"არ შეიძლება ქართველ ხალხს საწუწუნო გაუხადონ კანდიდატის სტატუსი" - პარლამენტის თავმჯდომარე

პარლამენტის თავმჯდომარე კანდიდატის სტატუსზე

საქართველოს პარლამენტის თავმჯდომარემ შალვა პაპუაშვილმა 9 აგვიტოს საქართველოსთვის კანდიდატის სტატუსის მინიჭებაზე ისაუბრა. მან იმედი გამოთქვა, რომ ევროკავშირის წევრი ქვეყნები გადააბიჯებენ თავიანთ პარტიულ კავშირებს და მიიღებენ ობიექტურ, სამართლიან გადაწყვეტილებას, რომელიც ეკადრება ევროპას. პაპუაშვილის თქმით, საქართველოსთვის სამართლიანი გადაწყვეტილება იქნება, რომ იმავე დონეზე დააყენონ, სადაც არის უკრაინა და მოლდოვა.

“თუ დღეს მათ აქვთ კანდიდატის სტატუსი, საქართველოსაც უნდა ჰქონდეს. თუკი მათთან გაიხსნება მოლაპარაკება, საქართველოსთანაც უნდა გაიხსნას. ეს იქნებოდა სამართლიანი გადაწყვეტილება დაფუძნებული ობიექტურ კრიტერიუმებსა და შეფასებებზე, რომელიც თავად ევროკომისიამ იანვარში წარმოადგინა. რაც შეეხება უსამართლო გადაწყვეტილების შესაძლებლობას, ეს შესაძლებლობა არსებობს. შარშან ვნახეთ ასეთი უსამართლო გადაწყვეტილება, როდესაც სამეულში ლიდერი საქართველო დაიჩაგრა და საქართველოს უკან მყოფ ქვეყნებს მიეცათ კანდიდატის სტატუსი, ხოლო ლიდერს – არა. იმედი მაქვს, სამართლიანი გადაწყვეტილება იქნება”, – აღნიშნა პაპუაშვილმა.

● “შიდა მტრების დესტრუქციული ქმედებები საფრთხეა ქვეყნისთვის” – რა თქვა პრემიერმა პარლამენტში
● პრეზიდენტის მიმართვა დამოუკიდებლობის დღეზე: საზოგადოება არ დათმობს ევროპულ არჩევანს. კიდევ რა თქვა ზურაბიშვილმა
● სენატორები შაჰინი და რიში: საქართველოს მთავრობის უკუსვლა გვაიძულებს ადმინისტრაციას ზომების მიღება ვთხოვოთ

პარლამენტის თავმჯდომარე ამბობს, რომ საქართველოს ევრორეკომენდაციებთან მიმართებით აქვს პროგრესი და ერთადერთი მოლოდინი, რაც ქვეყანას შეიძლება ჰქონდეს, სამართლიანი გადაწყვეტილების მოლოდინია.

“არ შეიძლება საწუწუნოდ გაუხადონ ქართველს ხალხს, რომელიც ლიდერია ამ სამ ქვეყანას შორის ყველა ობიექტური შეფასებით. არ შეიძლება ასეთი უსამართლობა ქართველი ხალხის მიმართ, რომ კანდიდატის სტატუსი საწუწუნო გაუხადონ, რაც თავისი არსით მნიშვნელოვანი პოლიტიკური ნაბიჯია, მაგრამ შინაარსობრივად არ არის ის, რაც საბოლო ჯამში გვინდა – ვგულისხმობ მოლაპარაკებების დაწყებას და შემდეგ წევრობას”, – პაპუაშვილის თქმით, ქვეყანა კანდიდატობისთვის მზად იყო ჯერ კიდევ შარშან, ივნისში. – “ეს დადასტურდა იანვარში გამოქვეყნებული შეფასებით, სადაც ჩანდა, რომ ვუსწრებთ უკრაინას, მოლდოვას და ათი თავით ვუსწრებთ ბოსნიას და ჰერცეგოვინას, რომელმაც დეკემბერში მიიღო კანდიდატის სტატუსი”.

პარლამენტის თავმჯდომარე კანდიდატის სტატუსზე