LIVE: უკრაინაში რუსეთის წინააღმდეგ ბრძოლა გრძელდება. დღე მეოთხე. განახლებადი ინფორმაცია

ტელეგრამის უკრაინულ არხებზე ვრცელდება ვიდეო, სადაც ძალიან ძლიერი აფეთქება ჩანს.
nexta წერს, რომ ეს, სავარაუდოდ, ჩერკასია, ქალაქი ცენტრალურ უკრაინაში, კიევიდან 157 კილომეტრში nexta

რუსეთსა და უკრაინას შორის მოლაპარაკებები დაიწყება 28 თებერვალს დილიდან.

ცნობილია, რომ უკრაინის დელეგაციის შემადგენლობაში იქნება დავით არაჰამია (მმართელი პარტიის, “სლუგა ნაროდას” საპარლამენტო ფრაქციის თავმჯდომარე)

ბელგია უკრაინას 3000 ტყვიამფრქვევს და 200 ტანკსაწინააღმდეგო ყუმბარმტყორცნს გადასცემს – ზელენსკი Twitter-ზე.

ასევე ბორის ჯონსონის პრესსამსახურის განცხადებით, დიდი ბრიტანეთი უკრაინას 40 მილიონი ფუნტის ჰუმანიტარულ დახმარებას გაუგზავნის

დღეს მთელი დღის განმავლობაში მიმდინარე მძიმე ბრძოლების მიუხედავად, ხარკოსვს უკრაინული ჯარი აკონტროლებს

თურქეთის საგარეო საქმეთა მინისტრმა, მევლუთ ჩავუშოღლუმ CNN Turk-ის ეთერში განაცხადა, რომ თურქეთის ხელისუფლება გამოიყენებს მონტრეს კონვენციის მე-19 მუხლს ბოსფორისა და დარდანელის შესახებ.

ამ მუხლის თანახმად, თუ თურქეთი არ არის მეომარი მხარე, მას შეუძლია ომში ჩართული სხვა ქვეყნების სამხედრო გემებისთვის სრუტეები დაკეტოს.

ანუ ჩავუშოღლუს განცხადება ნიშნავს იმას რომ ამ სრუტეებში არც რუსეთის და არც უკრაინის გემები არ გაივლიან.

“თავდაპირველად ეს იყო რუსეთის თავდასხმა. მაგრამ ახლა ეს ომია“, – განაცხადა მან.

მონტრეს კონვენცია ბისფორზე და დარდანელზე თურქეთის სუვერენიტეტს აღიარებს, მაგრამ ამავე დროს, ავალდებულებს მას საერთაშორისო სამართლის პრინციპების თანახმად განკარგოს ეს სრუტეები

KFC და McDonalds მთელ უკრაინაში ხსნიან სამზარეულოებს სამხედროებისთვის

ვიტალი კლიჩკო: კიევი ალყაშია, მოსახლეობის ევაკუაციას ვერ ვახერხებთ АР

G7-ის ქვეყნებმა უკრაინას თავდაცვითი იარაღი და სამხედრო ტექნიკა გაუგზავნეს, – ამის შესახებ უკრაინის საგარეო საქმეთა მინისტრმა კულებამ Twitter-ზე დაწერა

გარდა ამისა, ქვეყნებმა უკრაინას ფინანსური დახმარება გაუწიეს. „ჩვენ ასევე განვიხილეთ ახალი მტკივნეული სანქციები ომის შესაჩერებლად“, – წერს კულება.

ჩერნიგოვში რაკეტა მოხვდა ახალგაზრდული ცენტრის შენობას, რომელია ადრე კინოთეატრი იყო. შენობა ქალაქის ცენტრალურ მოედანზეა.

ჩერნიგოვის რეგიონალური სახელმწიფო ადმინისტრაცია ამბობს, რომ ეს იყო სარაკეტო თავდასხმა. hromadske

მას შემდეგ რაც ომი დაიწყო, უკრაინის მასშტაბით თავშესაფრებში 6 ბავშვი დაიბადა, გადმოსცემს უკრაინა 24/7

კიევის დაბომბვის დროს (25 თებერვალი) მეტროში დაიბადა გოგონა, ხოლო ხერსონში 2 ბიჭი (სამშობიარო სახლში ორგანიზებულ თავშესაფარში).

გუშინ (26 თებერვალს) კოლომიაში საჰაერო თავდასხმის დროს გოგონა დაიბადა.

დღეს კიევში, სირენების ხმაზე, ტყუპები გაჩნდნენ.

როსკომნადზორმა (რუსეთის მარეგულირებელი კომისია) რუსეთის ტერიტორიაზე დაბლოკა უკრაინის შინაგან საქმეთა სამინისტროს მიერ შექმნილი საიტი – ищи своих, სადაც ქვეყნდება ინფორმაცია დაღუპული და ტყვედ აყვანილი რუსი სამხედროების შესახებ.

