სასტუმრო „ოაზისი“ გაიხსნა - 900-ზე მეტ ადამიანს კორონავირუსი არ დაუდასტურდა

ჩაქვში, სასტუმრო „ოაზისში“, სადაც 2 სექტემბერს კონფერენციაზე მყოფ ერთ-ერთ ექიმს covid-19 დაუდგინდა, კორონავირუსზე ტესტი 940-მდე ადამიანს გაუკეთდა. გამოკვლეული დამსვენებლებიდან კორონავირუსი არავის აღმოაჩნდა. 

• რამდენს კარგავს საქართველო კორონავირუსის გამო? საგარეო ვაჭრობა პანდემიის დროს – ციფრები

კორონავირუსით ინფიცირებულ ექიმთან კონტაქტში მყოფი ხუთი ადამიანი კარანტინშია გადაყვანილი. დანარჩენ სტუმრებს კი დღეიდან სასტუმროს დატოვება შეუძლიათ. 

ინფიცირებული ექიმი, რომელსაც 2 სექტემბერს covid-19 დაუდგინდა, მონაწილეობდა კონფერენციაში, რომელსაც 400-მდე ექიმი ესწრებოდა. 

4 სექტემბრის დილის მონაცემებით, საქართველოში კორონავირუსი 1596 ადამიანს დაუდასტურდა, მათგან 1294 გამოჯანმრთელდა, ხოლო 19 გარდაიცვალა.