“ქართული ოცნების” საარჩევნო შტაბს ირაკლი კობახიძე უხელმძღვანელებს

მმართველი პარტიის – “ქართული ოცნების” საარჩევნო შტაბის ხელმძღვანელად პარტიის აღმასრულებელი მდივანი და პარლამენტის ყოფილი თავმჯდომარე, ირაკლი კობახიძე დაინიშნა. 

2016 წლიდან 2019 წლის ივნისამდე ის პარლამენტის თავმჯდომარე იყო.

კობახიძე ამ თანამდებობიდან გასული წლის 21 ივნისს გადადგა –  მას შემდეგ,  რაც მის სავარძელში რუსი დეპუტატი, სერგეი გავრილოვი ჩაჯდა, რასაც მრავალათასიანი საპროტესტო აქცია მოჰყვა.

2018 წლის საპრეზიდენტო არჩევნებში ირაკლი კობახიძე იყო “ქართული ოცნების” მხარდაჭერილი კანდიდატის – სალომე ზურაბიშვილის საარჩევნო შტაბის ხელმძღვანელი.