შვედეთის მთავრობამ გადაწყვიტა უკრაინაში გაგზავნოს 5 ათასი ტანკსაწინააღმდეგო საბრძოლო მასალა (ტიპი არ არის მითითებული), ასევე ჩაფხუტი, ჯავშანი და 135 ათასი ულუფა მშრალი საკვები.

კიევში და ოდესაში საჰაერო განგაშის სირენები ისმის. unian

ევროკავშირი, ისტორიაში პირველად, მზადაა უკრაინისთვის იარაღის მიწოდების დასაწყებად, – განაცხადა ევროკომისიის ხელმძღვანელმა

პოპულარული გასართობი შოუ “საღამოს ურგანტი” მთელი მომავალი კვირა არ წერია რუსეთის “პირველი არხის” ბადეში და გაურკვეველია, საერთოდ გავა თუ არა.
შოუს წამყვანმა ივან ურგანტმა ომის წინააღმდეგ პოსტი დაწერა.

ლიეტუვის პრემიერ-მინისტრი ამბობს, რომ SWIFT-იდან ბელარუსიც უნდა გაითიშოს.

ქვეყნები ერთმანეთის მიყოლებით ხურავენ ცას რუსული თვითმფრინავებისთვის. ამჯერად, სხვა ათობით ქვეყანას მიემატა ხორვატია

ევროკავშირი ლუკაშენკოს წინააღმდეგაც შემოიღებს სანქციებს

რუსეთის თავდაცვის სამინისტრომ პირველად ისაუბრა ადამიანური ზარალის შესახებ, თუმცა ყოველგვარი ციფრების გარეშე:

“რუსი სამხედრო მოსამსახურეები ავლენენ გამბედაობას, მაგრამ სამწუხაროდ, არის მსხვერპლი. მაგრამ ჩვენი დანაკარგები ბევრჯერ ნაკლებია, ვიდრე ნაციონალისტების”, – თქვა უწყებამ

RT და Sputnik დაბლოკილია მთელ ევროკავშირში

ზელენსკი პრიპიატზე შეხვედრის შესახებ: მე ნამდვილად არ მჯერა ამ შეხვედრის შედეგის, მაგრამ დაე, სცადონ.

ზელენსკიმ თქვა, რომ საჭიროა ცდა, რათა მოგვიანებით არც ერთ უკრაინელს არ შეეპაროს ეჭვი, რომ მას, როგორც პრეზიდენტს, „არ უცდია ომის შეჩერება, როცა იყო შანსი, თუმცა მცირე“.

ამის შესახებ ზელენსკიმ ტელეგრამის არხზე გამოქვეყნებულ ვიდეომიმართვაში განაცხადა.

“ალექსანდრე ლუკაშენკომ მომმართა, რომ უკრაინის და რუსეთის დელეგაციები შეხვედროდნენ ერთმანეთს მდინარე პრიპიატზე. ხაზს ვუსვამ, ყოველგვარი წინაპირობის გარეშე. გულწრფელად, როგორც ყოველთვის, მე ნამდვილად არ მჯერა ამ შეხვედრის შედეგის. მაგრამ დაე, სცადონ. რომ მოგვიანებით უკრაინის არცერთ მოქალაქეს არ ჰქონდეს მცირედი ეჭვიც, რომ მე, როგორც პრეზიდენტი, არ ვცდილობდი ომის შეჩერებას, როდესაც იყო თუნდაც მცირე შანსი“, – ხაზგასმით აღნიშნა ზელენსკიმ.

ქართველებმა უარი უთხრეს რუსულ გემს საწვავის შევსებაზე. გემის კაპიტანმა რომ გაიგო, რომ საწვავს რუსული გემი ითხოვდა, უთხრა: “რუსული გემია? идите на **!”

რუსი ეკიპაჟის თხოვნის საპასუხოდ რომ საწვავი ეწურებოდათ, ქართველმა კაპიტანმა უპასუხა, რომ ნიჩბებით გაეგძელებინათ გზა.

ვიდეოს unian ავრცელებს.

პორტუგალია ხურავს თავის ცას რუსული თვითმფრინავებისთვის

ტელეგრამის დამფუძნებელი პაველ დუროვი ამბობს, რომ შესაძლოა შეიზღუდოს ტელეგრამის მუშაობა დაპირისპირებულ ქვეყნებში – რუსეთსა და უკრაინაში, რადგან ტელეგრამ-არხებით ბევრი გადაუმოწმებელი ინფორმაცია ვრცელდება.

კანადა ხურავს საჰაერო სივრცეს რუსული თვითმფრინავებისთვის

მოხალისე ახალგაზრდა ქალი სწავლობს საბაზისო წესებს მარიუპოლში, დონეცკის რეგიონში, აღმოსავლეთ უკრაინაში (AP Photo/Vadim Ghirda)

რუსეთის თავდაცვის სამინისტროს საიტი არ მუშაობს.

რუსეთი იმუქრება, რომ დაარტყამს მანქანებს, რომლებიც უკრაინის ტერიტორიაზე დასავლურ იარაღს გადაიტანენ.

