პარტია “გახარია საქართველოსთვის” ლიდერს გიორგი გახარიას თავს დაესხნენ და ფიზიკურად გაუსწორდნენ. თავდასხმა ბათუმში, სასტუმრო შერატონში მოხდა. პოლიტიკოსი კლინიკაშია გადაყვანილი.
“მთის ამბების” რედაქტორი და ჟურნალისტი გელა მთივლიშვილი წერს, რომ გიორგი გახარიას ქართული ოცნების არალეგიტიმური პარლამენტისა და აჭარის უმაღლესი საბჭოს დეპუტატები დაესხნენ თავს. მისი ცნობით, გიორგი გახარია კლინიკაშია გადაყვანილი.
“რამდენიმე წუთის წინ, ბათუმში, “შერატონში”, რუსული რეჟიმის არალეგიტიმური პარლამენტის და აჭარის უმაღლესი საბჭოს დეპუტატები დიმიტრი სამხარაძე, გიორგი მანველიძე და სხვები ჯგუფურად თავს დაესხნენ გიორგი გახარიას, მანამდე ჩვენს მეგობარს, რომელიც ამავე სასტუმროში იყო დაბინავებული. გახარია კლინიკაშია გადაყვანილი”, – წერს ის.
“ყველას მოგაკითხავთ, წარმოდგენა არ გაქვთ რამხელა შეცდომა დაუშვით, დანდობა არ იქნება, გპირდებით!
საქართველოს პროკურატურა, 24 საათში არ იქნება ყველა თავდამსხმელი დაკავებული და თქვენც მოგაკითხავთ!
ივანიშვილი, საბრალდებო სკამზე დაგსვამ პირადად!
წარმოდგენა არ გაქვთ რამხელა შეცდომა დაუშვით, ივანიშვილო, საბრალდებო სკამზე დაგსვამ პირადად!” – წერს პარტია “საქართველოსთვის” გენერალური თავმჯდომარის მოადგილე ნათია მეზვრიშვილი სოციალურ ქსელში.
