესპონდენტმა. როგორც IRI-ში აცხადებენ, ცდომილების ზღვარი +/- 2.5 პროცენტია.

მთავარი მიგნებები, რაც კვლევამ აჩვენა:

● პარტიების რეიტინგში, IRI-ს კვლევის მიხედვით, ლიდერობს მმართველი ძალა “ქართულ ოცნებას” (28%), მეორე ადგილზე “ერთიანი ნაციონალური მოძრაობაა” (15%) , მესამეზე კი, ყოფილი პრემიერის, გიორგი გახარიას პარტია “საქართველოსთვის” – (9%). ეს იყო პასუხი კითხვაზე, ხვალ რომ საპარლამენტო არჩევნები იყოს, რომელ პარტიას დაუჭერდით მხარს.

• პოლიტიკური პარტიების რეიტინგი. სრული სია

  

  ქართული ოცნება – 28%

  ერთიანი ნაციონალური მოძრაობა – 15%

  საქართველოსთვის, გიორგი გახარია – 9%

  ლეიბორისტული პარტია – 3%

  გირჩი მეტი თავისუფლება, ზურა ჯაფარიძე – 3%

  სტრატეგია აღმაშენებელი, გიორგი ვაშაძე – 2%

  ლელო – 2%

  პატრიოტთა ალიანსი – 2%

  მოქალაქეები, ალეკო ელისაშვილი – 2%

  ერი, ლევან ვასაძე – 2%

  ევროპული საქართველო – 1%

  ხალხისთვის, ანა დოლიძე – 1%

  დროა, ელენე ხოშტარია – 1%

  გირჩი – 1%

  სხვა – 1%

● IRI-ის თავის კვლევაში ყველაზე არასასურველი პარტიების რეიტინგიც აქვს. რომელ პარტიას არ დაუჭერდით მხარს არც ერტ გარემოებაში – ამ კითხვაზე პასუხისას “ერთიანი ნაციონალური მოძრაობა” ლიდერობს, მეორეზე კი მმართველი გუნდია.

• არასასურველი პარტიების რეიტინგი. სრული სია

  

  30% – „ერთიანი ნაციონალური მოძრაობა“ – „ძალა ერთობაშია“;

  24% – „ქართული ოცნება – დემოკრატიული საქართველო“;

  10% – „გირჩი“;

  10% – „პატრიოტთა ალიანსი – დავით თარხან მოურავი, ირმა ინაშვილი“;

  8% – „გირჩი – მეტი თავისუფლება

  7% – „ლეიბორისტული პარტია”

  5% – ნინო ბურჯანაძის „დემოკრატიული მოძრაობა”

  4% – „მოქალაქეები” – ალეკო ელისაშვილი

  4% -„სტრატეგია აღმაშენებელი – გიორგი ვაშაძე

  3%„საქართველოსთვის” – გიორგი გახარია

  3% – „ევროპული საქართველო” – გიგა ბოკერია

  3% – „ლელო” – მანმუკა ხაზარაძე, ბადრი ჯაფარიძე

  3% – ერი – ლევან ვასაძე

  2%„ხალხისთვის” – ანა დოლძე

  2%„დროა” – ელენე ხოშტარია

  2% „თავისუფალი დემოკრატები – თამარ კეკენაძე

  1% „რესპუბლიკური პარტია” – ხათუნა სამნიძე

  1% „ევროპელი სოციალისტები

  1% – სხვა

  3% – არავინ

  20% – არ იცის

  8% – უარი პასუხზე

   

● ამავე დროს, კვირას რომ არჩევნები ტარდებოდეს – 20 პროცენტმა არ იცის ხმას ვის მისცემდა.

● ტრადიციულად, ყველაზე პოპულარული საჯარო ფიგურა, რომელსაც მოსახლეობა ენდობა, არა საერო, არამედ სასულიერო პირია. ნდობის რეიტინგში პირველ ადგილზე საქართველოს პატრიარქი ილია მეორეა, რომელსაც მოსახლეობის 88 პროცენტი ენდობა.