“სანამ, მაგალითად, მანქანა სამხედრო ტვირთით მოგზაურობს მესამე ქვეყნის ტერიტორიაზე, ეს მისი საქმეა. როგორც კი ის შემოდის უკრაინაში, ვახორციელებთ დემილიტარიზაციას”, – აცხადებს ანდრეი კლიმოვი, ფედერაციის საბჭოს კომისიის ხელმძღვანელი

უკვე რამდენიმე დღეა, თავდასხმის მოლოდინში კიევის მაცხოვრებლები მოლოტოვის კოქტეილებს ამზადებენ

კიევის მახლობლად, გოსტომელის აეროდრომზე საჰაერო თავდასხმის დროს, დაიწვა Ан-225 «Мрiя» (“ოცნება”) – მსოფლიოში ყველაზე დიდი ზომის სატრანსპორტო რეაქტიული თვითმფრინავი, რომელიც არსებობდა ერთ ეგზემპლარად.

ამის შესახებ რადიო თავისუფლება იუწყება.

Mriya-მ ბოლო ფრენა თებერვლის დასაწყოსში შეასრულა, ამის შემდეგ სხვაგან არსად გაფრინდა და იდგა გოსტომელში.

ბოლო რამდენიმე დღის განმავლობაში, უკრაინა 368 000-მდე მოქალაქემ დატოვა. ამის შესახებ გაეროს ლტოლვილთა უმაღლესმა კომისარმა ფილიპო გრანდიმ განაცხადა. უკრაინელები ძირითადად პოლონეთში, უნგრეთში, რუმინეთსა და მოლდოვაში მიდიან.

მხოლოდ დღეს პოლონეთთან საზღვარი 187 000-მა ადამიანმა გადაკვეთა. კრაკოვეცის საგუშაგოზე (ლვოვის რეგიონი) 25 კილომეტრიანი რიგია, –  გადმოსცემს ჰრომადსკე

იმ ქვეყნების რიცხვს, ვინც რუსული თვითმფრინავებისთვის ცა დაკეტა, ჩრდილოეთ მაკედონია დაემატა

რუსული თვითმფრინავებისთვის ცა კიდევ ორმა ქვეყანამ – ესპანეთმა და კანადამ დაკეტა

ამსტერდამში დაახლოებით 20 ათასი ადამიანი გამოვიდა ქუჩაში უკრაინის წინააღმდეგ პუტინის მიერ გაჩაღებული ომის წინააღმდეგ. კადრში ჩანს ქართული დროშაც.

ვიდეო: ნავალნის შტაბი.

გერმანია ძირეულად შეცვლის პოლიტიკას რუსეთის მიმართ, –  განაცხადა გერმანიის ელჩმა კიევში.

აშშ-ის ელჩმა გაეროში რუსეთის ფედერაციის პრეზიდენტის გადაწყვეტილებას შეკავების ძალების შესახებ მიუღებელი ესკალაცია უწოდა, – Reuters-ი

უკრაინის ციფრული განვითარების სამინისტროს ხელმძღვანელმა მიხაილ ფედოროვმა მოუწოდა მსოფლიო კრიპტობირჟებს გაყინონ რუსეთისა და ბელარუსის მოქალაქეების ანგარიშები.

უკრაინის შეიარაღებულმა ძალებმა პრილუკის მახლობლად გაანადგურეს ოკუპანტების  პერსონალთან ერთად.

რუსმა ოკუპანტებმა დიდი ზარალი განიცადეს კიევის რეგიონშიც.
წყარო: hromadske

უკრაინისა და რუსეთის დელეგაციების შეხვედრა არა გომელში, არამედ უკრაინა-ბელარუსის საზღვარზე გაიმართება. მდინარე პრიპიატთან.

პარალელურად, კრემლში პუტინი აცხადებს, რომ აამუშავებს “შემაკავებელ ძალებს”, რომელთა შორის ჩამონათვალში ბირთვული იარაღიც არის.

პუტინი ბირთვული იარაღით დაიმუქრა

მან თქვან, რომ ” შეკავების სტრატეგილ ძალებს” აამუშავებს.

სწორედ ეს არის „შემაკავებელი ძალები“. მათ შორის ბირთვული იარაღი.

დასავლეთში აგრესიული განცხადებების საპასუხოდ, პუტინმა გასცა ბრძანება რუსეთის არმია შემაკავებელი რეჟიმიდან გადავიდეს მუშაობის სპეციალურ რეჟიმში.

კანცლერმა ოლაფ შოლცმა განაცხადა, რომ გერმანია გეგმავს მნიშვნელოვნად შეამციროს რუსეთიდან გაზის მოხმარება ან საერთოდ უარი თქვას მასზე. ასე რომ, რუსეთი მალე იგრძნობს უკრაინაში ომის დაწყების დიდ ფასს

საფრანგეთი კეტავს თავის ცას რუსული თვითმფრინავებისთვის

კადიროვმა თქვა, რომ რუსი სამხედროების ტაქტიკა უკრაინაში „ზედმეტად ნელია“ და მოუწოდა პუტინს „დაიწყოს სწრაფი ფართომასშტაბიანი ოპერაცია ყველა მიმართულებით“.

