"გახარია-საქართველოსთვის" პარტიის წევრს, ლევან გოგიჩაიშვილს მეტროში თავს ოცამდე ადამიანი დაესხა

ლევან გოგიჩაიშვილს თავს დაესხნენ

პარტია “გახარია-საქართველოსთვის” წევრს, სიის მე-12 ნომერს ლევან გოგიჩაიშვილს მეტროში თავს დაესხნენ. ვიდეოკადრები გამოცემა “პუბლიკას” მომხმარებელმა მიაწოდა. შემთხვევა “ტექნიკური უნივერსიტეტის” მეტროსადგურში მოხდა.

პოლიტიკოსი ტელეკომპანია “პალიტრა ნიუსის” გადაცემაში მონაწილეობისთვის მიდიოდა, როდესაც მას ორ ათეულამდე უცხო ახალგაზრდა კაცი თავს დაესხა.

პარტიის პრესსამსახურშიც განაცხადეს, რომ ამჟამად გოგიჩაიშვილი პოლიციის განყოფილებაში გამოკითხვაზე იმყოფება.

მომხდარს გამოეხმაურა პარტიის ლიდერი, გიორგი გახარია.

“რამდენიმე წუთის წინ, ჩვენი გუნდის ერთ-ერთ ლიდერს, ლევან გოგიჩაიშვილს თავს დაესხა “ოცნების“ ორგანიზებული მოძალადეების დაჯგუფება, 20-მდე ადამიანი.

თუ ივანიშვილს ჰგონია, რომ ჩვენ, ან ლევანს, რომელიც მთელი თავისი ცხოვრება ებრძოდა “ნაციონალური მოძრაობის” მოძალადე რეჟიმს, “ნაცური” მეთოდებით, ძალადობით დაგვაშინებს, ძალიან ცდება!” – წერს გახარია.

გლობალური ომის პარტია, ღია მუქარა ოპოზიციის მიმართ და მამაკაცის რძე. ივანიშვილის ინტერვიუ "იმედზე" – მთავარი აქცენტები

პუტინის მსგავსად, გაიმეორა, რომ “დედა დედა და მამა – მამა” და ასევე შეპირდა ამომრჩეველს, რომ მომავალ არჩევნებზე პირადად უზრუნველყოფს, რომ ქვეყანში კარგი ოპოზიციური პარტიები გვყავდეს

26 ოქტომბრის არჩევნებამდე ხუთი დღით ადრე, მმართველი პარტიის, “ქართული ოცნების” საპატიო თავმჯდომარემ, ბიძინა ივანიშვილმა ვრცელი ინტერვიუ მისცა პროსახელისუფლებო ტელეკომპანია “იმედს”.

ინტერვიუში ივანიშვილმა განაცხადა, რომ ყველაზე სახიფათო ძალა დღეს ქართულ ოპოზიციაში არის – „ლელო“ და „გახარია საქართველოსთვის“, რადგან ისინი “ნაციონალური მოძრაობის” მობრუნებას უწყობენ ხელს. “ნაციონალური მოძრაობა” კი, რომლის ლიდერებმა “უცხოეთში ისწავლეს”, გლობალური ომის პარტიის მონა-მორჩილია და საქართველოში ომის გაჩაღება უნდა.

ივანიშვილმა განსაკუთრებული სიმძაფრით ყოფილ თანაგუნდელზე, გიორგი გახარიაზე ისაუბრა და მას “გარეწარი” უწოდა. ივანიშვილი ასევე ღიად დაიმუქრა, რომ გახარიას თანაგუნდელებს გაასამართლებს.

ივანიშვილის თქმით, გიორგი გახარიას გადადგომა, 2021 წელს სწორედ საქართველოს ომში ჩართვისთვის მომზადებას უკავშირდებოდა. ვინაიდან, გლობალური ომის პარტიამ იცოდა, რომ „ქართული ოცნება“ არ იომებდა, გადაწყვიტეს მმართველი გუნდი ჩამოეშალათ. მან განმარტა, რომ გახარიას გადადგომის მთავარი მაზანი იყო ის, რომ მოსულიყვნენ ისეთი პოლიტიკური ძალები, რომლებიც საქართველოს მყისიერად ჩართავდნენ ომში.