შემდეგ სამ ადგილს იკავებენ მმართველი გუნდის, “ქართული ოცნების” მოქმედი და ყოფილი მაღალჩინოსნები. პირველ ადგილზეა თბილისის მოქმედი მერი და ოქტომბრის არჩევნებში თბილისის მერობის სახელისუფლებო კანდიდატი კახი კალაძე (58%), მესამეზეა ყოფილი პრემიერი და ამჟამად ოპოზიციური პარტია “საქართველოსთვის” ლიდერი გიორგი გახარია (56%). მოქმედი პრემიერი ნდობის რეიტინგში მეოთხე ადგილზეა და ყოფილ პრემიერს 16 პროცენტით ჩამორჩება: ირაკლი ღარიბაშვილს 40 პროცენტიანი ნდობა აქვს.

რადიკალური ოპოზიციის “ნაციონალური მოძრაობის” ლიდერს, და ოქტომბრის თვითმართველობის არჩევნებზე თბილისის მერობის მთავარ კანდიდატს ოპოზიციიდან ნიკა მელიას IRI-ის თანახმად 39 პროცენტიანი რეიტინგი აქვს და ნდობის რეიტინგში მეხუთე ადგილზეა. ეს თითქმის 20 პროცენტით ნაკლებია მისი სამთავრობო კონკურენტის, კახი კალაძის რეიტინგზე.

*** IRI-ს ამ გამოკითხვის დროს, საჯარო პირების ჩამონათვალში არ ჰყავდა შეყვანილი არც ბიძინა ივანიშვილი და არც მიხეილ სააკაშვილი.

• საჯარო პირების მოწონების რეიტინგი IRI-ის კვლევაში. სრული სია

  

  კახა კალაძე 58%

  გიორგი გახარია 56%

  ირაკლი ღარიბაშვილი 40%

  ნიკა მელია 39%

  დავით უსუფაშვილი 36%

  ანა დოლიძე 34%

  სალომე ზურაბიშვილი 31%

  ელენე ხოშტარია – 30%

  გიორგი ვაშაძე (სტრატეგია აღმაშენებელი) – 30%

  ირაკლი კობახიძე – 30%

  შალვა ნათელაშვილი – 29%

  ალეკო ელისაშვილი – 27%

  კახა კუჭავა – 25%

  მამუკა ხაზარაძე – 24%

  ზურაბ გირჩი ჯაფარიძე – 20%

  ირმა ინაშვილი – 20%

  ბადრი ჯაფარიძე – 19%

  გიგა ბოკერია – 18%

  ნინო ბურჯანაძე – 17%

  ლევან ვასაძე – 16%

  იაგო ხვიჩია – 7%

  პაატა დავითაია – 6%

● ინსტიტუციების რეიტინგში ქართული ჯარი ლიდერობს (85%). მეორე ადგილზეა საპატრიარქო – (80%), მესამეზე – იუსტიციის სახლი (76%), პოლიცია (65%). მეხუთეზეა ქართული მედია (55%), რომელიც უსწრებს საქართველოს მთავრობასაც და პრემიერსაც ნდობის რეიტინგში.

● მოსახლეობა ყველაზე საფრთხის შემცველად რუსეთს, კარგ პარტნიორად კი აშშ-ს ასახელებს.

● ჯამურად მოქალაქეების 60 პროცენტი კმაყოფილია COVID–19-ის წინააღმდეგ მთავრობის რეაგირებით.

● გამოკითხულთა 75 პროცენტი დიდი ალბათობით მივა ადგილობრივი თვითმმართველობის არჩევნებზე.

● მოსახლეობის 64 პროცენტს ქვეყანაში ყველაზე მთავარ პრობლემად ეკონომიკურ მდგომარეობას და უმუშევრობას ასახელებს. ამავე კითხვაზე, მოსახლეობის 45 პროცენტისთვის ქვეყნის მთავარ გამოწვევად კვლავ ეკონომიკური პრობლემა, ცხოვრების ღირებულება და მაღალი ფასებია ჩამოთვლილი. 22 პროცენტისთვის კი ქვეყანაში მთავარი პრობლემა სიღარიბეა.

● 77 პროცენტი თვლის, რომ კოალიციური მთავრობა საქართველოს დემოკრატიისთვის ჯანსაღი იქნება

● მოსახლეობის 53 პროცენტი სანდოდ არ მიიჩნევს ცესკოს მიერ ჩატარებულ არჩევნებს.