„პირადად არაერთხელ მაქვს შემუშავებული ტაქტიკა და სტრატეგია ტერორისტების წინააღმდეგ, მონაწილეობა მივიღე ბრძოლებში. ჩემი გაგებით, უკრაინაში არჩეული ტაქტიკა ძალიან ნელია. ამას დიდი დრო სჭირდება და, ჩემი აზრით, არაეფექტურია.

ვთხოვ ქვეყნის ხელმძღვანელობას, რუსეთის შეიარაღებული ძალების უზენაეს სარდალს, ვლადიმერ პუტინს, მისცეს ყველა სპეცრაზმელს შესაბამისი ბრძანება, რათა მათ დაასრულონ ნაცისტები, ტერორისტები, რომლებმაც მოკლეს ჩვენი ქალები, მოხუცები და ბავშვები ჩეჩნეთის რესპუბლიკაში”

ამის შესახებ რუსეთის დელეგაციის ხელმძღვანელმა ვლადიმერ მედინსკიმაც განაცხადა

კიევი ამ ინფორმაციას ჯერ არ ადასტურებს და არც უარყოფს.

მანამდე ვლადიმერ ზელენსკის სპიკერმა განაცხადა, რომ კიევი ბელორუსში მოსკოვთან მოლაპარაკებებში მონაწილეობას არ მიიღებს. ზელენსკიმ მათ სხვა ქალაქში საქუბარი შესთავაზა.

ამასთანავე პუტინის მრჩეველმა მედინსკიმ, რომელიც გომელში რუსულ დელეგაციას ხელმძღვაბელობს, თქვა, რომ რუსეთის დელეგაცია უკვე აპირებდა ბელარუსიის დატოვებას, მაგრამ “სულ რაღც დაახლოებით ნახევარი საათის წინ” მან მიიღო ინფორმაცია კიევიდან, რომ მოლაპარაკებები გაიმართება.

რუსეთის დელეგაციის ხელმძღვანელმა დასძინა: „ახლა უკრაინული დელეგაციისთვის მარშრუტი მუშავდება და გომელის რეგიონში მოლაპარაკებების ოპტიმალური ადგილი დგინდება, უკრაინის დელეგაციის უსაფრთხოების ასპროცენტიან გარანტიას ვაძლევთ“.

ნოვაია გაზეტამ ლურჯად გააფერადა ევროპის ის ქვეყნები, სადაც რუსული თვითმფრინავები ვერ ჩაფრინდებიან. უკვე 20.

ისრაელის პრემიერ-მინისტრმა ბენეტმა ტელეფონით ისაუბრა პუტინთან და შესთავაზა შუამავლობა უკრაინის საკითხში.

ბენეტის შუამავლობია იდეა გუშინ ზელენსკის ჰქონდა. მან თხოვა ისრაელის პრემიერს შუამავლად ჩართვა.

ხმელნიცკიში ქალები და ბავშვები უკრაინელი ჯარისკაცებისთვის ქსოვენ შესანიღბ ბადეებს ჩვენი გმირების დასახმარებლად  თან მღერიან

უკრაინამ ოფიციალურად გაგზავნა სარჩელი რუსეთის წინააღმდეგ ჰააგის საერთაშორისო სასამართლოში და მოითხოვა, რომ რუსეთი აგოს პასუხი გენოციდის მნიშვნელობის დამახინჯებისთვის საკუთარი აგრესიის გასამართლებლად.

დაახლოებით 30 ადამიანი მონაწილეობს უკრაინის მხარდამჭერ მსვლელობაში, რომელიც ახლა ბაქოში დაიწყო.

ბაქოში უკრაინის საელჩოსთან 15:00 საათზე მხარდამჭერი აქცია იგეგმება.

ასევე შეგროვდება ჰუმანიტარული დახმარება კიევში გასაგზავნად.

გაერო: სულ მცირე 64 მშიდობიანი მოქალაქე დაიღუპა უკრაინაში. Reuters

ხარკოვში ჭურვი 9 სართულიან კორპუსს მოხვდა – ქალი დაიღუპა; სუმში – მამაკაცი დაბომბვის შედეგად დაიღუპა, კიევის რეგიონში სოფ. ბოროდიანკაში, საცხოვრებელ კორპუსში ჭურვის მოხვედრის შედეგად სამი ადამიანი დაიღუპა.ასევე, ბოლო დღის განმავლობაში კიევში ექვსი მშვიდობიანი მოქალაქე დაიღუპა.

უკრაინის შინაგან საქმეთა სამინისტროს ხელმძღვანელის მრჩეველი ანტონ გერაშჩენკო ადასტურებს, რომ კიევიდან 10 კილომეტრში მდებარე ქალაქი ირპენიც შეინარჩუნა

დანია კეტავს საჰაერო სივრცეს რუსული თვითმფრინავებისთვის.

