კომენტარი: ჩინეთთან სტრატეგიული თანამშრომლობა, ხოლო ირანელებთან კობახიძის ცნობილი ვიზიტი, ძალიან ნეგატიურად აისახება ტრამპის პოლიტიკაზე
ნოდარ ხარშილაძის კომენტარი
“სტრატეგიული ანალიზის ცენტრის“ დამფუძნებლის, ნოდარ ხარშილაძის თქმით, ჩინეთთან სტრატეგიული თანამშრომლობა, ხოლო ირანელებთან კობახიძის ცნობილი ვიზიტი, ძალიან ნეგატიურად აისახება ტრამპის პოლიტიკაზე. მისი თქმით, ეს წითელი ხაზია, ეს ხელს შეუწყობს სანქციების გამოცხადებას.
ნოდარ ხარშილაძე:
„ბიძინა ივანიშვილის და მისი კუთვნილი პარტიის მიერ გატარებული პოლიტიკა პირდაპირ ეწინააღმდეგება ტრამპის ადმინისტრაციის პრიორიტეტებს.
ეს პოლიტიკა ეფუძნება ჩინეთის სახალხო რესპუბლიკასა და ირანის ისლამისტურ პოლიტიკასთან დაახლოებას, რაც უკვე მოხდა. მათ შორის, ჩინეთის სახალხო რესპუბლიკასთან ორმხრივი სტრატეგიული განცხადება, ხოლო ირანელებთან კობახიძის ცნობილი ვიზიტი, ძალიან ნეგატიურად აისახება ტრამპის პოლიტიკაზე, ეს წითელი ხაზია. შესაბამისად, ეს ხელს შეუწყობს სანქციების გამოცხადებას.
ჯო უილსონმა ძალიან სწორად თქვა, რომ ეს მხოლოდ დასაწყისია. მართლაც, ასეა. უნდა ველოდოთ მეტ სანქციას… იმის მაგივრად, რომ ვსაუბრობდეთ, რა შეიძლება ახალი, კარგი გავაკეთოთ, იმაზე ვსაუბრობთ, თუ რა სახის სანქციები უნდა დაადონ „ქართულ ოცნებას“. ეს არის ბიძინა ივანიშვილის „დამსახურება.“
