“დიდება გმირებს”- ვიდეო ბლოგების სერიიდან „პროტესტი საქართველოში“
დიდება გმირებს- “შაბათის მარში” საქართველოში
უწყვეტი პროტესტის 598-ე დღეს, მორიგი, ტრადიციული “შაბათის მარში”, საქართველოსა და უკრაინის ბრძოლას მიეძღვნა.
პროტესტი საქართველოში. ყველა ვიდეო მარშს, სიმბოლურად, ქალები მიუძღვებოდნენ. წვიმიანი ამინდის მიუხედავად, მარში ხალხმრავალი იყო.
აქციის მონაწილეები ფილარმონიიდან პარლამენტამდე საქართველოსა და უკრაინის გაშლილი დროშებით გაემართნენ, სადაც თითქმის ორი წელია, უწყვეტი საპროტესტო აქცია იმართება
ერთ წელზე მეტია საქართველოში უწყვეტი საპროტესტო აქციები მიმდინარეობს. აქციის მონაწილეები ყოველ საღამოს იკრიბებიან ქვეყნის დედაქალაქში, თბილისსა და საქართველოს რამდენიმე პატარა ქალაქში.
აქციების მიმდინარეობისას ათობით ადამიანი დააკავეს. ბევრ მათგანს სისხლის სამართლის ბრალდება წაუყენეს და პატიმრობა მიუსაჯეს. პირველად, დამოუკიდებელი საქართველოს ისტორიაში, გვყავს 150-მდე სინდისის პატიმარი, მათ შორის ქალები. დაპატიმრებულია გამოცემების “ბათუმელებისა” და “ნეტგაზეთის” დამფუძნებელი, მზია ამაღლობელი. მას ორწლიანი პატიმრობა აქვს მისჯილი პოლიციელისთვის სილის გაწვნის ფაქტზე.
აქციის მონაწილეები ითხოვენ გათავისუფლდეს ყველა პოლიტიკური პატიმარი, დაინიშნოს ახალი საპარლამენტო არჩევნები და გაუქმდეს ყველა ის ანტიდემოკრატიული კანონი, რაც ბოლო ორ წელიწადში მიიღო “ქართულმა ოცნებამ”.
პროტესტის ჩასახშობად, “ქართული ოცნება” სულ უფრო ამკაცრებს რეპრესიებს სამოქალაქო საზოგადოებისა და მედიის წინააღმდეგ. თუმცა, უწყვეტი პროტესტი, სხვადასხვა ფორმით, დღემდე გრძელდება.