კვირას დილით რუსეთის პრეზიდენტის სპიკერმა დიმიტრი პესკოვმა განაცხადა, რომ მხარეებმა მიაღწიეს შეთანხმებას გომელში მოლაპარაკებების გამართვაზე და ამისთვის ბელორუსიაში უკვე ჩავიდა რუსული დელეგაცია.

უკრაინის პრეზიდენტმა ვლადიმირ ზელენსკიმ მალევე გამოაქვეყნა ვიდეო მესიჯი, რომელშიც განაცხადა, რომ კიევი მზად არის მოლაპარაკებებისთვის, მაგრამ არა იმ სახელმწიფოს ტერიტორიაზე, საიდანაც უკრაინა იბომბება.
კრემლი ამბობს, რომ გომელი, როგორც მოლაპარაკებების ადგილი, სწორედ უკრაინულმა მხარის შეთავაზება იყო. კიევში მათ უპასუხეს, რომ ასეთი ვარიანტი მართლაც განიხილებოდა, თუმცა ბოლო მომენტში მოსკოვმა წამოაყენა უკრაინისთვის მიუღებელი მოთხოვნები – უკრაინელ სამხედროებს იარაღი უნდა დაეყარათ.

განცხადება ბელარუსის ლიდერმა ალექსანდრე ლუკაშენკომაც გააკეთა. მან თქვა, რომ ამ მომენტში უკრაინაში არც ერთი ბელორუსი ჯარისკაცი არ არის. თუმცა, იქვე ლუკაშენკომ მოულოდნელი აღიარება გააკეთა – თქვა, რომ კონფლიქტის დასაწყისში იყო “2-3 სარაკეტო დარტყმა” უკრაინის მიმართულებით ბელარუსის სამხრეთიდან, რადგან კიევმა საზღვართან სარაკეტო ბატალიონი განათავსა.

“მოსკოვისა და კიევის მეორე მცდელობა მოლაპარაკების მაგიდასთან დასხდნენ, როგორც ჩანს, ისევ მარცხით მთავრდება” – წერს BBC.

უკრაინა სთხოვს წითელ ჯვარს, რომ დაეხმაროს დაღუპული რუსი ჯარისკაცების ცხედრების რუსეთისთვის გადაცემაში:

„დახმარებას ვითხოვთ რუსი ოკუპანტების ათასობით ცხედარი რუსეთში გადავიტანოთ. ეს არის ჰუმანიტარული საჭიროება. ვითხოვთ, რომ რუსი დამპყრობლების გვამებმა დატოვონ უკრაინის ტერიტორია და წავიდნენ რუსეთის ფედერაციაში. მათ უნდა იცოდნენ, რამდენი ასეთი ცხედარი და რამდენი დამპყრობელი წევს უკრაინის მიწაზე“, – განაცხადა ვეტერანთა სამინისტროს ხელმძღვანელმა ირინა ვერეშჩუკმა.

ლუკაშენკო გამოეხმაურა ზელენსკის მიმართვას და თქვა, რომ უკრაინაში არ იმყოფება არც ერთი ბელორუსი ჯარისკაცი და არც ერთი ბელარუსული ტყვია იქ არ არის.

მან ასევე მოუწოდა ზელენსკის უკრაინელ ხალხს მიმართოს და არა ბელარუსებს.

ლუკაშენკო: ჩვენ უნდა შევაჩეროთ ომი. მე ამას ომსაც არ დავარქმევდი. ეს არის კონფლიქტი. ერთი-ორი დღე – ომი იქნება . და სამი დღის შემდეგ კი – ხორცის საკეპ მანქანად გადაიქცევა.

ლუკაშენკომ განაცხადა, რომ ბელარუსის ტერიტორიიდან უკრაინკენ მართლაც გაუშვეს რაკეტები, თუმცა ეს იყო იძულებითი ნაბიჯი, რადგან უკრაინა რუსეთზე თავდასხმას აპირებდა და ამისთვის მზად ჰქონდა რაკეტები ბელორუსის საზღვრთან.

ლუკაშენკომ მოუწოდა უკრაინას, გახდეს ისეთი ქვეყანა, როგორც ბელარუსია – ნეიტრალური, ბირთვული იარაღის გარეშე.

რუსეთი აშკარად არ აპირებს მოლაპარაკებების ლოკაციის შეცვლას – პესკოვის ახალი განცხადება:

დიმიტრი პესკოვი ირწმუნება, რომ მოლაპარაკებების ადგილად ბელარუსული გომელი კიევმა აირჩია.

უკრაინა  კი გომელში რუსეთთან მოლაპარაკებებში მონაწილეობას არ მიიღებს, – ამის შესახებ ზელენსკის პრესმდივანმა ნიკიფოროვმა განაცხადა

ზელენსკი: „სხვა ქალაქები შეიძლება იყოს შეხვედრის ადგილი. რა თქმა უნდა, ჩვენ გვინდა მშვიდობა. ჩვენ გვინდა შეხვედრა, გვინდა ომის დასრულება! ვარშავა, ბრატისლავა, ბუდაპეშტი, სტამბული, ბაქო – ეს ყველაფერი ჩვენ შევთავაზეთ რუსულ მხარეს. და ნებისმიერი სხვა ქალაქი ჩვენთვის შესაფერისია გარდა ქვეყანისა, საიდანაც რაკეტებს გვიშენენ”

unian წერს, რომ ნიკოლაევი, სადაც ღამე ბრძლები მიმდინარეობდა, უკვე სრულად უკრაინული მხარის კონტროლის ქვეშაა.

