უზენაესმა სასამართლომ აფხაზეთში ტურისტის გაუპატიურებაში ბრალდებულის გამართლებაზე უარი თქვა
აფხაზეთში რუსი ტურისტის გაუპატიურება
აფხაზეთში 2019 წელს რუსი ტურისტის გაუპატიურების გახმაურებული საქმე დღის წესრიგში დაბრუნდა. ედგარ აბუხბა, რომელიც ამ საქმეზე დამნაშავედ ცნეს, ამჟამად პატიმრობას მკაცრი რეჟიმის კოლონიაში იხდის.
მისი ადვოკატი ცდილობდა კლიენტის გამართლებას ან მკაცრი რეჟიმის ზოგადით შეცვლას, მაგრამ უზენაესმა სასამართლომ გამართლებაზე უარი თქვა და რეჟიმის შეცვლის საკითხი საკონსტიტუციო სასამართლოს გადასცა. ზოგიერთი ამ გადაწყვეტილებას უცნაურად მიიჩნევს და თვლის, რომ ამან შეიძლება ზიანი მიაყენოს აფხაზეთის ტურისტულ იმიჯს.
2019 წლის ზაფხული
2019 წელს ამ ამბავმა დიდი რეზონანსი გამოიწვია აფხაზეთში. მიუხედავად იმისა, რომ ჟურნალისტებს სასამართლო სხდომებზე დასწრების უფლება არ ჰქონდათ, პრესამ საქმის ყველა დეტალი სხვადასხვა წყაროდან გაიგო.
დანაშაულის ჩადენის დროს ედგარ აბუხბა 17 წლის იყო. ის მსხვერპლს იცნობდა. 2019 წლის 31 ივლისს, სოხუმის სანაპიროზე მდებარე კაფე ჩეგემში, ედგარმა გოგონას უთხრა, რომ მასზე დაქორწინება სურდა. ის ცდილობდა გოგონას დაყოლიებას ინტიმურ ურთიერთობაზე და როცა უარი მიიღო, ალკოჰოლის დალევას აიძულებდა.
რაღაც მომენტში გოგონამ ჰკითხა, სად იყო უახლოესი საზოგადოებრივი ტუალეტი. აბუხბამ იგი მიიყვანა დამწვარი მიტოვებული შენობის კომპლექსთან, აიყვანა ერთ-ერთ სართულზე, სადაც დაიწყო მისი ცემა და გაუპატიურება.
- “ახლა უნდა მოგკლათ” – აფხაზეთში რუსი ტურისტი აწამეს
- ახალი „კანონი ბინების შესახებ“ აფხაზეთში – რას ნიშნავს და რა საფრთხეებს შეიცავს
- მოსაზრება: „კრიმინალური აფხაზეთი – როგორ მივიღეთ ის?“
აბუხბას დაცვა არ უარყოფდა სქესობრივი კავშირის ფაქტს, მაგრამ ამტკიცებდა, რომ ეს ნებაყოფლობითი იყო.
დაზარალებულის დედამ სასამართლოს განუცხადა, რომ მისი ქალიშვილი რამდენიმე თვის განმავლობაში მძიმე მდგომარეობაში იყო. გოგონამ სამ ოპერაცია გადაიტანა, დაზიანებული ჰქონდა მარჯვენა თვალი, ყვრიმალების ძვლები.
როგორც ადვოკატმა აღნიშნა, აბუხბა დარწმუნებული იყო, რომ გოგონა მოკლა, რის შესახებაც მეგობარს ტელეფონით განუცხადა.
დანაშაულის ჩადენის დროს აბუხბა 17 წლის იყო, მაგრამ სანამ სასამართლო გამოძიება მიმდინარეობდა, მან სრულწლოვანებამდე მიაღწია.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
