კორონავირუსით მე-15 ადამიანი გარდაიცვალა საქართველოში

კორონავირუსით გარდაცვლილი 82 წლის კაცი ახალქალაქიდან იყო. ის სომხეთში დაინფიცირდა და საზღვრის გადმოკვეთის შემდეგ კარანტინში იმყოფებოდა. მცხეთის სამედიცინო ცენტრში ის 14 ივნისს გადაიყვანეს. 

მამაკაცი ორი კვირის განმავლობაში მართვით სუნთქვაზე იმყოფებოდა. ექიმების ინფორმაციით,  მას ჰქონდა თანმხლები დაავადებები:  მოციმციმე არითმია, გულის ქრონიკული უკმარისობა და თირკმელების უკმარისობა. 

კლინიკაში მკურნალობს გარდაცვლილი კაცის მეუღლეც. მისი მდგომარეობა სტაბილურია. 

კარანტინში იმყოფება მათი შვილიც, რომელიც მამის ჯანმრთელობის მდგომარეობის გაუარესების გამო საქართველოში რუსეთიდან ჩამოვიდა.