უკრაინული სააგენტი ავრცელებს ვიდეოს, სადაც ნიკოლაევის ცენტრი ჩანს და უკრაინის ჰიმნი ისმის “რათა ყველა მოქალაქემ იცოდეს რომელ ქვეყანაში გაიღვიძეს”.

ნიკოლაევი უკრაინის სამხრეთითაა. ქვეყნის ერთ-ერთი მნიშვნელოვანი ეკონომიკური ცენტრია, აქ რამდენიმე გემთმშენებელი ქარხანაა.

რუსეთის დანაშაულებრივ ქმედებებს უკრაინის წინააღმდეგ გენოციდის ნიშნები აქვს – ამბობს ზელენსკი

მისი თქმით, რუსული არმიის ქმედებები უკრაინაში “საერთაშორისო ტრიბუნალზე ქაჩავს”.

საომარი ფრონტზე ვითარება რომ შევაჯამოთ:

ხარკოვის ხელისუფლებამ ადასტურებს, რომ რუსული ჯარები ქალაქში შევიდნენ. თუმცა, აღნიშნავენ, რომ უკრაინული არმიამ მათი ნაწილი უკვე განდევნა ქალაქიდან და იერიშს წარმატებით იგერიბს. რუსეთის თავდაცვის სამინისტროში ამ ინფორმაციას არ ადასტურებენ და არც კომენტარს აკეთებენ.

რუსეთის თავდაცვის სამინისტრო აცხადებს, რომ უკრაინის ჯარების 302-ე საზენიტო-სარაკეტო პოლკმა ნებაყოფლობით დაყარა იარაღი და რუსეთს 471 უკრაინელი სამხედრო ჩაბარდა. კიევი ამ ინფორმაციას არ ადასტურებს.

კიევის მერის მოადგილე ამბობს, რომ კიევში სიმშვიდეა.

თუმცა, კიევთან ახლოს ბუჩაში არიან რუსული ტანკები და ამის ამსახველი ვიდეობი ვრცელდება სოციალურ ქსელში.

უკრაინულის საგანგებო სიტუაციების სამსახური ადასტურებს, ინფორმაციას, რომ ბუჩაში (კიევთან) სახლს ჭურვი მოხვდა.

მსხვერპლი არ არის (აქ ხალხი თავშესააფრებშია გახიზნული)

რუსულმა ჯარებმა აიღეს ნოვაია კახოვკა, ხერსონის ოლქი. ამის შესახებ Suspіlny-ს (უკრაინის საზოგადოებრივი არხი) ქალაქის მერმა ვლადიმერ კოვალენკომ განუცხადა

რუსეთის თავდაცვის სამინისტრო ასევე აცხადებს, რომ უკრაინის ჯარის 302-ე საზენიტო-სარაკეტო პოლკმა ნებაყოფლობით დაყარა იარაღი, დააკავეს 471 უკრაინელი სამხედრო.

რუსეთის ფედერაციის თავდაცვის სამინისტრომ განაცხადა, რომ ხერსონი და ბერდიანსკი “სრულიად დაბლოკილია”. გენიჩევსკი და ხერსონის მახლობლად მდებარე ჩერნობაევკას აეროდრომი “კონტროლის ქვეშაა”, – ნათქვამია რუსეთის თავდაცვის სამინისტროს დილის ანგარიშში.

“რუსეთის ჯარები ხარკოვში შემოვიდნენ”, ადასტურებს რეგიონული სახელმწიფო ადმინისტრაციის ხელმძღვანელი ოლეგ სინეგუბოვი.

ამ ვიდეოებს unian ავრცელებს და წერს, რომ ხარკოვის ქუჩებში ბრძოლებია.

ვიდეოზე ჩანს, როგორ იწვის რუსული ტექნიკა

რომან აბრამოვიჩმა ჩელსის მენეჯმენტი კლუბის საქველმოქმედო ფონდის რწმუნებულებს გადასცა.

მისივე თქმით, მან გადაწყვეტილება ჩელსის ინტერესებიდან გამომდინარე მიიღო

“გავრცელებული ინფორმაცია ქალაქ ბორისპილში რუსული დესანტის დაშვების შესახებ, არ შეესაბამება სიმართლეს” – ბორისპოლის მერი ვლადიმირ ბორისენკო.
მან ასევე დაამატა, რომ ქალაქი “მშვიდ რეჟიმშია”.

“სიბნელე უკან დაიხევს, გარიჟრაჟი ახლოა”

თავდაცვის მინისტრმა, ოლექსი რეზნიკოვმა გაავრცელა მიმართვა, სადაც აჯამებს, როგორ იბრძოდა უკრაინის არმია 72 საათის განმავლობაში.

