კორონავირუსი კავკასიაში: 23-24 აპრილი, 2020

27 აპრილიდან, საქართველოში, მუშაობას დაიწყებენ ტაქსები და შესაძლებელი იქნება საკუთარი ავტომობილებით გადაადგილება.

ამუშავდება აგრარული ბაზრები.

დაიშვება ონლაინ გაყიდვები.

ანტიკრიზისული გეგმის ფარგლებში, 6 თვის განმავლობაში, ის მოქალაქეები, რომლებმაც სამსახური დაკარგეს, თვეში 200 ლარს მიიღებენ (დაახლოებით, 70$-ს), სოციალურად დაუცველები, მრავალშვილიანები და შეზღუდული შესაძლებლობის მქონე პირები კი – თვეში 100-100 ლარს (დაახლოებით, 40$-ს).

გარდაიცვალა 85 წლის პაციენტი, რომელსაც ქრონიკული დაავადებები ჰქონდა.

საერთო ჯამში, აზერბაიჯანში, ეპიდემიის დაწყებიდან, 21 პაციენტი დაიღუპა, დაინფიცირდა – 1 592, მათგან 1 013 გამოჯანმრთელდა.

27 აპრილიდან, აზერბაიჯანში, თითქმის ყველა მაღაზია გაიხსნება, რომლებიც ახლა საკარანტინო რეჟიმის გამო არის დაკეტილი, გარდა სავაჭრო ცენტრებში განთავსებულებისა. ასევე, მუშაობის უფლება ექნებათ რეპეტიტორებს.

ეს საკარანტინო რეჟიმიდან გამოსვლის პირველი ეტაპია. ის 4 მაისს სრულდება.

აზერბაიჯანში ჯანდაცვის მსოფლიო ორგანიზაციის წარმომადგენლის, ჰანდე ჰარმანჯის აზრით, ზრდის ტემპები და ინფიცირებულთა რაოდენობის შემდგომი შემცირება, შესაძლოა იმაზე მიუთითებდეს, რომ პიკი უკვე უკან დარჩა.

საერთო ჯამში, სომხეთში, პანდემიის დაწყებიდან უკვე 27 ადამიანი გარდაიცვალა და 1,596 – დაავადდა.

გამოჯანმრთელდა 728 ადამიანი,

სულ, ქვეყანაში, 16,551 ტესტი ჩატარდა.

• სომხეთი: რამდენად დაზარალდება ბიზნესი კორონავირუსისგან და რა ელის ეკონომიკას საგანგებო მდგომარეობის შემდეგ?

ბოლო 24 საათში საქართველოში covid-19-ით დაავადების 11 ახალი შემთხვევა გამოვლინდა.

საქართველოში კორონავირუსით ინფიცირების 431  შემთხვევაა დადასტურებული.

კორონავირუსით ინფიცირებულთაგან 114 გამოჯანმრთელდა და 5  გარდაიცვალა. კარანტინის რეჟიმშია 5126 ადამიანი, ხოლო სტაციონარში მეთვალყურეობის ქვეშ – 578 პირი.

თერჯოლის მუნიციპალიტეტის სოფელ ღვანკითში, სადაც კარანტინი  გუშინ, გამოცხადდა, covid-19 კიდევ ადამიანს დაუდასტურდა.

• დეთალურად

ეპიდემიის დაწყებიდან 20 ადამიანი გარდაიცვალა გამოჯანმრთელდა უკვე 947 პაციენტი.

აზერბაიჯანში გაძლიერებული კარანტინის რეჟიმია დაწესებული. დაკეტილია მეტრო, თუმცა, დადის ავტობუსები. მუშაობა შეჩერებული აქვს საწარმოების, ოფისების, რესტორნებისა და მაღაზიების უმრავლესობას, სასურსათოებისა და აფთიაქების გარდა. მოსახლეობისგან სახლში ყოფნას მოითხოვენ.

5 აპრილიდან შეზღუდვები წესდება გადაადგილებაზეც – შინიდან გამოსვლამდე, მოქალაქეებმა ამის შესახებ ხელისუფლებას SMS-ით უნდა შეატყობინონ. კარანტინის რეჟიმის დარღვევისთვის მოქალაქეებს აჯარიმებენ.

• როგორ გამოიყურება ქალაქი, რომელმაც, ოფიციალური ვერსიით, თითქმის დაამარცხა კორონავირუს

23 აპრილის მონაცემებით, საქართველოში კორონავირუსით ინფიცირების 420  შემთხვევაა დადასტურებული.

კორონავირუსით ინფიცირებულთაგან 107 გამოჯანმრთელდა და 5  გარდაიცვალა.

კარანტინის რეჟიმშია 5148 ადამიანი, ხოლო სტაციონარში მეთვალყურეობის ქვეშ – 573 პირი.

მაღალი ეპიდემიოლოგიური რისკის გამო თერჯოლის მუნიციპალიტეტის სოფელ ღვანკითში კარანტინი გამოცხადდა. გუშინ ამ სოფელში კორონავირუსით ინფიცირების ოთხი შემთხვევა დაფიქსირდა.

• დეთალურად

ეპიდემიის დაწყებიდან 24 ადამიანი გარდაიცვალა

გამოჯანმრთელდა უკვე 659 პაციენტი.

სომხეთში, 14 მაისამდე საგანგებო მდგომარეობაა გამოცხადებული და მკაცრი შეზღუდვებია დაწესებული ადამიანების გადაადგილებაზე. სახლიდან გასვლა მხოლოდ უკიდურესი აუცილებლობის შემთხვევაში შეიძლება – პასპორტით და „გადაადგილების ანკეტით“.

შეჩერებულია საზოგადოებრივი ტრანსპორტის მოძრაობა, მათ შორის, არ მუშაობს მეტრო.

თუმცა, უკვე დაიწყო შეზღუდვების ნაწილობრივი შემსუბუქება და ზოგიერთმა საწარმომ მუშაობა განაახლა.

• სომხეთი: რამდენად დაზარალდება ბიზნესი კორონავირუსისგან და რა ელის ეკონომიკას საგანგებო მდგომარეობის შემდეგ?

• კავკასიაში, კორონავირუსის პანდემიასთან დაკავშირებული წინა მოვლენების ქრონიკა