“ეს იყო სამი დღე, რომლებმაც სამუდამოდ შეცვალა ჩვენი ქვეყანა და მსოფლიო. სად არიან ისინი, ვინც კიევის აღებას 2 საათში გვპირდებოდა? სად არიან? მე მათ ვერ ვხედავ. მხოლოდ მათი თავის მართლება მესმის.

მაგრამ მე ვხედავ გმირ არმიას, გამარჯვებულ გვარდიას, უშიშარი მესაზღვრეებს, თავგანწირულ მაშველებს, საიმედო პოლიციელებს, დაუღალავ ანგელოზებს – სამედიცინო მუშაკებს. ყველა, ვინც თავის მოვალეობას ასრულებს.

მე ვხედავ ათასობით და ათასობით მოქალაქეს, რომლებმაც აიღეს იარაღი, შეუერთდნენ ტერიტორიულ თავდაცვის რიგებს და იბრძვიან“, – წერს იგი.

მეტას კვალდაკვალ, გუგლიც აჩერებს რუსული სახელმწიფო მედიის მონეტიზაციას, იუწყება Reuters.

კიევში ვითარება მშვიდია, განაცხადა უკრაინის დედაქალაქის მერის მოადგილემ მიკოლა პოვოროზნიკმა.

მისი თქმით, კიევს მთლიანად უკრაინის არმია და ტერიტორიული თავდაცვის ძალები აკონტროლებენ. მან ასევე განაცხადა, რომ ღამით “რამდენიმე შეტაკება მოხდა დივერსიულ ჯგუფებთან”.

მთელი ღამე მინდოა ბრძოლები და ავიაიერიშები უკრაინის სხვადასხვა ქალაქში, თუმცა პოზიციების მნიშვნელოვან ცვლილებენზე განცხადებები არ კეთდება.

ხარკოვი, კიევი, ბირისპოლი, ვასილკოვი, ნიკოლაევი – ამ ქალაქებში იყო ღამე ცხელი წერტილები

ამ ღამე კიევის მახლობლად მდებარე ქალაქ ვასილკოვში, სარაკეტო თავდასხმის შემდეგად, ნავთობის საწყობს ცეცხლი გაუჩნდა.

ხარკოვში გაზსადენი აფეთქდა.

როვენკებში (ლუგანსკი) ნავთობის საცავიიწვა (ინფორმაცია დაზუსტებას საჭიროებს)

უკრაინას ჯერ არ გაუკეთებია ახალი განცხადება მსხვერპლზე. ბოლოს, გუშინ, უკრაინის ჯანდაცვის სამინისტრომ 198 მშვიდობიანი მოქალაქის დაღუპვის შესახებ განაცხადა

რუსეთის ხელისუფლება საერთოდ დუმს თავის დანაკარგებზე. პირველი სამხედრო, რომლის გარდაცვალება აღიარეს უკრაინაში – დაღესტნელი ოფიცერი ნურმაგომედ გაჯიმაგომედოვია. ამ დანაკარგის შესახებ ასევე არა მოსკოვიდან ვიცით, არამედ დაღესტნის ხელმძღვანელმა თანაგრძნობა გამოთქვა ოფიცრის გარდაცვალებასთან დაკავშირებით.

ზელენსკის ოფისმა 3500 რუსი ჯარისკაცის დაღუპვის შესახებ განაცხადა გუშინ საღამოს. უკრაინა წითელ ჯვართან თანამშრომლობს, რომ რუსეთს დაღუპულთა ცხედრები გადასცეს.

რუსეთის ჯარების მთავარსარდალი 40 საათზე მეტია არ ჩანს. პუტინს გუშინ ვიდეო მიმართვები არ გაუკეთებია და არც კადრები გავრცელებულა მისი მონაწილეობით რაიმე შეხვედრების.

უკრაინის ხელისუფლებამ გახსნა ვებგვერდი „ეძებე შენები“ (“ищи своих”). აქ ქვეყნდება ინფორმაცია დატყვევებული და დაღუპული რუსი ჯარისკაცების შესახებ. ასევე გაიხსნა ცხელი ხაზი “დაბრუნდი ცოცხალი უკრაინიდან”.

ევროკავშირი აშშ-სთან, კანადასთან და დიდ ბრიტანეთთან ერთად აპირებს რუსეთის ფედერაციის ცენტრალური ბანკის აქტივების გაყინვას, ზოგიერთი რუსული ბანკის SWIFT-ისგან გათიშვას და რუსი ოლიგარქებისთვის დასავლეთის ბაზრებზე წვდომის ჩამორთმევას.

ბევრმა ევროპულმა ქვეყანამ დაკეტა რუსული თვითმფრინავებისთვის საკუთარი ცა. საუბარია საერთოდ მთელი ევროპის საჰაერო სივრცის დაკეტვაზე რუსეთისთვის.

კომპანია მეტამ, რომელიც ფეისბუკს, ინსტაგრამს, ვოთსაპს ფლობს, რუსული სახელმწიფო მედიისთვის რეკლამა და მათი შინაარსის მონეტიზაცია შეაჩერა.
YouTube-მა დაბლოკა არხი “Russia Today” უკრაინაში.

ევროპულმა მარებულირებელმა ევროკავშირის ქვეყნებს რუსული არხების დაბლოკვისკენ მოუწოდა და ბევრი ქვეყანა ასეც მოიქცა.

პოლონეთისა და შვედეთის საფეხბურთო ნაკრებებმა მსოფლიო ჩემპიონატის პლეი-ოფში რუსეთთან თამაშზე უარი განაცხადეს. აბსოლუტურად ყველა სპორტული შეჯიბრებაზე უკრაინის დროშას აფრიალებენ და რუსულ აგრესიას გმობენ.

გაეროს გუშინდელი მონაცემებით, 150 ათასზე მეტმა უკრაინელმა ლტოლვილმა დატოვა უკრაინა, მათი დაახლოებით ნახევარი პოლონეთში გადავიდა.

კიევში კომენდანტის საათი მოქმედებს.

ვასილკოვის ნავთობის ბაზა იწვის

ვასილკოვის მერი ნატალია ბალასინოვიჩი ამბობს, რომ ვასილკოვში ნავთობის საცავი ააფეთქეს. საჭიროა მოსახლეობის სასწრაფო ევაკუაცია. არ არის აქაურობა ეკოლოგიურად უსაფრთხო. unian დებს ამ ვიდეოს

ჩრდილოეთ კორეამ, სავარაუდოდ, ბალისტიკური რაკეტა გაუშვა იაპონიის ზღვისკენ – იაპონიის თავდაცვის სამინისტრო.

მუშავდება გეგმა, რომელიც საშუალებას მისცემს რუსეთის ფედერაციის სანქცირებული მოქალაქეების ქონების კონფისკაციას. ჩვენ შავ სიაზე ვმუშაობთ და რუს ოლიგარქებს სანქციებს დავუწესებთ ყრამდენიმე კვირაში – დიდი ბრიტანეთის საგარეო საქმეთა სამინისტრო

ახლახან დასრულდა პირველი ლოგისტიკური ოპერაცია, რომლის დროსაც ლიეტუვამ უკრაინის შეიარაღებულ ძალებს დიდი რაოდენობით ტყვიამფრქვევები, პისტოლეტები, ჩაფხუტები და ჯავშანი გადასცა unian.

უკრაინაში შექმნილი ვითარების გამო 9,5 ათასზე მეტი ფრანგი სამხედროა მობილიზებული და  მზადყოფნაშია, იუწყება France Press გენერალურ შტაბზე დაყრდნობით.

ანტონ გერაშენკო ადასტურებს, რომ პარაშუტით რუსული დესანტის დაშვება არ შეესაბამება სიმართლეს.

რამდენიმე უკრაინულმა არხმა ცოტა ხნის წინ გაავრცელა ფოტო, სადაც ცაზე განათებები პარაშუტებს მიამსგავსეს.

კი, ამბობს CNN-ის კორესპონდენტი. “ქალაქი დაბომბვის მოლოდინში სიბნელეში ჩაიძირა,” – ამბობს ის ჩართვაში.

მაკრონმა და ლუკაშენკას ტელეფონით ესაუბრეს. ელისეს სასახლის კომენტარი:

მაკრონმა მოთხოვა ლუკაშენკოს, გაიყვანოს რუსეთის ჯარები ბელარუსის ტერიტორიიდან.

„ბელარუსი და უკრაინელი ხალხების ძმობამ უნდა აიძულოს ბელარუსი უარი თქვას იყოს რუსეთის ვასალი და თანამზრახველი უკრაინის წინააღმდეგ ომში“, – უთხრა საფრანგეთის ლიდერმა ლუკაშენკოს.

დიდი ბრიტანეთი მზადაა მიიღოს უკრაინიდან ლტოლვილები

უკრაინელი პოლიტიკოსი ევგენი კარასი იუწყება, რომ ცაში არსებული სილუეტები უკრაინის საჰაერო თავდაცვის მუშაობის კვალია.

პარაშუტები კიევის ცაზე. ეშვებიან სოფიევსკა ბორშჩაგოვკაზე. წერს unian

ათასობით ადამიანი ლვოვში რკინიგზის სადგურზე ელოდება მატარებელს პოლონეთისკენ.

უახლოეს მომავალში შესაძლებელია კიევის ძლიერი დაბომბვა – ირინა გერაშენკო, რადას დეპუტატი

ხარკოვი, ზაპოროჟიე, კიევი, ობოლონი – რამდენიმე ცხელი წერტილია ამ წუთას

კიევი ახლა @ოსტოროჟნო, ნოვისტი

რუსეთი უკრაინაში შეიჭრა. Live- ომის მესამე დღე 

რუსეთი უკრაინაში შეიჭრა Live–ომის მეორე დღე

რუსეთი უკრაინაში შეიჭრა Live– ომის პირველი დღე